EFESUS 3:5 - WUKE SUSI WATTI'U AL᷊AL᷊USASSA

⁵ Dorone addapingnge udde tawe niapaasingkatta su taumata, arawe orassa indi Ghaṛṛahon Duata suete namasingkata su manga rasul wuṛṛu nabi-Ne.

EFESUS 3:5 Iomraidhean Croise

YESAYA 52:15

Arawe orassa indi manambo walahanna apan niolangnge tinumiangnga, manga ratu nimoune tinangngone. I mangitou sarun maasilo wuṛṛu maasunna, apan dorone awagananni mangitou.”

MATIUS 13:17

Paanaunge, manambonabi wuṛṛu taumata apan tuttuṛṛutta Ruata maapulu ma'ellega apa apan a'ellehanni yamiu orassa indi, arawe i mangitou tawe maasilo. I mangitou ma'apulu maddaringikka apa apan raddaringiṛṛanni yamiu su orassa indi, arawe i mangitou tawe maaringikka.”

MATIUS 20:7

Manga taumata udde sinumimbakka, ‘Tawe taumata mapamanarang kami.’ ‘Amungkangngu aroddi,’ unnu tatahuannu wailla udde, ‘roote i yamiu pammanara su waillu anggore'u.’

MATIUS 23:34

Paddaringikka paapia-pia: i Ya'u sarun mandolokku manga nabi ringanni yamiu, taumata pande, wuṛṛu manga huru; sangkaadoanna wuassi mangitou sarun pateanni yamiu, wuṛṛu sangkaadoanna waine lai sarun iarussang kamiu. Piaddu sansaranni yamiu lai sulal᷊ummu manga wal᷊em pattataṛṛamawuanna, wuṛṛu i yamiu a'enggenanna wuassu soa sambau watukku soa apan baine.

LUKAS 10:24

Ana waugu paanaunge: Manambonabi wuṛṛu ratu ma'apulu ma'ellega apa apan niasiloanni yamiu orassa indi arawe i mangitou tawe maasilo. I mangitou maapulu madaringikka apan radaringiṛṛanni yamiu orassa indi, arawe i mangitou tawe maaringikka.”

LUKAS 11:49

Ana waugu udde Apapanden Ruata nabbisara, ‘I Ya'u sarun mandolokku manga nabi wuṛṛu manga ralol᷊oṛṛang-Ku ringanni mangitou; sangkawageanganna sarun pateanna wuṛṛu waine lai sarun sansaranna!’

YOHANES 14:26

Arawe Ghaṛṛahon Ruata, Mattatul᷊ungnga apan sarun irolokku Iamangnga sulal᷊ummu arang-Ku, ete i Tou apan mangaṛṛa'a si yamiu su ola'u sarangkanambone wuṛṛu mapaanaungnga su ola'u sarangkanambone apan suete Ta'u niapaasingkatta si yamiu.

YOHANES 16:13

Arawe amungkangngu Ghaṛṛaho udde rumanta, eteudde i Tou apan napaal᷊iatta'u atatul᷊iddu Ruata i yamiu sarun ehetan-Ne iapaaillal᷊a anambon apan taṛṛino. I Tou tawe mabbisara wuassu riri-Ne sassane arawe mamasingkattu apa apan suete niaringiṛṛanne, wuṛṛu i Tou namasingkatta si yamiu apa apan sarun mariaddi su allon sal᷊immurine.

WATTI'U MANGA RASUL 10:28

See i tou nabbisara si mangitou, “Manga tuṛṛangnga sassane masingkatta manungku taumatan Yahudi isassingadu agamane mattembo ara'e ma'ammulu manga taumata wuassu walahanna waine. Arawe Ruata suete namasingkatta si ya'u manungku i ya'u tawe wotongnge massunna taumata waine lal᷊eo wuṛṛu ipapalli.

ROMA 16:25

Daralo su Ruata! I Tou uataṛṛino mannohassa pangangimannu tuṛṛangnga nassul᷊ungngu Watti'u Al᷊al᷊uassa wuassu Ruata apan ta'u iapaasingkatta su ola'u Yesus Kristus. I ya'u namasingkatu watti'a udde nassul᷊ungngu ere apa apan niapaal᷊iatta'u Ruata; eteudde su ola'u paa'apulun Ruata apan mal᷊annute awaganannu taumata.

1 KORINTUS 2:10

Arawe Ruata buatte napaal᷊iatta'a si ite sulal᷊ummu Ghaṛṛaho-Ne. Ghaṛṛahon Duata udde mammarikissa sarangkanambone, na'oman sara manga pandumannu Ruata apan uawuni.

EFESUS 2:20

I yamiu lai suete niapararisikka su rapappakke apan niaddo manga rasul wuṛṛu manga nabi, ringanni Kristus Yesus sambau watu apan apianne.

EFESUS 3:9

wuṛṛu lai tadea'u wuassia'u anambon taumata maasingkata ereapa Ruata, Mandariaddi ul᷊ilin pati'uppa indi, napaamattu manara-Ne ro'en dorone apan iaddappingnga su runia.

2 PETRUS 3:2

I ya'u mandolokka tadea'u i yamiu mannaungnga manga wisara apan rorone suete niwisara manga nabi Ruata, wuṛṛu parentan Mawu. Ratum Punnu Sal᷊amatta apan niapassingkatu manga rasul si yamiu.

YUDAS 1:17

Arawe tuṛṛangku apan arangnguanna, paanaunge apa apan dorone niwisaran manga rasulu Mawun kite Yesus Kristus.