ESTER 2:12 - WUKE SUSI WATTI'U AL᷊AL᷊USASSA

¹² Tumuṛṛuttu atoranna, manga wawine paddul᷊iananna see maṛṛamaga al᷊annune santonna: annummu wul᷊anna ringannu lana lo'annu amania, wuṛṛu annummu wul᷊anna manansunna ringannu lana lo'annu manga lana mawangngi waine. Wua'udde, suapan maṛṛuala maasomba hiliranna sumaruanna si Ratu Ahasyweros.

ESTER 2:12 Iomraidhean Croise

ESTER 2:11

Miallo-miallo Mordekhai su saruannu rallakku wal᷊en araratuannu wawine udde tadea'u maiwal᷊on ola'i Ester wuṛṛu apa apan sarun mariaddi si tou.

ESTER 2:13

Sutempo sangkatou maṛṛuala sumaruanna ratu, i tou wotongnge mappaattu al᷊awo'u apa apan ipaapulune.

ESTER 2:3

Ṛinone Tuangnga manenegu manga mamanara su al᷊awo'u propinsin araratuanna indi iapare'a manga maṛṛuala apan maṛṛamagga ana see i mangitou sarangkanambone iapidda inawarendi watukku wal᷊en araratuannu wawine su Susan indi. Hegai, mamanara apianne apan naola'a tembonannu amonannu araratuannu wawine, sarun mallu'adda si mangitou wuṛṛu mangongollu papaddul᷊i tadea'u sidutu maṛṛamagga.

ESTER 2:9

Hegai tinumiangnga si Ester wuṛṛu maapuluten tou. Ringannu mal᷊ihakka maṛṛuala udde nionggol᷊annu al᷊aṛṛansangnga see lai anna apan apianne. Ester niingkatta su tampa apan apianne su wal᷊en araratuannu wawine udde wuṛṛu siri pitu maṛṛuala apan mal᷊inso'a mammanara su wal᷊en araratuanna niapamanara mangngimbe si tou.

AMSAL 7:17

wuṛṛu buatte ta'u niwokkannu lana mawangngi wuassu mur, cendana wuṛṛu alu manisse.

ANTARI MAWANTUGA 3:6

Apa udde apan nirumanta wuassu wadda'u anne, naal᷊ihidda ammul᷊annu timbulla? Awangngine ere mur wuṛṛu amania, wuṛṛu manga pupure mawangngi wuassu mabbawal᷊u'a.

YESAYA 3:24

Orassa indi i mangitou mappaatten lana mawangngi, sal᷊immurine hal᷊uru mangitou mawukku'a. Papeṛṛeti mangitou al᷊ussa sarun hantianni mangitou tal᷊i apan masalla. Puan mangitou apan pia utangnge maṛṛamaga sarun lungguṛṛanna. Laubbi mangitou apan maṛṛansangnga sarun hantiannu laubba nahahesa'a. Orassa indi i mangitou maṛṛamaga, tawe mal᷊anna'a addio'a hati mangitou mal᷊al᷊eo ana waugu cappanna.

YESAYA 57:9

I yamiu mappaattu lana wuṛṛu manga awawangngi wua'udde inaite massubba monganni Molokh. I yamiu nandolokku manga daroloṛṛanna su manga wanua marau, naddatingngu lai wanuan taumata nate.