ESTER 3:1 - WUKE SUSI WATTI'U AL᷊AL᷊USASSA

¹ Manga pira tempo wua'udde Ratu Ahasyweros nananegu sangkatou aranne Haman maola'a perdana menteri. Haman uddewe ana'i Hamedata wuassu papapulunni Agag.

ESTER 3:1 Iomraidhean Croise

PANDARIADDI 41:40

I'o sarun ta'u itenega maola'a gubernure, wuṛṛu tumana'u sarangkanambone sarun tumuṛṛutta parentanu. Tumba'u i ya'u apan lembon uataṛṛino wuassi'o.”

PANDARIADDI 41:55

Napawe tumana'u Mesir mannattake maapendamma lunussa, i mangitou nadorongnga anna su ratu. Ana see ratu nandolokki mangitou ringanni Yusuf wuṛṛu tinumuṛṛutta al᷊awo'u apa apan nirolokki Yusuf si mangitou.

EZRA 7:14

Ana waugu i ya'u wuṛṛu siri pitu mananatiro'u mandolokku Tuṛṛangnga watukku Yerusalem wuṛṛu Yehuda manaṛṛassidda olangnge wuṛṛu ma'ellega tanne Titan Duata apan buatte nitantilla su Tuṛṛangnga, atonna-tonna niapaamatta.

ESTER 1:14

Manga mananantiro apan masokka waggoannu ṛatu eteudde: Karsena, Setar, Admata, Tarsis, Meres, Marsena wuṛṛu Memukan. I mangitou uddewe manga tembonannu Persia wuṛṛu Media apan pia aiananne matanggakka su araratuanna.

ESTER 3:10

Naaringikka udde, ratu nanawutta wuassu tal᷊imaddone sinsingnga apan ual᷊uṛṛe si tou ipacappa manga papasingkattu araratuanna, ana see nionggolla si Haman, seettu taumatan Yahudi apan wahewalla.

ESTER 5:11

Ana see i Haman mammahiate si mangitou wuṛṛu mammungaten paa'alane, pangkanne wahewalla apan nionggollu ratu, wuṛṛu pangkanne apan marau mattangngaṛṛanne wuassu manga mamanara waine.

ESTER 7:6

Ester sinumimbakka, “Haman apan lal᷊eo indi seetta wuṛṛu mandal᷊al᷊eo si yami!” Ringannu tumaniten matta'utta Haman na'ellega ratu wuṛṛu wo'i.

ESTER 8:3

Wua'udde Ester sinumaruanna ratu apia. I tou niumal᷊intudda lapiddu nilumuai wuṛṛu sinumal᷊ande tadea'u ratu mangabbutta hol᷊aga lal᷊eo apan niola'i Haman su saruannu taumatan Yahudi.

DARALO 12:8

Taumata lal᷊eo mammal᷊apiddu al᷊awo'u tampa, al᷊al᷊eo raddaloannu al᷊awo'u taumata. Arawe I'o uasirungnga si yami, oh Mawu, lu'arewe i yamiu su saruannu manga taumata lal᷊eo udde.

AMSAL 29:2

Amungkangngu taumata mapia mamarenta, lal᷊oṛṛon soa mal᷊uassa. Arawe amungkangngu taumata lal᷊eo uaparenta, tumana'u soa uatataṛṛangnga.

MANNANASE 10:6

Taumata woddo nionggol᷊annu aiananna apan mawantuga, arawe taumata mapapandene tawe naasomba apa-apa.

DANIEL 6:2

Darius nattahia araratuanne naola'a maṛṛasutta daruan pul᷊o propinsi apan sambau-sambau paparentannu sangkatou gubernure.

REENGANNA 24:7

I mangitou naasomba ua'en kuranna apan manambo-nambo, wualanna apan naasomba ua'ene manambo. Ratune sarun mawantuga, nangillembo wuassi Agag, wuṛṛu araratuanne sarun wantuhanna.

1 SAMUEL 15:33

Ana see i Samuel nabbisara, “Ere lai hal᷊elenu apan buatte na'ola'a manambo inangnga apan niawul᷊iannu anangnge, aroddi lai inangngu sarun awul᷊iannu anangnge.” Ana see i Samuel nanattadda si Agag su saruannu mezbah su Gilgal.

1 SAMUEL 15:8

Anambon tumana'u soa wuṛṛu tantaran Amalek nipaten Saul. Arawe i Agag ratun taumatan Amalek nisametta wuṛṛu niwala ta'e wiakka ṛatanganni Saul wuṛṛu tantarane, aroddi lai domba wuṛṛu sapi apan apianne, ana'u sapi wuṛṛu ana'u domba apan atawanne, wuṛṛu al᷊awo'u saranapa apan maarega; tumba'u winatangnga apan tawe gunane wuṛṛu tawe aregane apan nasue nipate.