ESTER 3:15 - WUKE SUSI WATTI'U AL᷊AL᷊USASSA

¹⁵ Manga daroloṛṛanna nasasaṛṛawutta nanguntuddu manga suratta udde su anambon propinsin araratuanna. Wuassu darolokku ratu, parenta udde nial᷊iata lai su Susan, inangngu soan Persia. Wua'udde ratu wuṛṛu Haman ua'iante lapiddu ma'inumma anggore, arawe soa Susan niṛṛumindu'a ana waugu watti'a udde.

ESTER 3:15 Iomraidhean Croise

PANDARIADDI 37:25

Tantal᷊anna i mangitou u'anna, inaṛṛombanganne i mangitou naasilo sambau ammul᷊annu taumatan Ismael apan tantal᷊an sulal᷊ummu amatanna wuassu Gilead watukku Mesir. Manga unta mangitou lal᷊uranannu manga rampa-rampa wuṛṛu anggore namarate.

1 MARARATU 14:27

Ne naola'a hahantine Ratu Rehabeam na'ola'a manga allungnga wuassu witu'a, wuṛṛu nitantilla su manga tembonannu tantarane apan uariaga passalangannu wal᷊en araratuanna.

ESTER 1:10

Su allo appitune, ratu tantal᷊anna ma'inumma na'oman sara naapendamma tumaniten lulluassa. Ana waugu udde i tou namaggo siri pitu tembonanne apan niṛṛae maola'a mangngangimbene sassane; i mangitou eteudde Mehuman, Bizta, Harbona, Bigta, Abagta, Zetar wuṛṛu Karkas.

ESTER 4:16

“Ammul᷊a'e anambon taumatan Yahudi apan uatana'a su Susan tadea'u umal᷊iomangku. Imbaṛṛangnga umanna wuṛṛu ma'inumma al᷊annune tallu allo tallu ṛabbi. I ya'u sassane wuṛṛu manga maṛṛuala mangangimbe'u sarun mappuasa lai. Wua'udde i ya'u sumaruante ratu, salaiwe udde lumawangnga atoranna. Amungkangngu i ya'u ṛinone mate ana waugu udde, wala'e i ya'u mate!”

ESTER 8:15

Wua'udde Mordekhai nanantangngu wal᷊en araratuanna ringannu nalluṛṛen laubbu awawantuga kalurene ma'elomma wuṛṛu mawira, juba ungu wuassu linen al᷊ussa wuṛṛu mahkota wul᷊awanna apan maṛṛansangnga atonna. Soa Susan huggio ana waugu lulluassa.

DARALO 37:7

Ṛaddoite Mawu ringannu naungnga matammuda, ṛaddoite ringannu asasabare ma'oman sara i Tou mammanara. Arie suminggawanga su taumata apan napantaingu wiakke, ara'e iapa manarane mammahia.

AMSAL 1:16

I mangitou tawe matatana'a mal᷊annabba amungkangu taambe na'ola'a al᷊al᷊eo. I mangitou apulune mal᷊iha-l᷊ihakka mamate.

AMSAL 29:2

Amungkangngu taumata mapia mamarenta, lal᷊oṛṛon soa mal᷊uassa. Arawe amungkangngu taumata lal᷊eo uaparenta, tumana'u soa uatataṛṛangnga.

AMSAL 31:4

Paanaungete, Lemuel! Ma'inumma anggore wuṛṛu nanamitannu minumanna maawu'anna, tawe ṛinone su tembonanne.

AMSAL 4:16

Taumata lal᷊eo tawe maatiilla tantal᷊anna taambe na'ola'a al᷊al᷊eo. I mangitou tawe amatiil᷊anna tantal᷊anna taambe napanilaka taumata waine.

HOSEA 7:5

Su allon andeangngu ratu, na'ola'a ratu wuṛṛu manga tembonanne na'inumma anggore na'oman sara niwu'anne wuṛṛu na'ola'a inolaanna apan longonna. Panginsuenne ratu mallal᷊umanna'a ringannu manga taumata apan nampabbaha udde.

AMOS 6:6

I yamiu ma'inumma anggore wuassu halasi apan nilal᷊inanna napene, wuṛṛu i yamiu mappaattu lana mawangngi apan apianne, arawe i yamiu mappaattu lana mawangngi apan apianne, arawe i yamiu tawe masusa naungnge su ola'u ola'u araṛimunsa'u Israel.

YOHANES 16:20

Pangimante, i yamiu sarun lumuai wuṛṛu sumangitta, arawe runia sarun lumuassa. Naungngi yamiu sarun masusa, arawe asasusanu udde sarun mawal᷊u maola'a al᷊al᷊uassa.

SONDAPPA 11:10

Tumana'u runia sarun lumuassa ana waugu inapateannu tiala darua udde. I mangitou sarun maddamea wuṛṛu sarun ma'a'agilu aonggola, ana waugu ruang katou nabi udde suete nandantan anambon asasusa su anambon taumata su runia.