EFESUS 4:25 - WUKE SUSI WATTI'U AL᷊AL᷊USASSA

²⁵ Ana waugu udde manga tuṛṛangnga sarangkanambone, ariete mangawusu. Pa'ola'e mapia sangkatou ringannu sangkatou, ana waugu i ite sarangkanambone uddewe suadio'a naola'a wageangngu wadangi Kristus.

EFESUS 4:25 Iomraidhean Croise

1 MARARATU 13:18

Ne nabi timmade wuassu Betel udde nagawusu si tou, ringannu nabbisara, “I ya'u lai nabi ere Tuṛṛangnga. Wuassu parentan Mawu sangkatou mala'ekatta buatte nandolo'u iapasol᷊oho wuṛṛu manaru Tuṛṛangnga su wal᷊en.”

DARALO 119:29

Paaruaawe i ya'u wuassu lal᷊anna apan sal᷊a, ana waugu apapia-Nu i ya'u aṛṛa'ewen tita-Nu.

DARALO 15:2

Taumata apan mabbiakka tawe sangkulle wuṛṛu inolaanne mapia, wuṛṛu ringannu matul᷊idda mabbisara suṛṛinone;

DARALO 52:3

Ei taumata matohassa, anio i'o mammungan al᷊al᷊eonu, su taumata apan arangnguannu Ruata?

SASABANGNGA 23:7

Paaraua'a aansilla awusu wuṛṛu imbaṛṛangnga taumata tawe sal᷊ane iṛṛuumanna pateanna, ana waugu i Ya'u tawe manamba'a taumata apan ma'ola'a al᷊al᷊eo ereudde.

AMSAL 12:17

Ringannu mabbisara ṛinone, taumata manduittu atatul᷊idda; ringannu mammahia, taumata mandantan aal᷊iba'ukka.

AMSAL 12:19

Awusu sarun asingkatanna ringannu sangkaṛṛondappa, arawe manga wisara atonna sidutu uatatana'a su al᷊o'engngu allo.

AMSAL 12:22

Mawu maddantinnu taumata awusu; arawe i Tou mal᷊uassa su taumata apan matul᷊idda.

AMSAL 21:6

Paa'ala apan niasombanganna ringannu mallinga mal᷊ihakka mawul᷊i wuṛṛu mangngapiddu taumata su loṛṛangngu labbingnga.

AMSAL 24:28

Imbaṛṛangnga maola'a matatiala su taumata waine ringannu tawe pinangiananne apan mapia; wuṛṛu arie lai mangawusu su ola'i tou.

AMSAL 8:7

Apan ta'u niwisara, sarangkanambone atonna, ana waugu i ya'u maddantinnu wawahia.

YESAYA 63:8

Mawu nabbisara, “Atonna-tonna, i mangitou uddewe uma-Ku, manga al᷊aṛṛana'a apan tawe nandal᷊eo naungnga.” Ne i Tou nabbal᷊i Mananal᷊amatti mangitou,

YESAYA 9:15

Manga piaṛṛa'u walahannu udde buatte nangal᷊iwu wuṛṛu nanongkakku tumana'u soa.

HOSEA 4:2

I mangitou nassalu arawe i mangitou tawe nanipussa; i mangitou nangawusu, mammate, manna'o wuṛṛu sussandaga. Al᷊al᷊eo aatambanna, wuṛṛu pamamate ual᷊al᷊isansunna.

IMAMATTA 19:11

Imbaṛṛangnga manna'o, mallinga ara'e mangawusu.

ZAKARIA 8:16

Eteindi manga parenta apan rinone olaanni yamiu: Amungkangngu mabbisara, pabbisarate ringannu atonna su sansul᷊ungngu. Pangonggollennu pallaṛṛuungnga apan matul᷊idda wuṛṛu mangngapiddu paddarame.

ZAKARIA 8:19

“Puasa apan a'olaanna su wul᷊anna aippanne, al᷊imane, appitune, wuṛṛu appul᷊one sarun maola'a manga ramea apan napenen al᷊al᷊uassa wuṛṛu lal᷊umanna'a su tumana'u Yehuda. Pandangngute atatul᷊idda wuṛṛu paddarame!”

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

ROMA 12:5

Aroddi lai matataṛṛino si ite. Salaiwe i ite sarangkanambone manambo, arawe i ite naola'a wadangnga sambau ana waugu i ite su sambau ringanni Kristus. Wuṛṛu i ite sambau-sambau uaaukka su sambau ringannu waine maola'a wageangnga wuassu wadangnga sambau.

1 KORINTUS 10:17

Ana waugu tumba'u pia sambau roti, wuṛṛu i ite sarangkanambone u'anna roti sambau udde lai, ne i ite apan manambo indi naal᷊ihidda wadangnga sambau.

2 KORINTUS 7:14

I ya'u atonna suete namarabungan kamiu si tou. Aadiangkamanna, i yamiu tawe namansili si ya'u. Anambon apa apan suete niwal᷊on kami si yamiu udde atonna. Aroddi lai apa apan ipamarabungan kami su ola'i yamiu si Titus udde niatialanna atonna.

EFESUS 4:15

Tawe! Mappianne i ite mapaal᷊iatta'u manga inolaanna apan atonna wuṛṛu ringannu naungnga apan napenen darangngu, na'oman sara su al᷊awo'u inolaanna i ite mal᷊annu-l᷊annu masuungnga ere lai Kristus, apan naola'a tembonanni ite.

EFESUS 4:22

Ana waugu udde tantanga'e pallal᷊agun taumata tabbe ringannu ola'u pabbiaṛṛana tabbe apan tantal᷊anna ihagohakku manga apulun runia apan mangngal᷊iwu.

EFESUS 4:31

Timbul᷊ianete al᷊awo'u taddu'u naungnga, mangngune wuṛṛu massa'u. Ariete lai umui wuṛṛu mallela. Ariete lai pia apendamma maddantina ara'e apendamma waine lai apan uasul᷊ungngu apendamma udde.

EFESUS 5:30

I ite masingkattu udde, ana waugu i ite wageangngu wadangi Kristus.)

KOLOSE 3:8

Arawe orassa indi ṛinone i yamiu mandammem manga inolaanna lal᷊eo wuassu ririnu; ariete masa'u, ara'e mandona ara'e pia naungnga maddintinu taumata waine. Arie saran paassa sumabangnga wuassu moṛṛongu manga wisara lal᷊ela ara'e wisara apan lal᷊eo.

KOLOSE 3:9

Arie pangawusu sangkatou ringannu waine, ana waugu wiakka tabbe ringannu al᷊awo'u pallal᷊agune suete nirammen kamiu.

1 TIMOTIUS 1:10

su manga taumata masandagga, esakka uaapulun esakka, maṛṛarampasa, taṛṛa wahia, matatiala awusu, wuṛṛu suapan taumata apan ma'ola'a inolaanna lullawangnga al᷊aṛṛa'a apan naṛṛino.

1 TIMOTIUS 4:2

apan niapaasingkatu taumata lilangkamal᷊e'a wuṛṛu taṛṛa wahia. Lal᷊ummu naungngu manga taumata udde marandumpe.

TITUS 1:12

Suete su paassa nabi mangitou sassane, inarantanne wuassu Kreta lai, nabbisara, “Manga taumatan Kreta siddutu mangngawusu, wuṛṛu ere winatangnga mal᷊aṛṛaga apan a'ombanganna wuṛṛu wolo'a.”

TITUS 1:2

Al᷊aṛṛa'a udde pinangiananne wuassu antimma manungku i ite sarun manengkamma wiakka tutune wuṛṛu mal᷊annu-l᷊annu. Ruata suete na'iren wiakka udde ro'en panattaṛṛannu runia indi – wuṛṛu tawe mariaddi Ruata mangawusu.

IBRANI 12:1

Ne, su ola'i ite sassane, uapaal᷊iwutta si ite manambo atonna mattatiala! Ana waugu udde wette i ite mandammen anambon apa apan mammakkata si ite wuṛṛu rosa apan sidutu uareeta si ite. Wuṛṛu wette i ite ringannu ma'udduppa sumutta su pattalumanna apan sasaruannani ite.

YAKOBUS 1:21

Ana waugu udde, rammea'e al᷊awo'u inanaramanna apan nallal᷊uhuranna wuṛṛu lal᷊eo. Sengkampe ringannu awawawo naungnga wisara apan nisuannu Ruata sulal᷊ummu naungngu, ana waugu wisara udde pia taṛṛinone manal᷊amatta si yamiu.

1 PETRUS 2:1

Ana waugu udde, rammea'e wuassu ririnu al᷊awo'u al᷊al᷊eo; ariete lai pamahia, wuṛṛu arie pallilangkamal᷊e'a. Ariete mannaungnga lal᷊eo, wuṛṛu arie pangngadio'a taumata waine.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.

MAL᷊AṚṚUUNGNGA 16:11

I Simson sinumimbakka, “Amungkangu i ya'u ṛapusannu tal᷊i wakku apan taambe nipaatta, i ya'u mallome wuṛṛu maola'a ere taumata wiasa.”