ESTER 2:7 - WUKE SUSI WATTI'U AL᷊AL᷊USASSA

⁷ I tou pia tuṛṛangnga sidutu, sangkatou maṛṛuala apan hatine maṛṛamagga wuṛṛu awangnge maṛṛansangnga, aranne Ester, ewe'e arannu Ibrani isassaggo Hadasa. Hagurangngi Ester natete wuṛṛu i tou naola'a ana'a ampitti Mordekhai wuṛṛu nibbuwunna ere ana'a suṛṛiwa.

ESTER 2:7 Iomraidhean Croise

PANDARIADDI 48:5

I Yakub nanassu, “I Yusuf, anangngu ruan katou i Efraim wuṛṛu i Manasye apan niasungkanga su Mesir indi tantal᷊anna i ya'u taambe naranta isindi, udde lai ana'u, ere lai i Ruben wuṛṛu i Simeon.

ESTER 1:11

I tou nandolokki mangitou mangapidda su saruanne Wo'i Wasti ringannu mahkota araratuanna su puane. Wo'i tumaniten maṛṛamagga, wuṛṛu ratu sarun mamasilon araṛṛamagge su manga tembonanne wuṛṛu anambon rahone.

ESTER 2:15

Ne nia'omante hiliranni Ester inai sumaruanna ratu. – Ester uddewe ana'i Abihail tuṛṛangngi Mordekhai apan buatte nangampitta si tou maola'a anangnge sassane; Ester itattiangnga suapan taumata ma'ellega si tou. Sutempo i tou inaite sumaruanna ratu, Ester nappeddeta tumuṛṛuttu atokka wuṛṛu tatantiron Hegai, tembonannu wal᷊en araratuannu wawine.

ESTER 2:20

Ester taambe lai namasingkatta manungku i tou sangkatou taumatan Yahudi, ana waugu Mordekhai manningaddi tou. Ester mararingikka si Mordekhai ere lai sutempo i tou ta'e al᷊aṛṛana'a wuṛṛu nipaddul᷊ianannu tuṛṛangnge tutune udde.

ESTER 8:1

Su allo udde Ratu Ahasyweros nangonggolla si Wo'i Ester al᷊awo'u darotongngi Haman, seettu taumatan Yahudi ahewal᷊anne. Ester namasingkatta ratu manungku Mordekhai tuṛṛungnge sidutu, ne nanattakka orassa udde Mordekhai nionggol᷊annu taṛṛino amungkangngu sumaruanna ratu salaiwe tawe waggoanna dorone.

AYUB 31:17

Taambe saran paassa i ya'u namalan asisitimpal᷊ussa niamal᷊unusanna, tantal᷊anna i ya'u sassane pia anna natimu.

AYUB 31:18

Ro'en ta'e maradio'a i mangitou papadul᷊ianangku; su al᷊o'engngu pabbiaṛṛangku i ya'u ua'ehetta si mangitou.

2 KORINTUS 6:18

I Ya'u sarun maola'a Iamangngu, wuṛṛu i yamiu sarun maola'a al᷊aṛṛana-U ete aroddi wisaran Mawu Apan Lembon Mataṛṛino.”

EFESUS 6:4

Manga tuṛṛangnga apan naola'a iamangnga! Imbaṛṛanga walate apulu ma'inolaanna al᷊aṛṛanangngu, ma'oman sara naungngi mangitou masa'u. Arawe paddul᷊ianete i mangitou ringannu mapia wuṛṛu ringannu al᷊aṛṛa'u Mawu.

1 YOHANES 3:1

Pa'ellege, Ruata aroddi arangngune si ite, na'oman sara i ite nia'u al᷊aṛṛanang-Nge. Wuṛṛu atonna ete i ite udde al᷊aṛṛana'u Ruata. Ana waugu udde runia apan lal᷊eo indi tawe maaillal᷊a si ite, ana waugu runia tawe maaillal᷊a Ruata.