ESTER 4:11 - WUKE SUSI WATTI'U AL᷊AL᷊USASSA

¹¹ “Suapan taumata, mawae esakka aroddi lai wawine, apan ringannu tawe niwaggoanna, sumaruanna ratu su rallakku lal᷊ummu wal᷊en araratuanna, ṛinone iṛṛuumanna mate. Uddewe manga atoranna wuṛṛu anambon taumata manattakka wuassu mananantiro ratu maddatingngu tumanangnge su manga propinsi, masingkattu atoranna udde. Tumba'u pia sambau dal᷊anna tadea'u mal᷊iu wuassu manga atoranna udde, eteudde napawe ratu mangul᷊ukku ta'inne wul᷊awanna su taumata udde. Amungkangngu udde nariaddi, i tou sarun masal᷊amatta. Arawe sambul᷊ante indi i ya'u tawe niwaggoannu ratu.”

ESTER 4:11 Iomraidhean Croise

ESTER 1:19

Ana waugu udde, i yami sumal᷊ande tadea'u Tuangnga manganu inappuanne manungku Wo'i Wasti tate wotongnge lai sumaruanna si Tuangnga. Inaappuanna udde ṛinone olaanna atoranna su Persia wuṛṛu Media, wuṛṛu tate wotongnge sawutanna apia. Wua'udde, aiannani Wo'i Wasti onggol᷊a'e su wawine waine apan mappianne wuassi tou.

ESTER 2:14

I tou niapidda watukku wal᷊en araratuanna sutempo ṛabbi, wuṛṛu tiṛṛabine i tou niapidda watukku wal᷊en araratuanna waine, wuṛṛu papaddul᷊iananni Saasgas, sangkatou mamanaran ratu apan nipile mammaddul᷊i mia'in ratu. Maṛṛuala udde tate sumaruanna ratu apia, tabbene'e ratu mapaaranita wuṛṛu mamaggo si tou ṛingannu managgon aranne.

ESTER 4:10

Arawe Ester nandolokki Hatah mabbelengnga apia ringanni Mordekhai uaapiddu tanata indi,

ESTER 4:12

Ana see Hatah namasingkattu tanatan Ester udde si Mordekhai.

ESTER 6:4

Ana see ratu naiwal᷊o, “Isai wuassu mamanara'u apan orassa indi sulal᷊ummu wal᷊en araratuanna?” Inauranna Haman wakkute sinumutta su rallakku wal᷊en araratuanna; i tou inai maddorongnga su ratu manggantongngi Mordekhai su diṛṛi apan buatte niaparisikka udde.

ESTER 8:4

Ratu nangul᷊ukku ta'inne wul᷊awanna si Ester, ana see dirumarisikke Ester wuṛṛu nabbisara.

DANIEL 2:9

makkuumanni yamiu sarangkanambone ringannu olangnge apan uasul᷊ungnga amungkangngu i yamiu tawe maapasingkattu wal᷊iawa udde si ya'u. I yamiu na'ire tadea'u sidutu mammahia wuṛṛu mannalangnga si ya'u ringannu antimma manungku i ya'u sarun maml᷊u innappuangku. Ne, pasingkata'e wal᷊iawa udde, ne i ya'u sarun maasingkatta manungku i yamiu wotongnge manal᷊a'an atappasanne.”

1 PETRUS 3:7

Wuṛṛu i yamiu lai, manga awingnga esakka, ṛinone mabbiakka ringannu napenen pasasunna su saruannu awingngu, wuṛṛu ringannu asingkata manungku ete i mangitou udde walahanna apan lome. Olaawe i mangitou ringannu addata, ana waugu i mangitou su sambau ringanni yamiu, sarun manengkamma al᷊amattu pabbiaṛṛana apan tutune wuassu Ruata. Olaawe indi, tadea'u taweddu maasal᷊awa'a aal᷊iomannu.