ESTER 3:2 - WUKE SUSI WATTI'U AL᷊AL᷊USASSA

² Ratu namarenta su anambon mamanarane tadea'u mangaddatta si Haman ringannu umal᷊intudda su saruanne. Sarangkanambone naddaringikka parenta udde, tabbene'e Mordekhai.

ESTER 3:2 Iomraidhean Croise

PANDARIADDI 41:43

Ana see i tou nangonggola si Yusuf sambau keretan araratuanna aruane maola'a sasa'eanne, wuṛṛu mandariaga awawantugu ratu u'amatta su saruannu kereta udde apiddu u'ui, “Ore! Paamata'a! Paamata'a!” Etearoddi i Yusuf nitenega naola'a gubernure su ahewallu Mesir.

ESTER 2:19

Tantal᷊anna udde Mordekhai buatte nitenegu ratu naola'a mamanaran araratuanna.

ESTER 2:21

Su allo sambau, sutempo Mordekhai tantal᷊anna mammanara su wal᷊en araratuanna, ruan katou mamanaran ratu apan apianne, eteudde Bigtan wuṛṛu Teres, nabbaidda mappandumma mamate si Ratu Ahasyweros, ana waugu itarua lembon maddantinni tou.

ESTER 2:5

Su soa Susan udde pia sangkatou Yahudi aranne Mordekhai ana'i Yair. I tou papapulunni Kis wuṛṛu Simei wuassu ṛuanganni Benyamin.

ESTER 3:1

Manga pira tempo wua'udde Ratu Ahasyweros nananegu sangkatou aranne Haman maola'a perdana menteri. Haman uddewe ana'i Hamedata wuassu papapulunni Agag.

ESTER 3:3

Manga mamanara waine su wal᷊en araratuanna naiwal᷊o si tou anio i tou lullawangnga parentan datu,

ESTER 3:5

Haman mangke nasa'u atonna napawe naasingkatta manungku Mordekhai maddiri umal᷊intudda su saruanni tou.

ESTER 5:9

Haman napul᷊ete wuassu sal᷊iwangngi Wo'i Ester ringannu naungnga apan lulluassa. Arawe napawe su ngara sasuttannu Wal᷊en araratuanna i tou naasilo si Mordekhai apan tawe dirumarisikka mangaddatta si tou, i tou mangke nasa'u atonna.

DARALO 15:4

apan mangngadio'a taumata apan nito'en Duata, arawe mangngadata taumata apan matta'uttu Ruata; apan mannipussa paaire, salaiwe i tou narugi

SASABANGNGA 17:14

Mawu nabbisara si Musa, “Woṛṛeta'e ola'u auntunganni yamiu indi tadea'u sidutu nannaunganna. Wal᷊oa'a si Yosua manungku i Ya'u sarun mamate taumatan Amalek.”

SASABANGNGA 17:16

Unni Musa, “Wattea'e paatanggakka waneṛṛa Mawu! Mawu napapangalo nandoappa taumatan Amalek saran mal᷊annu-l᷊annu!”

DANIEL 2:49

Arawe wuassu darorongngi Daniel, ratu nanantillu pamamarenta su propinsi Babel udde si Sadrakh, Mesakh wuṛṛu Abednego, tantal᷊anna Daniel sassane uatana'a su wal᷊en araratuannu ratu.

TAHIUL᷊E 25:19

Ana waugu udde, amungkangngu Mawu Ruatanu buatte nangonggolu wanua udde si yamiu wuṛṛu i yamiu matammudda wuassu al᷊awo'u seetta apan uatana'a maraninu, anambon taumatan Amalek udde ṛinone pateanni yamiu, ma'oman sara i mangitou tate naunganna lai. Imbaṛṛangnga abbul᷊iananna!”

FILIPI 2:10

Ne, tadea'u ipangadatta Mawu Yesus, anambon riadianna su surga, wuṛṛu su runia, see lai su al᷊ungngu runia sarun massubba si Tou.

1 SAMUEL 15:3

Nariaddi, roote wuṛṛu pangaloite taumatan Amalek wuṛṛu ṛimunsa'a al᷊awo'u pussa'an mangitou. Arie pia sambau apan matantanga; patete anambon taumata esakka, wawine, al᷊aṛṛana'a wuṛṛu ana'a ta'e maṛṛamutta; see lai sapi, domba, unta wuṛṛu keledai.”