EFESUS 4:14 - WUKE SUSI WATTI'U AL᷊AL᷊USASSA

¹⁴ Ne i ite tate maola'a lai al᷊aṛṛana'a apan nial᷊iwune, wuṛṛu iaapiddu al᷊awo'u hatin al᷊aṛṛa'u manga taumata apan taṛṛa awusu. I mangitou mangngal᷊iwun taumata ringannu wawahian mangitou.

EFESUS 4:14 Iomraidhean Croise

DARALO 59:3

Pallosaawe i ya'u wuassu taumata apan ma'ola'a al᷊al᷊eo, liuaawe i ya'u wuassu manga taṛṛa pate.

YESAYA 28:9

I mangitou sussal᷊iomanna su ola'u riri'u, wisarane, “Su sunnane i tou mangngaṛṛa'a sisai? Isai lai apan mappandumma tal᷊aane? Su ṛingidde i ite indi ana'a addio'a apan wakkutte iapasusu?

MIKHA 7:2

Taumata matul᷊idda nawul᷊ite wuassu wanua, taumata apan satia su Ruata tate asangkal᷊anna lai. Suapan taumata uaṛṛaddo tempone mamate. Sangkatou-sangkatou nantaingngu sedda su taumata sansul᷊ungnge.

MATIUS 11:7

Napawe ralol᷊oṛṛanni Yohanes nabelengke, Mawu Yesus nanattakke nabbisara su taumata nambo su ola'i Yohanes, wisara-Ne, “I yamiu inai su wadda'a ma'ellega apa? Sangkul᷊appa wal᷊abukka itattalla'u anginna?

MATIUS 24:11

Manambo manga nabi awusu sarun dumanta, wuṛṛu mangawusu taumata nambo.

MATIUS 24:24

Ana waugu sarun dumanta manga mananal᷊amatta awusu wuṛṛu manga nabi awusu. I mangitou sarun ma'ola'a al᷊awo'u inolaanna apan bahewalla, wuṛṛu manga al᷊aṛṛindu'a ipangawusu, amungkangngu wotongnge, al᷊aṛṛana'u Ruata lai.

WATTI'U MANGA RASUL 23:21

Arawe arie Tuangnga madaringikka darorongngi mangitou udde, ana waugu appatu pul᷊o pia lebene taumata apan tantal᷊anna uaimbuni mangampangnga si tou su lal᷊anna. I mangitou sarangkanambone suete nassalu tawe umanna wuṛṛu ma'inumma amungkangngu i mangitou taambe naapate si Paulus. Orassa indi i mangitou nasaddiate; ete uaraṛṛaddo sasimbakki Tuangnga.”

1 KORINTUS 12:2

Paanaunge manungku su tempo i yamiu taambe naaillal᷊a Mawu, i yamiu niawono'anna massubba paal᷊uanna apan mou.

1 KORINTUS 14:20

Manga tuṛṛangnga! Arie paṛṛingidda ere al᷊aṛṛana'a. Sulal᷊ummu al᷊al᷊eo, ṛinone i yamiu uatatana'a ere ana'a maradio'a. Arawe sulal᷊ummu paṛṛaṛṛingidda, ṛinone i yamiu maola'a taumata apan timmaddete.

1 KORINTUS 3:19

Ana waugu apan sassunnannu runia pande, udde awawoddo su aelleggu Ruata. Sulal᷊ummu Wuke Susi uawoṛṛetta, “Ruata mapaasal᷊a manga taumata pande sulal᷊ummu asingkati mangitou sassane.”

2 KORINTUS 2:17

I yami tawe naal᷊ihida ere taumata nambo apan ma'ola'a Watti'u Ruata ere saranapa wal᷊u'anna. Manga pandumanni yami udde waresi, ana waugu i yami nirolokku Ruata. Wuṛṛu Ruata sassane ua'ellega manungku i yami mammasingkatu watti'a udde naola'a allangngi Kristus.

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

GALATIA 3:1

Manga tuṛṛangnga taumatan Galatia! I yamiu woddo atonna. Tanne i yamiu niaṛṛinoanten wawono'i sai? Papaten Kristus su alu arussa suete ta'u tinal᷊a'a ringannu masema-semakka si yamiu!

EFESUS 6:11

Paata'e al᷊awo'u peddetu pangalo apan nionggolu Ruata si'o, tadea'u i yamiu wotongnge mando'appa apapande apan lal᷊eo wuassu Setanna.

1 TIMOTIUS 3:6

Sangkatou mallal᷊u'ada jamaatta tawe wotongnge taumata wakkute sinumutta Saṛṛani, ana waugu takka i tou mabbal᷊i mawunga see awontohanna ere Setanna dorone.

2 TIMOTIUS 1:15

I'o masingkata manungku anambon taumata su leta'u Asia suete nanantangku, nasutta lai Figelus wuṛṛu Hermogenes.

2 TIMOTIUS 3:13

arawe manga taumata lal᷊eo wuṛṛu manga taumata taṛṛa l᷊inga sarun mabbal᷊i lembon al᷊eoanne. I mangitou mallinga taumata waine, wutte'e i mangitou sassane nial᷊inganna lai.

2 TIMOTIUS 4:3

Ana waugu sarun a'omanna tempone taumata maddirite lai maddaringikka al᷊aṛṛa'a apan naṛṛino. Arawe i mangitou sarun tumuṛṛutta apulu mangitou sassane, wuṛṛu mangammulu huru manambo iapaaṛṛa'u manga inolaanna apan mapia su aringikku tal᷊ingan mangitou.

IBRANI 13:9

Imbaṛṛanga mapaawalan al᷊awo'u hatin al᷊aṛṛa'a apan ma'aheranga apan mangal᷊iwung kamiu. Naungngi ite ṛinone tohasannu apapia naungngu Ruata, eteudde apan mapia; imbaṛṛanga ringannu manga atoranna su ola'u anna. Manga taumatan tiwatta apan matuṛṛuta su manga atoranna udde tawe naasomba hunane.

YAKOBUS 1:6

Arawe taumata apan maddoronga, ṛinone mangngimanna: i tou tawe wotongnge mapapadua. Ana waugu taumata uapapadua udde ere wallade su tahal᷊oangnga apan tattiupannu anginna uawal᷊elenganna.

YAKOBUS 3:4

Panganute lai sambau apalla maola'a sasumandinge. Salaiwe apalla sambau inolaanna apan aroddi ahewalle wuṛṛu iaapidu anginna apan ma'ikkatta, arawe i tou iappiaṛṛa'u aul᷊inna apan tumaniten adio'a, tumuṛṛuttu apulu mangangul᷊inna.

2 PETRUS 2:18

I mangitou na'ola'a manga papasingkata apan napenen papal᷊onotta wuṛṛu tawe loṛṛone; apulune sussandaga iapaati mangitou ipangal᷊iwu manga taumata apan wakku napallosa wuassu tampan taumata apan mabbiakka su al᷊al᷊eo.

1 YOHANES 2:19

Manga seetti Kristus eteudde manga taumata apan suete nanantangi ite, ana waugu i mangitou su ṛinone wal᷊ine taumata su sambau ringanni ite. Amungkangu i mangitou taumata su sambau ringanni ite, i mangitou mangke uaammulla ringanni ite. Arawe i mangitou nanantangi ite, tadea'u matualage manungku tawe saran sangkatou wuassi mangitou apan atonna-tonna nasutta su reenganni ite.

1 YOHANES 2:26

I ya'u namoṛṛetu suratta indi si yamiu su ola'u manga taumata apan tantal᷊anna mangngawusu si yamiu.

1 YOHANES 4:1

Manga tuṛṛangnga apan arangnguanna! Arie pangimanna anambon taumata apan mangnga'u Ghaṛṛahon Duata, arawe annama'a asuene i mangitou tanne ghaṛṛaho mangitou udde niarantanne wuassu Ruata ara'e tawe. Ana waugu manambonabi awusu apan u'amatta su al᷊awo'u tampa.

YUDAS 1:12

Su tempo i yamiu na'ola'a andeangnga, pallal᷊agu manga taumata udde maarantinna su wallatti yamiu. Ana waugu i mangitou u'anna manambo-nambo ringannu tawe masili, wuṛṛu tumba'u maṛṛingiddu watanganne sassane. I mangitou naal᷊ihida winabbawa iattalla'u anginna, arawe tawe manguranna. I mangitou lai ere alu apan tawe mabbua salaiwe su tempon pabbawua; manga alu apan suete niabutta ṛamunne wuṛṛu natete abbi.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.