ESTER 1:10 - WUKE SUSI WATTI'U AL᷊AL᷊USASSA

¹⁰ Su allo appitune, ratu tantal᷊anna ma'inumma na'oman sara naapendamma tumaniten lulluassa. Ana waugu udde i tou namaggo siri pitu tembonanne apan niṛṛae maola'a mangngangimbene sassane; i mangitou eteudde Mehuman, Bizta, Harbona, Bigta, Abagta, Zetar wuṛṛu Karkas.

ESTER 1:10 Iomraidhean Croise

PANDARIADDI 43:34

I mangitou nionggol᷊annu anna wuassu meddan i Yusuf, wuṛṛu i Benyamin niiembeanna paal᷊ima anambone wuassu manga iaangnge. Ana see i mangitou niumante su sambau ringanni Yusuf na'oman sara nal᷊aidda.

2 SAMUEL 13:28

I tou namarenta manga allangnge, “Paellehe paapia-pia, napawe i Amnon wu'ante ana waugu na'inumma anggore, i ya'u sarun mamarenta, wua'udde patete i tou. Arie pa'ata'utta. I ya'u te sumaruanna olangnge udde. Pammanarate ringannu waṛṛani wuṛṛu imbaṛṛangnga mapapaddua!”

ESTER 1:9

Tantal᷊anna udde Wasti, awingngu ratu, na'ola'a andeangnga lai hunan manga wawine sulal᷊ummu wal᷊en araratuanna.

ESTER 3:15

Manga daroloṛṛanna nasasaṛṛawutta nanguntuddu manga suratta udde su anambon propinsin araratuanna. Wuassu darolokku ratu, parenta udde nial᷊iata lai su Susan, inangngu soan Persia. Wua'udde ratu wuṛṛu Haman ua'iante lapiddu ma'inumma anggore, arawe soa Susan niṛṛumindu'a ana waugu watti'a udde.

ESTER 7:9

Ana see unni Harbona, sangkatou wuassu manga tembonanne udde, “Tuangnga, maranin wal᷊en Haman pia diṛṛi panggahantonganna atanggakke daruan pul᷊o dua su meterene. Haman buatte namasi'u diṛṛi udde panggantonganni Mordekhai, taumata apan buatte nanal᷊amatta niawan Tuangnga.” Ana see ratu namarenta, “Hantonga'e Haman su diṛṛi udde!”

AMSAL 20:1

Ua'e apan maawu'anna maaola'a taumata tawe atoranne wuṛṛu mahio. Nawoddote taumata apan ma'inumma ma'oman sara iwu'anne.

AMSAL 31:4

Paanaungete, Lemuel! Ma'inumma anggore wuṛṛu nanamitannu minumanna maawu'anna, tawe ṛinone su tembonanne.

MANNANASE 10:19

Andeangnga maaola'a lal᷊agge, wuṛṛu anggore maaola'a lal᷊ala'a. Salaiwe tawe doitta iapamaekka.

MAL᷊AṚṚUUNGNGA 19:6

Ne taumatan Lewi udde niuma'iante ana see inumante wuṛṛu na'inumpe suadio'a ringannu iamangu wawine udde. Arawe napawe i tou rumarisikke ana waugu inaite, iamangu wawine udde nassal᷊o'a tadea'u lasa'e paapul᷊e. “Paatammude isindi asuene,” wisarane, “wuṛṛu panaṛabbite isindi.” Ne taumatan Lewi udde natana'e isudde saṛabbi lai.

RUT 3:7

Napawe i Boas buatte niumanna wuṛṛu na'inumma, i tou naapendamma aaul᷊e wuṛṛu mal᷊uassa naungnge. Ana see i tou inaite matiilla maranin gandumma ua'ombo. Ringannu mal᷊anna-l᷊annabba i Rut nirumanta wuṛṛu namu'a nasan Boas, wua'udde natiilla maranin leddane.