EFESUS 5:3 - WUKE SUSI WATTI'U AL᷊AL᷊USASSA

³ Ete i yamiu udde al᷊aṛṛana'u Ruata. Ana waugu udde, manga inolaanna sussandaga wuṛṛu ipaaddirin Mawu, ara'e awawal᷊iu tawe ṛinone olaanna su wallatti yamiu. Arie ma'oman sara taumata waine pia sasimbakka ipabbisara manungku i yamiu ma'ola'a inolaanna ereudde lai.

EFESUS 5:3 Iomraidhean Croise

DARALO 10:3

Taumata lal᷊eo tuttal᷊umama apulun taumata lal᷊eo, taumata wal᷊iu mantal᷊a wuṛṛu mannol᷊a'u Mawu.

DARALO 119:36

Onggol᷊ewe i ya'u apulu tumuṛṛutta parenta-Nu, nilumambalanna wuassu apulu mabbal᷊i ala.

SASABANGNGA 18:21

Arawe su liuddu udde lai i'o ṛinone mamile manga pira taumata esakka apan pande, wuṛṛu manebbo'i mangitou maola'a piaṛṛa'u saṛṛiwu su atoune, maṛṛasutta su atoune, liman pul᷊o su atoune wuṛṛu mapul᷊o su atoune. I mangitou ṛinone manga taumata apan matta'utta wuṛṛu matuṛṛutta Mawu, wotangnge pangimananna wuṛṛu maddiri manengkamma aonggola.

SASABANGNGA 20:17

Imbaṛṛangnga numemma darotongngu taumata waine, wal᷊ene, awingnge, manga allangnge, winatangnge, keledaine, ara'e sarangkanambone apan tatahuananne.”

SASABANGNGA 23:13

Daringiṛṛete sarangkanambone apan buatte Ta'u niwisara si'o. Imbaṛṛangnga massubba manga Mawu waine, ewe'e lai managgon aranne lai arie.”

AMSAL 28:16

Tembonanne apan mangngallanga taumata waine, tawe ṛingiranne mapia; tembonanne apan maddantinnu pallal᷊inga sarun mamarenta su tonnanne.

YEREMIA 22:17

Arawe i'o, Yoyakim, al᷊aṛṛaene. I'o tumba'u maddea'a auntungannu sassane. I'o mammate taumata apan tawe sal᷊ane, wuṛṛu mangngallangnga tumanangngu ringannu maṛṛagissa.

YEREMIA 6:13

I mangitou sarangkanambone, timmadde dario'a, maddea'a auntunganna ringannu lal᷊anna apan tawe suṛṛinone. Ewe'e lai nabi wuṛṛu imam mammahia taumata.

YEREMIA 8:10

Ana waugu udde i Ya'u sarun mangonggollu wailla su manga mawun leta'a waine, wuṛṛu awingngi mangitou su taumata waine. I mangitou sarangkanambone, wahewalla addio'a, maddea'a auntungnganna ringannu lal᷊anne mammahia. Ewe'e lai manga nabi wuṛṛu imam mangngawusu taumata.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

IMAMATTA 15:18

Napawe buatte natatamba, mawae ete esakka ara'e wawine ṛinone mandeno, arawe itarua sidutu ma'arantinna maddatingngu matannallo umattupa.

MIKHA 2:2

Amungkangngu i mangitou maapulun sambau wawail᷊anna, i mangitou sarun mangaṛṛo. Amungkangngu i mangitou maapulu sambau wal᷊en, i mangitou manganu wal᷊en udde. Mawae darotongnga ara'e lai amonanna, taweddu matamudda.

REENGANNA 25:1

Tantal᷊anna walahannu Israel uatna'a su Wawal᷊annu Sitim, manga esakki mangitou mannattake sussandaga ringannu manga wawinen Moab apan uatana'a isudde.

MATIUS 15:19

Ana waugu wuassu naungnga sumabangnga manga ṛingiṛṛanna lal᷊eo, apan maaola'a taumata mammate, sussandaga, ma'ola'a al᷊al᷊eo, manna'o, mammahia, wuṛṛu ma'umbilangnga.

LUKAS 12:15

Wua'udde Mawu Yesus nabbisara su anambon taumata isudde, “Paatehamma wuṛṛu paariaga, arie ma'oman sara i yamiu manaṛṛia'u. Ana waugu wiakku taumata tawe uaantimma wuassu pa'a'alane, salaiwe darotongnga uarundu'a.”

LUKAS 16:14

Manga taumatan Farisi naaringikka al᷊awo'u wisara apan niwisara Mawu Yesus. See i mangitou nilumagen Tou, ana waugu i mangitou wal᷊iun roitta.

WATTI'U MANGA RASUL 15:20

Arawe i ite ṛinone mamoṛṛettu suratta si mangitou tadea'u i mangitou tawe umanna anna lal᷊eo apan suete pinassubba paal᷊uanna, ara'e inassa wuassu ṛemessu winatangnga apan nate niattongnga, ara'e ma'inumma ṛaṛṛa. Wuṛṛu lai tadea'u i mangitou mapaaraun batanganne wuassu manga inolaanna apan lal᷊eo.

WATTI'U MANGA RASUL 20:33

Taambe saran paassa i ya'u ninumemman roitta ara'e laubbu taumata waine.

ROMA 1:29

Naungngi mangitou napenen al᷊awo'u al᷊al᷊eo, al᷊awo'u awusu; napenen awawal᷊iu, awawukku'a, wuṛṛu mannihikka taumata waine, napenen apulu mamate, uawawul᷊o, mallinga wuṛṛu mangngune. I mangitou apulune ma'umbilangngu taumata waine,

ROMA 16:2

Tarimmata'e i tou ere sangkatou wuassu jamaattu Mawu. Ne aroddite manga taumata apan mangngimanna Ruata ṛinone uatatarimmata sangkatou ringannu sangkatou. Tul᷊ungaawe i tou, amungkangngu i tou mappandumma sasumbala wuassi yamiu, ana waugu i tou sassane suete nangonggolu sumbala su taumata nambo – nareengnga lai ya'u.

ROMA 6:13

Arie lai i'o manantillu wageangngu wadangngu su taṛṛinon dosa ana waugu ipaatta su manga pandumanna apan lal᷊eo. Arawe tantila'e ririnu su Ruata ere taumata apan buatte niingkata wuassu papate watukku pabbiaṛṛanna. Tantila'e ahewallu ririnu su Ruata tadea'u ipaatta ma'ola'a apulu Duata.

1 KORINTUS 10:8

I ite tawe wotongnge ma'ola'a manga inolaanna sussandaga udde ere buatte niola'u sangkawageanganna wuassi mangitou. Ana waugu ruan pul᷊o tallu su ṛiwune taumata wuassi mangitou nate sulal᷊ummu allo massallo ana waugu ma'inolaanna ere udde.

1 KORINTUS 5:1

I ya'u atonna buatte naaringikka alae manungku su wallatti yamiu pia pallal᷊agu sussandaga apan nipangillembo; Piaddu su wallatti yamiu apan sinumandaga ringannu uatangnge. Manga taumata apan wagga ma'illal᷊a Mawu lai maddiri ma'ola'a pallal᷊agu udde!

1 KORINTUS 6:13

Piaddu lai mabbisara manungku anna tumba'u hunane su tianna, wuṛṛu tianna nissaddia pangadoannu anna. Arawe itarua udde tawe ipaattu Ruata. Wadangngu taumata tawe wotongnge ipaatta ipa'ola'a sandaga, ewe'e tumba'u hunane ipamantuga Ruata. Wuṛṛu Mawu sarun mappadul᷊i wadangnga udde.

1 KORINTUS 6:18

Pangindaute manga inolaanna sussandaga. Ana waugu anambon dosa waine apan niola'u taumata, nariaddi su liuddu wadangngu taumata udde. Arawe taumata apan sussandaga, udde mangal᷊ene ma'ola'a rosa lai su wadangnge sassane.

2 KORINTUS 12:21

I ya'u mata'utta amungkangngu su tempo i ya'u rumanta Ruata sarun mapaawawo'u su saruanni yamiu wuṛṛu i ya'u sarun lumuai ana waugu manambo su wallatti yamiu dorone marosa, tawe mawal᷊u, wuṛṛu tawe mangillol᷊o ma'ola'a manga inolaanni mangitou apan sussandaga, nagal᷊imutanna wuṛṛu tawe su ṛinone.

EFESUS 5:12

Ana waugu inolaanni mangitou a'olaanna ringannu ma'immbuni udde ipagahatto lai maasilite.)

EFESUS 5:5

Panutukka paapia-pia: taumata apan pallal᷊agune sussandaga, ara'e tawe matataṛṛino, ara'e wal᷊iu (pallal᷊agu ereudde nassul᷊ungngu lai massubba paal᷊uanna), taumata udde tawe masutta su walahanna apan paparentanni Kristus wuṛṛu Ruata.

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

KOLOSE 3:5

Ana waugu udde, tantanga'e paa'apulun dunia apan maawinasa ririnu, ere sandaga, manga inolaanna apan tawe matataṛṛino, apulu naungnga, tawe masabare, apulu apan lal᷊eo, wuṛṛu awawal᷊iu (ana waugu awawal᷊iu udde nassul᷊ungngu massubba paal᷊uanna).

1 TESALONIKA 4:3

Ete indi ipaapulun Duata tadea'u i yamiu tumba'u mabbiakka ringanni Tou, susi, mangngindaun al᷊awo'u pallal᷊agu apan lal᷊eo.

1 TESALONIKA 4:7

Ruata mammaggo si ite, wal᷊ine tadea'u see i ite mabbiakka sussandaga, ewe'e tadea'u i ite mabbiakka maal᷊uassa naungngu Ruata.

1 TIMOTIUS 2:10

Arawe ṛinone wawine mallogaka watanganne ringannu manga pallal᷊agu apan mapia su ereapa udde ṛinone olaannu wawine apan massubba Ruata.

1 TIMOTIUS 3:3

arie taumata taṛṛa wu'anna, ara'e taṛṛa wawul᷊o. Ewe'e i tou ṛinone sangkatou masaṛṛionto'a, wuṛṛu mal᷊utu su paddarame. Tawe wotongnge i tou wal᷊iun roitta.

1 TIMOTIUS 6:10

Ana waugu wuassu aapulun doitta, lumappute al᷊awo'u al᷊al᷊eo. Pia sambageanganna taumata apan maddea'a roitta na'oman sara tate tumuṛṛutta lai al᷊aṛṛa'u Saṛṛani, ana see i mangitou niaṛṛiaannu manambo asasusa naṛṛimunsa'a naungngi mangitou.

2 TIMOTIUS 3:2

Taumata tumba'u maṛṛingiddu ririne sassane, apulune roitta, mawunga wuṛṛu tal᷊imoṛṛonganna. I mangitou taṛṛa addio'a taumata, taṛṛa rona timmade, wagga maadiangkamana, wuṛṛu maddantinu inolaannu Saṛṛani.

TITUS 1:11

Manga taumata ereudde ṛinone sappingana moṛṛonge, ana waugu i mangitou mannongkakku anambon amonanna ringannu manga al᷊aṛṛa'a apan lal᷊eo. I mangitou ma'ola'a udde tumba'u ana waugu maapulu maddea'a auntunganna apan tawe su ṛinone!

TITUS 1:7

Mallal᷊u'ada jamaatta udde taumata apan mangngatokku manaran Duata, tawe wotongnge i tou pia pasasal᷊ane. Tawe wotongnge mawunga ara'e taṛṛa wul᷊o, ara'e taṛṛa wu'anna, ara'e taṛṛa wawul᷊o ara'e wal᷊iun doitta.

TITUS 2:3

Aroddi lai ṛinone i'o mangaṛṛa'a manga wawine apan timmaddete tadea'u pallal᷊agu mangitou matataṛṛino su taumata apan mabbiakka tumuṛṛuttu apulun Duata sassane. Tawe wotongnge i mangitou mangal᷊uandaga taumata waine, wuṛṛu tawe wotongnge taṛṛa inumma ua'e maawu'anna. Ṛinone i mangitou mangaṛṛa'u manga al᷊aṛṛa'a apan mapia,

IBRANI 12:16

Paariagai tadea'u tawe piaddu mabbiakka sussandaga ara'e tawe mangadata inolaannu Ghaṛṛaho, ere suete niola'i Esau. I tou nabbal᷊u'u watanganne ere sangkatou ana'a pahul᷊u, ana waugu tumba'u sanlama'a anna.

YOSUA 7:21

Su wallatu manga saranapa apan niapiddi ite, i ya'u naasilo sambau juba apan mapia atonna, niola'a su Babilonia, wuṛṛu lai sal᷊a'a awakkane iraṛṛangngo dua kilo, wuṛṛu sambua wul᷊awanna satenga kilo pia lebbene. I ya'u ma'apulu atonna manga saranapa udde, ne ta'u nianu wuṛṛu niwuni sulal᷊ummu leta'a su rasangku: sal᷊aane niaddo al᷊iu wowane.”

1 PETRUS 5:2

tadea'u yamiu mallu'adda ammul᷊annu domba apan tinantillu Ruata si yamiu. Lu'arete i mangitou ringannu al᷊al᷊uassu naungnga su ereapa ipaapulun Ruata, wuṛṛu arie ringannu ipabbawata'a. Arie lai ma'ola'a manaranu ana see maasomba auntunganna, ewe'e ana waugu i yamiu atonna-tonna maapulu mangimbe.

2 PETRUS 2:10

lembonete su manga taumata apan tuttuṛṛuta apulun naungngi mangitou apan lal᷊eo wuṛṛu mangal᷊uandaga taṛṛinon Duata. Aroddi awaṛṛanine wuṛṛu awungane manga huru awusu udde na'oman sara i mangitou tawe go'ane mangal᷊uandaga manga riaddianna apan mawantuga sara lai su surga!

2 PETRUS 2:14

I mangitou tawe illol᷊one ma'ola'a rosa, wuṛṛu al᷊utuanni mangitou ma'ellega wawine masandaga. Wuṛṛu taumata apan wakku mangngimanna wuṛṛu ta'e matul᷊u pangangimanne, wal᷊onotanni mangitou. Naungngi mangitou ninumarampen awawal᷊iu. Ete i mangitou udde taumata apan niawontohante!

2 PETRUS 2:3

Ana waugu i mangitou masaṛṛia'u, ne manga huru awusu udde sarun mabatti'a si yamiu manga watti'a iaaṛṛangnge sassane ana see maasomba auntunganna wuassi yamiu. Arawe pamamarikisanna apan maṛṛuumanni mangitou mal᷊annute nissaddia, wuṛṛu papate apan suete nitantuna si mangitou tantal᷊anna uaraṛṛaddo si mangitou.

SONDAPPA 2:14

Salaiwe aroddi pia manga pira inolaani yamiu apan tawe maal᷊uassa si Ya'u: Pia sangkadoanna taumata su wallatti yamiu apan mangngimanna al᷊aṛṛa'i Bileam. I Bileam nangaṛṛa'a si Balak ereapa mangema'u taumatan Israel su rosa; ringannu nassal᷊o'i mangitou umanna anna apan suete nionggolla su paal᷊uanna wuṛṛu ma'inolaanna sussandaga.

SONDAPPA 2:21

Suete Ta'u nionggol᷊annu tempone i tou mawal᷊u wuassu manga rosane, arawe i tou maddiri mamallosu inolaanne sussandaga udde.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.

SONDAPPA 9:21

I mangitou lai tawe manantangngu manga inolaanni mangitou apan lal᷊eo, eteudde pamamate, wal᷊iimmata, pasasandaga wuṛṛu panana'o.

1 SAMUEL 8:3

Arawe itarua tawe nangaṛṛussa pallal᷊aghu iamangngi tarua, arawe tumba'u maddea'a auntunganna sassane. Itarua mannengkamma roitta aonggola wuṛṛu mammarikissa tumanangnge ringannu tawe su atatul᷊idda.