EFESUS 5:21 - WUKE SUSI WATTI'U AL᷊AL᷊USASSA

²¹ Tadea'u ipangadatta si Kristus, ṛinone i yamiu uatatal᷊antupa sangkatou ringannu waine.

EFESUS 5:21 Iomraidhean Croise

PANDARIADDI 16:9

Mala'ekatta udde nabbisara, “Pabelengke ringanni tou wuṛṛu pangimbete si tou.”

1 TAWARIKH 29:24

Anambon mammamanaran araratuanna sipil wuṛṛu tantara na'oman sara manga parinsin Daud apan baine lai nanga'u si Salomo naola'a ratu.

2 TAWARIKH 19:7

I yamiu ṛinone mata'uttu Mawu, wuṛṛu mammanara matammudda, ana waugu Mawu Ruatan kite maddantinnu taumata apan inolaanne mallinga, apan inolaanne mangngempe ara'e mannengkamma aongolla.”

NEHEMIA 5:15

Manga gubernure dorone wuassia'u, buatte naola'a winabbawan tumanangnge na'oman sara i mangitou maddorongnga 40 roitta sal᷊a'a massallo hunan anna wuṛṛu anggore. Ewe'e lai manga mamanaran mangitou mangngallangnga tumanangnge. Arawe i ya'u maddiri ma'ola'a aroddi ana waugu i ya'u matta'uttu Ruata.

NEHEMIA 5:9

Ana see i ya'u nabbisara apia, “Inolaannu udde lal᷊eo! Ṛinone i yamiu mabbiakka ringannu matta'uttu Ruata. Ringannu aroddi seetti ite apan tawe mawune udde tawe onggol᷊anni yamiu tempone mallobossa si ite.

AMSAL 24:21

Ana'u, ata'uten Mawu, wuṛṛu pangaddate ratu. Arie pallaṛṛenggennu taumata lal᷊eo apan lullawangnga si mangitou.

1 KORINTUS 16:16

I ya'u maddorongnga ringannu atonna-tonna tadea'u i yamiu tumuṛṛutta papiaṛṛa'u manga taumata ereudde, wuṛṛu manga taumata waine apan mammanara suadio'a wuṛṛu mangngimbe suadio'a ringanni mangitou.

2 KORINTUS 5:11

I yami masingkata apa atappasanne mata'uttu Mawu; ana waugu i yami maapulu mangaṛṛa'a taumata see mangngimanna ola'u wadangngi ami. Ruata maaillal᷊a si yami, wuṛṛu i ya'u mangantimma i yamiu lai maaillal᷊a si yami sulal᷊ummu naungngu.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

GALATIA 5:13

I yamiu suete niwagoanna maola'a taumata apan napallose. Arawe arie mappaattu apapallosi yamiu udde sidutu ma'ola'a apulun naungngi yamiu sassane. Arawe ṛinone i yamiu sidutu uaa'akkana wuṛṛu sidutu uaa'imbe.

EFESUS 5:22

Wawine, padaringikka awingnge esakka ere lai maddaringikka Mawu.

EFESUS 5:24

Ere lai jamaatta tuttuṛṛuta si Kristus, aroddi lai su al᷊awo'u inolaanna, wawine ṛinone tumuṛṛutta awingnge esakka.

FILIPI 2:3

Arie ma'ola'a sambau inolaanna hunane su watangannu sassane, ara'e ipamarabunga. Arawe ṛinone i yamiu sangkatou-sangkatou ringannu masaṛṛionto'a ma'ellega taumata waine mappianne wuassu watangannu sassane.

1 TIMOTIUS 2:11

Wawine ṛinone mangngurumma ringannu mal᷊annaba wuṛṛu matuṛṛuta.

1 TIMOTIUS 3:4

Ṛinone i tou masingkata mangatokku lal᷊oṛṛon bal᷊ene ringannu mapia, wuṛṛu mangaṛṛa'a al᷊aṛṛanangnge matuṛṛuta wuṛṛu maadatta si tou.

IBRANI 13:17

Paatuṛṛute parenta manga piaṛṛangu, wuṛṛu paasallunga si mangitou. Ana waugu i mangitou sidutu maṛṛingiddu niawanu, wuṛṛu i mangitou ṛinone sumimbakka ola'i yamiu su Ruata. Amungkangu i yamiu matuṛṛuta si mangitou, i mangitou wotongnge mammanara ringannu naungnga mal᷊uassa; amungkangu tawe, ne i mangitou sarun mammanara ringannu naungnga susa, wuṛṛu udde tawe maauntunga si yamiu.

1 PETRUS 2:13

Ringannu arannu Mawu, ṛinone i yamiu matuṛṛuta su manga tembonannu taumata: mawae su Kaisar apan naola'a tembonanne apan apianne,

1 PETRUS 2:17

Pangadate anambon taumata, paarangngu manga tuṛṛangu apan sansul᷊ungnga Saṛṛani. Ata'utten Ruata, wuṛṛu pangadate Kaisar.

1 PETRUS 5:5

Aroddi lai tuṛṛangnga, manga umbasanna maṛṛuala. Paatuṛṛuta su manga timmade. Tuṛṛanga sarangkanambone ṛinone tawe mamarabunga wuṛṛu uaa'imbe sangkatou ringannu sangkatou ringannu awawawon naungnga. Ana waugu sulal᷊ummu Wuke Susi uawoṛṛetta arendi, “Ruata mannompola taumata mawunga, arawe mandangngu taumata naungnge mawawo.”