EFESUS 2:8 - WUKE SUSI WATTI'U AL᷊AL᷊USASSA

^8-9 Ruata niumakkani yamiu, ana waugu udde i Tou nanal᷊amatta si yamiu, ana waugu i yamiu mangngimanna Mawu Yesus. Asasal᷊amatti yamiu udde wal᷊inewe asombangu asasahaddu sassane. Sarangkanambone udde aonggolu Ruata. Nariaddi, tawe saran sangkatou apan wotongnge mamungan watanganne su olangnge udde.

EFESUS 2:8 Iomraidhean Croise

MATIUS 16:17

“Auntunganna si'o Simon ana'i Yona!” unnu Mawu Yesus, “Ana waugu wal᷊inewe taumata apan namasingkattu olangnge udde si'o, arawe Iamangku su surga.

MATIUS 20:9

See nirumantate mammamanara apan nanattakka nammanara wuassu puulla lima wawallo. I mangitou sangkatou-sangkatou nanarimmattu roitta sal᷊a'a sangkatou sambau.

MARKUS 16:16

Taumata apan tawe mangngimanna sarun iṛṛuumanna. Arawe taumata apan mangngimanna wuṛṛu saṛṛanianna, sarun masal᷊amatta.

LUKAS 7:50

Arawe Mawu Yesus nabbisara wawine udde, “Ana waugu i'o mangngimanna si Ya'u, i'o sarun masal᷊amatta. Roote ringannu padarame!”

YOHANES 3:36

Taumata apan mangngimanna Ana'a udde saru maasomba pabbawiakka tutune wuṛṛu saran mal᷊annu-l᷊annu. Arawe taumata apan tawe madaringikka Ana'a udde tawe maasomba wiakke. I tou iṛṛuumannu Ruata sarangkal᷊o'engnge.

YOHANES 4:10

Mawu Yesus sinumimbakka, “Unnu wisara i'o masingkattu aonggolu Ruata wuṛṛu isai madorongnga ma'inumma ringannu, i'o sassane lai sarun madorongnga si Tou ma'inumma, wuṛṛu i Tou sarun mangonggola si'o ua'e apan wiakka.”

YOHANES 5:24

Mangke atonna manga wisara-U indi: Taumata apan madaringikka manga wisara-U wuṛṛu mangngimanna si Tou apan nandolo-U, maatahuanna wiakka tutune wuṛṛu saran mal᷊annu-l᷊annu. I tou tawe iṛṛuumanna; i tou nal᷊iute wuassu papate wuṛṛu naaba'e wiakka.

YOHANES 6:35

“Ete i Ya'u roti apan mangonggolu wiakka,” unni Mawu Yesus si mangitou. “Taumata apan rumanta ringang-Ku tawe amal᷊unusanna sarangkal᷊o'engnge. Wuṛṛu taumata apan mangngimanna si ya'u tawe marou lai sarangkal᷊o'engnge.”

YOHANES 6:37

Anambon taumata apan nionggolu Iamangnga si Ya'u sarun rumanta ringang-Ku. I Ya'u tawe mapawelengngi sai-sai apan rumanta ringang-Ku.

YOHANES 6:40

Atonna, eteudde apulun Iamang-Ku: Tadea'u anambon taumata maasilo Ana'a wuṛṛu mangngimanna si Tou maasomba wiakka tutune wuṛṛu saran mal᷊annu-l᷊annu, wuṛṛu iapaawiakka apia su Allong Kiamatta.”

YOHANES 6:44

Tawe saran sangkatou maaranta ringang-Ku, amungkangngu Iamangnga apan nandolo-U tawe mangapiddi tou ringang-Ku; wuṛṛu isai apan rumanta, sarun Ta'u iapaasengkengnga su Allong Kiamatta.

YOHANES 6:65

See Mawu Yesus nabbisara apia, “Ana waugu udde i Ya'u mamasingkatta si yamiu manungku tawe saran sangkatou apan maaranta ringang-Ku, amungkangngu Iamangnga tawe mamala.”

WATTI'U MANGA RASUL 14:27

Napawe na'omate su Antiokhia, i mangitou nangammullu manga taumata wuassu jamaatta udde, see nabatti'u sarangkanambone apan suete niola'u Ruata sulal᷊ummi mangitou. I mangitou nabbati'a lai su ola'u ereapa Ruata suete namantingidu lal᷊anna tadea'u manga taumata apan bal᷊ine Yahudi mangngimanna Mawu Yesus.

WATTI'U MANGA RASUL 15:11

Arawe, i ite mangngimanna wuṛṛu i ite naasomba asasal᷊amatta ana waugu darangngu Mawu Yesus; aroddi lai i mangitou.”

WATTI'U MANGA RASUL 16:14

Sangkatou su wallatti mangitou eteudde mabbawal᷊u'u mal᷊aṛṛenessa ungu, aranne i Lidia taumata wuassu Tiatira. I tou marangngu Ruata, ne Mawu nangal᷊ore naungnge tadea'u i tou manengkamma apa apan ia'aṛṛa'i Paulus si tou.

WATTI'U MANGA RASUL 16:31

I Paulus wuṛṛu i Silas sinumimbakka, “Pangngimante Mawu Yesus! I'o saru masal᷊amatta – i'o wuṛṛu anambon taumata sulal᷊ummu wal᷊enu!”

ROMA 10:14

Arawe ereapa lal᷊anne taumata wotongnge maitul᷊ungnga su Mawu amungkangngu i mangitou taambe nangimanna? Wuṛṛu ereapa i mangitou wotongnge mangngimanna Mawu amungkangngu i mangitou taambe naaringikka su ola'i Tou? Wuṛṛu ereapa lai i mangitou wotongnge maaringikka Watti'u Mawu amungkangngu tawedu mamasingkata?

ROMA 10:17

Ana waugu udde manga taumata mangngimante ana waugu i mangitou naaringikke watti'a, wuṛṛu watti'a niaringiṛṛana ana waugu pia taumata apan namasingkata su ola'i Kristus.

ROMA 4:16

Nariaddi paairen Duata udde pinangaiananne wuassu pangangimannu taumata su Ruata. Udde maola'a sambau paaire su anambon walahanni Abraham manungku paaire udde nionggola si mangitou maola'a sambau aonggola apan tawe bawal᷊inne wuassu Ruata; wal᷊ine tumba'u si mangitou apan matuṛṛutta titan agama Yahudi, arawe si mangitou lai apan mangngimanna Ruata ere Abraham mangngimanna si tou. Ana waugu ete Abraham udde iamangngi ite sarangkanambone, su ola'u pangangimanna.

ROMA 4:5

Arawe pia taumata tawe mangantimma su manarane sassane; i tou mannantillu watanganne su Ruata apan napaal᷊iatta'a manungku taumata marosa sarun maal᷊iu wuassu passasal᷊ane. Pinangianannu pangangimanne udde Ruata nanarimmatta si tou maola'a taumata apan maal᷊uassa naungngu Ruata.

ROMA 9:16

Nariaddi, Ruata nakkawessa udde wal᷊inewe ana waugu su apulun taumata ara'e su pamamanaran taumata, ewe'e su apapia naungngu Ruata su taumata apan buatte nipile-Ne udde.

GALATIA 3:14

Kristus na'ola'a aroddi tadea'u al᷊amatta apan pina'iren Duata si Abraham ionggola lai su manga taumata wal᷊ine Yahudi. Ringannu aroddi i ite lai apan mangngimanna Ruata, wotongnge manengkamma Ghaṛṛaho apan pina'iren Duata udde.

GALATIA 3:22

Arawe sulal᷊ummu Wuke Susi uawoṛṛetta manungku anambon walahannu taumata mangke uatana'a su al᷊ungngu taṛṛinon dosa. Ana waugu udde, aonggola apan pina'ire pinangiananne wuassu mangngimanna Mawu Yesus Kristus nionggolla si mangitou apan mangngimanna.

EFESUS 1:19

wuṛṛu aroddi ahewalle Ruata mammanara ringannu napenen taṛṛino su wadangngi ite apan mangngimanna. Taṛṛinon Duata udde naal᷊ihida taṛṛino apan ahewal᷊anne,

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

EFESUS 2:5

na'oman sara su tempo i ite ta'e nate sulal᷊ummu ghaṛṛaho ana waugu manga lal᷊awangngi ite, i Tou napaawiakki ite apia su sambau ringanni Kristus. Nariaddi tumba'u apapia naungngu Ruata i yamiu naasomba asasal᷊amatta.

FILIPI 1:29

Ana waugu Ruata suete nangonggolu al᷊amatta si yamiu, wal᷊ine tumba'u ipangimanna si Kristus, arawe lai matataṛṛangnga asasusa ana waugu Kristus.

KOLOSE 2:12

Ana waugu su tempo i yamiu nissaṛṛani, yamiu nilabbingnga su sambau ringanni Kristus; wuṛṛu ringannu sasaṛṛani udde lai yamiu niapaawiakka apia su sambau ringanni Kristus ana waugu i yamiu mangngimanna taṛṛinon Duata apan suete napaawiakki Kristus wuassu papate.

2 TESALONIKA 1:9

Manga taumata udde sarun manengkamma ṛuumanna papate sarangkal᷊o'engnge, iramme su liudde wuassu ammul᷊annu taumata Mawu wuṛṛu wuassu taṛṛino-Ne apan mawantuga;

IBRANI 6:4

Ana waugu, manga taumata apan suete nassinaadu Ruata, tate wotongnge aṛṛaanna apia. I mangitou dorone sulal᷊umpen asasemakka wuassu Ruata, wuṛṛu suete naatemma aonggolu Mawu. I mangitou lai suete niintaṛṛoannu Ghaṛṛahon Ruata.

1 PETRUS 1:5

Sarangkanambone udde ionggola si yamiu, ana waugu i yamiu mangngimanna Ruata. Ne i yamiu rariagannu taṛṛinon Duata tadea'u i yamiu manengkamma asasal᷊amatta apan nasaddiate iapaal᷊iatta'a su allo pangudusanne.