EFESUS 5:8 - WUKE SUSI WATTI'U AL᷊AL᷊USASSA

⁸ I yamiu sassane dorone sulal᷊ummu ararandumma. Orassa indi yamiu naola'e al᷊aṛṛana'u Mawu, nariaddi yamiu orassa indi sulal᷊ummu asasemakka. Ana waugu udde i yamiu ṛinone mabbiakka sulal᷊ummu asasemakka.

EFESUS 5:8 Iomraidhean Croise

DARALO 74:20

Naungete paaire apan niolang-Ngu si yami, ana waugu taumata ma'ola'a al᷊al᷊eo su al᷊awo'u tampa marandumma su runia indi.

YESAYA 2:5

Ei, papapulunni Yakub, wette i ite umamatte sulal᷊ummu asasemakku Mawu!

YESAYA 42:16

Pabbawala-U apan buta sarun Ta'u ehetanna umamattu lal᷊anna apan awagananni mangitou; I mangitou sarun Ta'u ipiaṛṛa'a su manga lal᷊anna apan awagananni mangitou. Ararandumma Ta'u olaanna semakka si mangitou, wuṛṛu lal᷊anna natatal᷊attada Ta'u iratakka. Eteudde apan Ta'u olaanna si mangitou, wuṛṛu sarun Ta'u manaranna.

YESAYA 49:6

Mawu nabbisara si ya'u, “Manara apan ahewal᷊anne uaṛṛaddo si'o, ei allang-Ku; i'o tawe tumba'u mapaapul᷊en tantangngu papapulunni Yakub wuṛṛu mamelengngu awawantugu manga ṛuangannu Israel, arawe Ta'u niola'a lai asasemakku manga walahanna, tadea'u ahewallu runia iapaasal᷊amatta.”

YESAYA 49:9

Taumata apan nitaṛṛo su tattupanna Ta'u iapasabbanga; apan su tampa marandumma Ta'u iapidda su asasemakka. Ewe'e lai wuidda apan lol᷊okka i mangitou tawe atalanne, su al᷊o'engngu lal᷊anna nasaddiate anna.

YESAYA 50:10

Ei i yamiu apan mangngaddatta Mawu, wuṛṛu maddaringikka wisaran allang-Nge, lal᷊anna apan amatanni yamiu asinungka marandumma, wuṛṛu tawe semakka apan mannemakka si yamiu; arawe pangimante Mawu; pangunsandakke su Ruatanu.

YESAYA 9:2

Mawu, I'o nangonggolla si mangitou al᷊al᷊uassa apan bahewalla, I'o na'ola'a si mangitou huggio. I mangitou lullala'a ana waugu apapia-Nu, naal᷊ihidda taumata apan lulluassa sutempo mangitingnga, ara'e mattahia ul᷊e niaaṛṛo.

YEREMIA 13:16

Mawu Ruatanu ṛinone wantuhannu tantal᷊anna i Tou taambe nandantan ararandumma, wuṛṛu leddanu matara su panenteanna, su taambe asasemakka apan aantimannu waluan-Ne mabbal᷊i wasatuudda.

MATIUS 3:8

Pasiloa'e ringannu pallal᷊agunu, manungku i yamiu nawal᷊ute wuassu manga rosanu.

MATIUS 4:16

Walahanna apan mabbiakka sulal᷊ummu ararandumma, suete naasilo asasemakka! Su manga taumata apan uatana'a su wanuan ararandummu papate nisabanganten asasemakka!”

LUKAS 1:79

aroddiwe lai Tou nangonggolu semak-Ke su anambon taumata apan mabbiakka sulal᷊ummu ararandumma wuṛṛu su atata'utta. I Tou mangngehetta si ite su lal᷊anna apan matudda m paddarame.”

LUKAS 16:8

Ne mawu mangangadon roitta apan taṛṛa l᷊inga udde nadalo si tou ana waugu inolaanne apan mangngapande udde; ana waugu manga taumatan runia indi mappandeanna mangatokku manara mangitou wuassu mangatokku taumata apan mabbiakka sulal᷊ummu asasemakka.”

YOHANES 1:9

Semakka tutune apan mannemakka anambon taumata, nirumanta su runia.

YOHANES 12:35

Mawu Yesus sinumimbakka, “Tumba'u tantal᷊anna adio'a semakka udde su wallatti yamiu. Nariaddi amatte tantal᷊anna semakka udde ta'e pia, tadea'u i yamiu tawe aratingannu randumma. Taumata apan u'amatta su ararandumma wagga suapa pattudanne.

YOHANES 12:36

Pangimante su semakka udde, tantal᷊anna semakka udde ta'e ringanni yamiu, tadea'u i yamiu maola'a al᷊aṛṛana'u asasemakka.” Napawe Mawu Yesus suete nabbisara aroddi, i Tou nangingkatte wua isudde wuṛṛu maddirite mattingkapasilom batangan-Ne si mangitou.

YOHANES 12:46

I Ya'u nirumanta su runia indi maola'a sambau asasemakka, tadea'u anambon taumata apan mangngimanna si Ya'u tawe matana'a sulal᷊ummu ararandumma.

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

WATTI'U MANGA RASUL 17:30

Tempon awawodong kite suete tinimbul᷊ianannu Ruata, arawe orassa indi i Tou nandolokku taumata su ahewallu runia tadea'u mawal᷊u wuassu manga rosa mangitou.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

ROMA 1:21

Taumata maaillal᷊a Ruata, arawe taumata maddiri mangadata ere sangkatou Ruata wuṛṛu tawe lai maadiangkamanna. Arawe taumata sidutu maṛṛingiddu al᷊awo'a apan tawe gunane; naungngi mangitou nadandumpe.

ROMA 13:12

Ṛabbi maranite mal᷊iudda; wuṛṛu ete lai adio'a allote. Nariaddi mappianne i ite mangillol᷊o ma'ola'a inolaanna apan marandumma. I ite ṛinone mapaasuungngu watanganni ite ringannu ahiddu asasemakka.

ROMA 2:19

I'o mangngimanna manungku ete i'o tuṛṛangnga piaṛṛa'u taumata wuta wuṛṛu asasemakki mangitou apan uatana'a sulal᷊ummu ararandumma;

1 KORINTUS 1:30

Ete Ruata sassane apan ma'ola'a si'o naaukka ringanni Kristus Yesus. Sulal᷊ummi Kristus i ite niola'a pande. Wuṛṛu sulal᷊ummi Tou lai Ruata na'ola'a si ite nassangkapia apia ringanni Tou, i ite niola'a al᷊aṛṛanang-Nge apan apianne, wuṛṛu napaal᷊iun kite wuassu alal᷊eo.

2 KORINTUS 3:18

Orassa indi hatin kite tawe lal᷊indumannu tatindunga wuṛṛu i ite mangngapiddu awawantugu Mawu Yesus. Wuṛṛu ana waugu udde i ite sidutu wal᷊uanna maola'a ere i Tou; mallannu i ite maola'a mawantuga. Awawantuga udde wuassu Ghaṛṛaho, wuṛṛu Ghaṛṛaho udde eteudde Mawu.

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

2 KORINTUS 6:14

Arie maammulu manga taumata apan tawe mangngimanna Mawu Yesus; udde tawe su ṛinone. Tawe mariaddi apapia maammulu al᷊al᷊eo! Tawe mariaddi asasemakka maammulu araranduma.

GALATIA 5:25

Ghaṛṛahon Duata buatte nangonggola si ite wiakka apan wakku; ana waugu udde ete i Tou lai ṛinone mangatokku wiakki ite.

EFESUS 2:2

Su tempo udde yamiu tuttuṛṛuta al᷊awo'u apulun dunia indi; eteudde i yamiu matuṛṛutta su tembonannu winalanganna, eteudde ghaṛṛaho apan marosa indi uaintaṛṛo sulal᷊ummu naungngu manga taumata apan maddiri tumuṛṛutta Ruata.

EFESUS 4:18

Ṛingiṛṛanni mangitou marandumpe. I mangitou tawe maaillal᷊a pabbiaṛṛanna apan nionggolu Ruata, ana waugu i mangitou atonna-tonna tawe asingkatta saran kadio'a su ola'u Ruata. I mangitou aroddi, ana waugu tawe maddaringikka Ruata.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

EFESUS 6:12

Ana waugu i ite mammanara, wal᷊inewe lumawangnga atatohassu manga setanna apan uaparenta su tempo apan lel᷊eo indi. I ite lumawangnga atatohassu manga ghaṛṛaho lal᷊eo apan uaparenta winalanganna.

KOLOSE 1:12

wuṛṛu ringannu wisara adiangkamanna su Iamangnga. Ana waugu ete Iamangnga udde apan nandiaddi si yamiu wotongnge manengkamma apa apan nissaddian Duata su al᷊aṛṛanang-Nge sulal᷊ummu araratuan-Ne apan masemakka.

KOLOSE 1:13

I Tou suete namallosi ite wuassu taṛṛinon araranduma wuṛṛu nangingkati ite sulal᷊ummu araratuannu Anang-Nge apan arangnguan-Ne.

TITUS 3:3

Ana waugu dorone i ite sassane lai woddo, niumal᷊iwu wuṛṛu mal᷊awangnga. I ite niallangngu al᷊awo'u aapulun runia; i ite mabbiakka ringannu pandumanna apan lal᷊eo wuṛṛu mangngune, wuṛṛu uasaseetta.

1 YOHANES 1:7

Arawe amungkangu i ite mabbiakka sulal᷊ummu asasemakka ere lai Ruata sulal᷊ummu asasemakka, ne i ite mabbiakka uaaukka atonna, uasangkapia sangkatou ringannu waine, wuṛṛu ṛaṛṛan Mawu Yesus, Anang-Nge, namaresi si ite wuassu al᷊awo'u rosa.