EFESUS 6:8 - WUKE SUSI WATTI'U AL᷊AL᷊USASSA

⁸ Paanaunge manungku suapan taumata, mawae allangnga ara'e taumata tawe allangnga, sarun manengkamma wawal᷊inne wuassu Mawu su inolaanna mapia apan niola'i tou.

EFESUS 6:8 Iomraidhean Croise

AMSAL 11:18

Auntungannu taumata lal᷊eo, auntunganna tawe gunane, auntungannu taumata inolaanne mapia eteudde auntunganna apan tutune.

AMSAL 23:18

tadea'u sutempo addantane i'o maralukka wuṛṛu pangangantimmu tawe mawul᷊i.

YESAYA 3:11

Arawe nasilakate taumata lal᷊eo! I mangitou sarun olaanna ere lai i mangitou buatte na'ola'a taumata waine.

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

MATIUS 20:7

Manga taumata udde sinumimbakka, ‘Tawe taumata mapamanarang kami.’ ‘Amungkangngu aroddi,’ unnu tatahuannu wailla udde, ‘roote i yamiu pammanara su waillu anggore'u.’

MATIUS 5:12

Manga nabi apan nabbiakka su tempo i yamiu taambe su runia, nisansara lai ereudde. Luasse wuṛṛu lala'e, ana waugu lal᷊antakke manambonisaddia Mawu si yamiu.”

MATIUS 6:1

“Naungete, arie i yamiu ma'ola'a tatuṛṛuttu agama su saruannu awadaalla tadea'u ellehannu taumata. Amungkangngu i yamiu ma'ola'a aroddi, i yamiu tawe onggol᷊annu lal᷊antakke wuassu Iamangngu su surga.

MATIUS 6:4

Wala'e pallal᷊agunu udde tawe asingkatannu taumata, tumba'u Iamangngu su surga. I tou ma'asilo pallal᷊agunu apan uawuni udde wuṛṛu sarun mangonggolu lal᷊antakke si yamiu.”

LUKAS 14:14

I'o sarun al᷊amatanna, ana waugu manga taumata udde tawe maawal᷊issa apapianu. Apapiannu sarun bal᷊isannu Ruata su tempo manga taumata apan mapia iapaawangunna apia wuassu papate.”

LUKAS 6:35

Ṛinone wal᷊ine aroddi! Ewe'e i yamiu ṛinone umakkannu seetti yamiu wuṛṛu pia pallal᷊agu mapia si mangitou. I yamiu ṛinone mapawallassa wuṛṛu arie mangantimma mawelengnga apia. Amungkangngu aroddi, lal᷊antakku wahewa wuṛṛu i yamiu sarun maola'a al᷊aṛṛana'u Ruata Apan Atanggaṛṛanne. Ana waugu Ruata naungnge mapia su saruannu taumata apan waga ma'aidengkamanna, wuṛṛu su saruannu taumata lal᷊eo lai.

1 KORINTUS 12:13

Aroddi lai i ite sarangkanambone, mawae taumatan Yahudi, see lai taumata wal᷊ine Yahudi, manga allangnga, ara'e manga taumata napallose; i ite sarangkanambone buatte nissaṛṛanin Ghaṛṛaho apan uasul᷊ungnga udde. I ite lai sarangkanambone sarun maapendama Ghaṛṛaho apan sambau udde ringannu tawe urangnge.

2 KORINTUS 5:10

Ana waugu atonnate i ite sarangkanambone sarun iapaasaruanna pamamarikisanni Kristus, wuṛṛu sangkatou-sangkatou sarun maasomba wawal᷊inne uasul᷊ungngu inolaanne su runia indi – ala'uanna mapia ara'e ala'uanna lal᷊eo.

GALATIA 3:28

Sulal᷊ummu olangnge indi tate lai paṛṛalane su wallatu taumatan Yahudi wuṛṛu taumata wal᷊ine Yahudi, su wallatu allangnga wuṛṛu tawe allangnga, su wallatu esakka wuṛṛu wawine. I yamiu sarangkanambone sambau ana waugu Kristus Yesus.

KOLOSE 3:11

Ana waugu wuassu inolaanna udde, nawul᷊ite al᷊awo'u apendamma mappapaṛṛalan taumatan Yahudi wuṛṛu wal᷊ine Yahudi, taumata nisunatta wuṛṛu taumata tawe nisunatta, tate lai paṛṛalane su wallatu taumata raho wuṛṛu taumata woddo; su wallatu allangnga wuṛṛu wal᷊ine allangnga, ana waugu Kristus uddewe uatahuanna sarangkanambone, wuṛṛu i Tou uaaukka ringanni mangitou sarangkanambone!

KOLOSE 3:24

Paanaunge manungku i yamiu sarun manengkamma lal᷊antake wuassu Ruata. Apa apan nissaddia Mawu su al᷊aṛṛanang-Nge, eteudde sarun ionggola si yamiu. Ana waugu mawu apan atonna eteudde Kristus sassane.

KOLOSE 3:25

Wuṛṛu isai-sai apan na'ola'a pasasal᷊a, sarun mamasanna manga pasasal᷊ane udde; ana waugu Mawu tawe mamile hati.

IBRANI 10:35

Ana waugu udde, arie naungnga maadio'a, ana waugu amungkangu i yamiu sidutu mangngimanna, ne pia lal᷊antakke apan bahewalla su inolaannu udde!

IBRANI 11:26

I Musa mammendama manungku maareganne marau i tou maasomba aal᷊uandaga ana waugu Ratum Punnu Sal᷊amatta apan pina'iren Ruata udde, wuassu maasomba al᷊awo'u darotongngu wanuan Mesir, ana waugu Musa uaantima lal᷊antake su allo murine.