EFESUS 6:10 - WUKE SUSI WATTI'U AL᷊AL᷊USASSA

¹⁰ Pangudusanne, ṛinone i yamiu maola'a matohassa ringannu atatohassa apan niasombanganni yamiu wuassu Mawu, ana waugu i yamiu uaaukka ringanni Tou.

EFESUS 6:10 Iomraidhean Croise

1 TAWARIKH 28:10

Paanaunge paapia-pia manungku Mawu buatte namile si'o mapararisikku wal᷊e-Ne sassane. Ne, orassa indi pammanarate manara udde, ringannu naungnga mal᷊uassa.”

1 TAWARIKH 28:20

Wua'udde i Ratu Daud nabbisara apia si Salomo anangnge, “I'o ṛinone pia pangangimanna wuṛṛu awawaṛṛani. Panattakke mammanara udde wuṛṛu arie mata'uttu al᷊awo'u manga apa. Mawu Ruata apan ta'u sassubbanna sarun mantul᷊ungngu. I tou tawe manantangngu. I tou sidutu su sandiṛṛannu maddatingngu anambon manara udde muddussa.

2 TAWARIKH 15:7

Arawe i yamiu ṛinone matammudda wuṛṛu waṛṛani. Inasaharannu sarun pia gessine.”

DARALO 138:3

Sutempo i ya'u sussal᷊ande Si'o, I'o sinumimbakka, I'o nanohassa naungku na'oman sara i ya'u nabbal᷊i waṛṛani.

YESAYA 40:28

Ṛatadde i'o wagga wuṛṛu tawe naaringikka? Ete Mawu Ruata apan sarangkal᷊o'enge, apan nandiaddi ahewallu runia. Taambe saran paassa i Tou naapendamma nallome ara'e nal᷊otakka; ṛingiran-Ne tawe aurumanna.

YESAYA 40:31

Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.

HAGAI 2:4

Arawe, arie maadio'a naungngu, ei i yamiu sarangkanambone! Sassute manara udde, ana waugu i Ya'u sidutu massumbala si yamiu.

ZAKARIA 8:13

Ei tumana'u Yehuda wuṛṛu Israel! Sutempo nanangkal᷊iu, amungkangngu manga taumata raho uawawontoga, i mangitou mabbisara, ‘Antimanna asasilaka apan naṛṛia'a su Yehuda wuṛṛu Israel maṛṛia'a si'o lai!’ Arawe i Ya'u sarun manal᷊amatta si yamiu, ma'oman sara manga taumata raho udde sarun mabbisara rundussa i mangitou, ‘Antimanna al᷊amatta apan nonto'a su Yehuda wuṛṛu Israel, umonto'a lai su watangannu!’ Ana waugu udde paatohasse naungu wuṛṛu arie paata'utta!”

ZAKARIA 8:9

Mawu nabbisara su uman-Ne, “Paatohasse naungngu! Orassa indi i yamiu ma'aringikka manga wisara apan buatte niwisara lai manga nabi sutempo rapappakke niaddo, ipabbangunna apia Wal᷊e-U.

1 KORINTUS 16:13

Ṛinone i yamiu paatehamma wuṛṛu matohassa sulal᷊ummu pabbiaṛṛannu ere taumatan Saṛṛani. Pammanarate ringannu waṛṛani wuṛṛu paatohassa.

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.

EFESUS 1:19

wuṛṛu aroddi ahewalle Ruata mammanara ringannu napenen taṛṛino su wadangngi ite apan mangngimanna. Taṛṛinon Duata udde naal᷊ihida taṛṛino apan ahewal᷊anne,

EFESUS 3:16

I ya'u u'al᷊iomanna doronganna Ruata apan mawantuga maapulu manohassa naungngu ringannu Ghaṛṛaho-Ne.

TAHIUL᷊E 31:23

Wua'udde Mawu nabbisara si Yosua, ana'i Nun, wisara-Ne, “Ṛinone naungngu matohassa wuṛṛu waṛṛani, Yosua! I'o sarun mamiaṛṛa'u walahannu Israel sumutta su wanua apan Ta'u pina'ire si mangitou, wuṛṛu i Ya'u sarun mantul᷊ungngu.”

FILIPI 3:1

Panginsueanne, manga tuṛṛangku, ṛinone i yamiu lumuassa ana waugu i yamiu suete naaukka ringannu Mawu. I ya'u tawe maapendamma masahadda manul᷊e apia apa apan suete niwoṛṛeta si yamiu paarorone; ana waugu olangnge udde mapia su asasal᷊amannu.

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

FILIPI 4:8

Panginsueanne, manga tuṛṛangnga, loṛṛoite ṛingiṛṛannu ringannu inolaanna apan mapia, apan wotongnge raloanna, eteudde inolaanna apan naṛṛino, maaddata, apan matul᷊ida, waresi, masaṛṛionto'a, wuṛṛu mapia.

KOLOSE 1:11

Doronganna ringannu taṛṛinon Duata apan mawantuga, i yamiu tohasanna ma'oman sara i yamiu wotongnge matataṛṛanga ringannu sabbare wuṛṛu naungnga mal᷊uassa

2 TIMOTIUS 2:1

Timotius, ana'u! Ṛinone i'o mabbal᷊i matohassa ana waugu al᷊amatta apan nionggolla si ite, ana waugu i ite uaaukka ringanni Kristus Yesus.

2 TIMOTIUS 4:17

Arawe Mawu uaringanna si ya'u. I Tou nangonggolu atatohassa na'oman sara i ya'u wotongnge mamasingkatu al᷊awo'u Watti'u Al᷊al᷊uassa udde, tadea'u daringiṛṛanu anambon taumata apan wal᷊ine Yahudi.

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

1 PETRUS 3:8

Panginsueanne eteudde: Ṛinone manga tuṛṛangnga uasampinunutanna wuṛṛu su apendama sambau. Ṛinone i yamiu uararangngu ere sangkatuṛṛanganna. Wuṛṛu ṛinone i yamiu uaa'akkana, wuṛṛu uasasaṛṛionto'a.

1 PETRUS 4:11

Taumata apan namasingkatu watti'a, ṛinone mamasingkatu watti'a wuassu Ruata; taumata apan mangngimbe taumata waine, ṛinone mangimbe ringannu atatohassa wuassu Ruata, tadea'u al᷊awo'u manaran, Duata wotonge wantuhanna sulalummi Yesus Kristus. Ete i Tou apan uataṛṛino wuṛṛu ṛinone wantuhanna ma'oman sara mal᷊annu-l᷊annu. Amin.

1 PETRUS 5:10

Arawe napawe i yamiu suete natataṛṛangnga sangkatempo, Ruata sassane sarun manuungngi yamiu. I tou sarun mapaatagekki yamiu wuṛṛu manohassa si yamiu see mapaarisikki yamiu. Ana waugu ete i Tou udde Ruata apan naung-Nge lembon mapia, apan suete namago si yamiu mamendama suadio'a awawantu-Ge sarangkal᷊o'engnge sulal᷊ummi Kristus.

1 YOHANES 2:14

I ya'u namoṛṛetu suratta indi si yamiu manga dario'a, ana waugu i yamiu maaillal᷊a Ruata Iamangnga. I ya'u namoṛṛettu suratta indi si yamiu, manga iamangnga, ana waugu i yamiu maaillal᷊a Ṛengetanna apan uddete ro'en al᷊amonane. I ya'u namoṛṛettu suratta indi si yamiu manga umbasanna maṛṛuala, ana waugu i yamiu matohassa. Wisaran Duata uatana'a sulal᷊ummu naungngu, wuṛṛu i yamiu suete nangema'i Al᷊al᷊eo.

1 SAMUEL 23:16

Yonatan inaite naisasomban tou tadea'u manohassa pangangimanne manungku i tou sarun darundinganannu Ruata.