EFESUS 6:4 - WUKE SUSI WATTI'U AL᷊AL᷊USASSA

⁴ Manga tuṛṛangnga apan naola'a iamangnga! Imbaṛṛanga walate apulu ma'inolaanna al᷊aṛṛanangngu, ma'oman sara naungngi mangitou masa'u. Arawe paddul᷊ianete i mangitou ringannu mapia wuṛṛu ringannu al᷊aṛṛa'u Mawu.

EFESUS 6:4 Iomraidhean Croise

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

1 TAWARIKH 28:20

Wua'udde i Ratu Daud nabbisara apia si Salomo anangnge, “I'o ṛinone pia pangangimanna wuṛṛu awawaṛṛani. Panattakke mammanara udde wuṛṛu arie mata'uttu al᷊awo'u manga apa. Mawu Ruata apan ta'u sassubbanna sarun mantul᷊ungngu. I tou tawe manantangngu. I tou sidutu su sandiṛṛannu maddatingngu anambon manara udde muddussa.

1 TAWARIKH 29:19

Onggol᷊aawe si Salomo, parinsi'u, apulun naungnga atonna-tonna tadea'u tumuṛṛutta anambon parenta-Nu wuṛṛu ipandarisikku wal᷊en patataṛṛamawuanna udde apan aolangnge buatte ta'u nisaddia.”

AMSAL 19:18

Atoṛṛa'a anangngu tantal᷊anna ta'e pia antimma; amungkangngu tawe, atappasanne i'o maapulu i tou mal᷊al᷊eo.

AMSAL 22:15

Suṛṛinonete al᷊aṛṛana'a ma'ola'a pallal᷊aghun longonna, arawe ua'e wotongnge mangaṛṛa'a si mangitou ringannu mamal᷊u pallal᷊agu.

AMSAL 22:6

Aṛṛa'ete sangkatou ana'a sambau lal᷊annu pabbiaṛṛanna apan ṛinone si tou, ne maddatingngu i tou matimmade i tou sarun mabbiakka aroddi.

AMSAL 29:15

Tatantiro wuṛṛu tatagu maapande taumata. Ana'a apan sidutu babbatu'anna apulune sarun mamansili inangngene.

AMSAL 29:17

Aṛṛa'ete anangngu, ne i tou mangonggollu atatammudda si'o, wuṛṛu maola'a al᷊al᷊uassu naungngu.

YESAYA 38:19

Tumba'u taumata wiakka apan maddalo Si'o, ere apan ta'u niola'a allo indi. Hagurangnge mabbatti'a anangnge aroddi apiane Mawu, oh Mawu.

EFESUS 6:3

eteudde: “Tadea'u i'o su al᷊al᷊uassa wuṛṛu uukku mal᷊o'engnga su runia indi.”

TAHIUL᷊E 4:9

Panutukke wuṛṛu naungete paapia-pia, tadea'u su al᷊o'engngu pabbiaṛṛannu i yamiu tawe maabul᷊i sarangkanambone apan buatte niasiloanni yamiu sassane. Wattia'e su anangngu wuṛṛu pulunnu

TAHIUL᷊E 6:7

Tantiroa'e udde su manga anangngu. Ṛinone udde ihatton kamiu sulal᷊ummu wal᷊en wuṛṛu su liuddu wal᷊en, su tempo mangillol᷊o wuṛṛu su tempo mammanara.

KOLOSE 3:21

Manga tuṛṛangnga apan naola'a iamangnga! Arie mapaasusa naungngu manga al᷊aṛṛanangngu ma'oman sara i mangitou masusa naungnge.

2 TIMOTIUS 1:5

I ya'u maanaungnga pangangimannu apan atonna-tonna si Kristus, ere lai pangangimanni iupungngu Lois wuṛṛu inangngu Eunike. Wuṛṛu i ya'u mangantimma i'o lai pia pangangimanna ereudde.

2 TIMOTIUS 3:15

I'o ṛinone mannaungnga manungku ro'en ta'e dario'a i'o masingkaten Wuke Susi. Wuke Susi udde wotongnge mangonggolu pasasunna si'o tadea'u maasomba asasal᷊amatta sulal᷊ummu pangangimanna si Kristus Yesus.

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”

MAL᷊AṚṚUUNGNGA 13:12

Ana see i Manoah naiwal᷊o, “Amungkangu apa apan niwal᷊on Tuanga udde nariaddite, apate ṛinone olaannu ana'a udde? Wuṛṛu ereapa pabbiaṛanne su allo sal᷊immurine?”