EFESUS 2:2 - WUKE SUSI WATTI'U AL᷊AL᷊USASSA

² Su tempo udde yamiu tuttuṛṛuta al᷊awo'u apulun dunia indi; eteudde i yamiu matuṛṛutta su tembonannu winalanganna, eteudde ghaṛṛaho apan marosa indi uaintaṛṛo sulal᷊ummu naungngu manga taumata apan maddiri tumuṛṛutta Ruata.

EFESUS 2:2 Iomraidhean Croise

AYUB 1:16

Sutempo i tou ta'e uahahatto, nirumantate lai allangnga aruane wuṛṛu nabbisara, “Manga domban Tuangnga wuṛṛu mallal᷊u'adde buatte niamettu sawallo na'oman sara nate abbi. Tumba'u allangngu sassane apan naatal᷊angnga na'oman sara napabbal᷊o si Tuangnga.”

AYUB 1:19

Inaṛṛombanganne anginna al᷊isusu tinumiuppa wuassu wadda'a wuṛṛu naṛṛa'an bal᷊e udde wuṛṛu naapate anambon ana'i Tuangnga. Tumba'u allangngu apan naal᷊asso'a na'oman sara wotongnge nabbatti'a si Tuangnga.”

AYUB 1:7

Mawu naiwal᷊o si tou, “Wuassuapa i'o?” Sasimbakki Mamamono'a, “Allangnga wakkute wua nilumallele wuṛṛu namal᷊intaddu ahewallu runia.”

AYUB 31:7

Unnuwisara i ya'u buatte sinumewadda wuassu lal᷊anna apan naṛṛino, ara'e naungku ninumemman al᷊al᷊eo, napawe lima'u nappeta'u rosa,

DARALO 17:14

Liuaawe i ya'u wuassu manga taumata apan mangngundu'u darotongngu runia. Ṛuumana'ewe i mangitou ringannu asasilaka apan buatte nissadia-Nu si mangitou. Wala'ewe ana'a papapulunni mangitou iṛṛuumanna lai.

YESAYA 30:1

Mawu nabbisara, “Nasilakate manga piaṛṛa'u Yehuda, ana waugu i mangitou lullawangnga si Ya'u. I mangitou tinumuṛṛutta manga ṛiinna apan bal᷊ine ṛiing-Ku. I mangitou nabartanda pa'aire apan lumawangnga apulu-U. Ne rosa mangitou pasi ombote.

YESAYA 57:4

Isaite apan ilaggen kamiu? Isaite apan aal᷊uandahanni yamiu? Wal᷊inewe i yamiu pallaṛṛiten taṛṛa awusu wuṛṛu mal᷊awangnga?

YEREMIA 23:10

Wanuan kite napanen taumata apan mal᷊awangnga Mawu. I mangitou mabbiakka lal᷊eo wuṛṛu massal᷊a paattu taṛṛino mangitou. Ana waugu tatal᷊a Mawu, nannal᷊o su wadda'a nabbal᷊i mamara wuṛṛu ahewallu wanua lullal᷊o.

HOSEA 10:9

Mawu nabbisara, “Ro'en arariaddianna su Gibea, taumatan Israel taambe lai nangillol᷊o ma'ola'a rosa lullawangnga si Ya'u. Ana waugu udde su Gibea lai i mangitou saru aṛṛiaannu pangalo.

MATIUS 11:19

Orassa indi Ana'u Taumata, nirumanta – i Tou u'anna wuṛṛu ma'inumma; see manga taumata mabbisara, ‘Pa'ellega taumata udde! Wal᷊iu, taṛṛa wu'anna, hawene maddarorongnga wose, wuṛṛu hawene taumata marosa.’ Salaiwe aroddi, apapande Ruata niatialanna wuassu manga wuane.”

MATIUS 13:22

Wualanna apan nanawo su tangngan ahuranganna ṛoaanna, isassumandingnga su taumata apan uararingikka watti'a udde, arawe sussinggawangnga su ola'u wiakki mangitou wuṛṛu maapulu mabbiakka su al᷊al᷊uassa. Ana waugu udde watti'a wuassu Ruata nawul᷊i wuassu naungngi mangitou na'oman sara tawe buane.

MATIUS 13:38

Wailla eteudde runia indi. Wualanna apan mapia, eteudde manga taumata apan nasutta al᷊aṛṛana'u Ruata. Ahuranganna akke, eteudde manga taumata uasamba'a Setanna.

MARKUS 4:19

arawe sussinggawangngu pabbiaṛṛanni mangitou wuṛṛu maapulu mabbiakka lembo nasuungnga. Apulum padarunia sinumuttate sulal᷊ummu naungngi mangitou. Wua'udde watti'u Ruata nawul᷊i wuassu lal᷊ummu naungngi mangitou, na'oman sara tawe nabbua.

LUKAS 16:8

Ne mawu mangangadon roitta apan taṛṛa l᷊inga udde nadalo si tou ana waugu inolaanne apan mangngapande udde; ana waugu manga taumatan runia indi mappandeanna mangatokku manara mangitou wuassu mangatokku taumata apan mabbiakka sulal᷊ummu asasemakka.”

LUKAS 22:31

“Simon, Simon, paddaringikka! Setanna suete niwala mamono'a si yamiu; ere gandumma iṛṛae wuassu wal᷊a'ane na'oman sara apan mappianne iṛṛae wuassu apan dal᷊eo.

YOHANES 12:31

Tempone nia'omante runia parikisanna; orassa indi tembonannu runia tate ipaatta.

YOHANES 13:2

Mawu Yesus wuṛṛu manga mallal᷊aṛṛenggen-Ne tantal᷊anna u'anna annu ṛabbi. Setanna suete napaasuttam pandumanne sulal᷊ummu naungngi Yudas ana'i Simon Iskariot ipamate Mawu Yesus.

YOHANES 13:27

Napawe i Yudas nanengkamma roti udde, Setanna sinumuttate sulal᷊ummu naungnge. See Mawu Yesus nabbisara si tou, “Ola'e paal᷊ihakka apa apan sarun olaannu.”

YOHANES 14:30

I Ya'u tate mabbisara manambo lai ringanni yamiu, ana waugu nia'omante tempone tembonannu runia indi rumanta. Arawe i tou tawe uataṛṛino su riri-U.

YOHANES 15:19

Amungkangngu i yamiu tatahuanannu runia, i yamiu sarun rangnguannu runia maola'a pussaane. Arawe i Ya'u suete namile si yamiu wuassu runia indi, nariaddi yamiu tate lai tatahuanannu runia. Ana waugu udde runia maddantinni yamiu.

YOHANES 16:11

wuṛṛu manungku Ruata mannattake maṛṛuumanna, ana waugu tembonannu runia indi suete niṛṛuumanna.

YOHANES 7:7

Runia indi tawe marantinni yamiu. Arawe i Ya'u atonna-tonna ia'arantinnu runia, ana waugu i Ya'u sidutu mabbisara runia manungku inolaanne lal᷊eo.

YOHANES 8:23

See Mawu Yesus nabbisara si mangitou, “I yamiu nirumanta wua bowane; arawe i Ya'u nirumanta wua dosone. I yamiu wuassu runia arawe i Ya'u tawe wuassu runia.

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

WATTI'U MANGA RASUL 19:35

Panginsueanne mamamoṛṛetu soa udde napaal᷊annabu awada'alla udde. I tou nabbisara, “Tumana'u Efesus! Al᷊awo'u taumata masingkatta manungku ete su Efesus soa apan mammadul᷊i wal᷊en Monganna Artemis wuṛṛu watu susi apan nanawo wuassu langitta.

WATTI'U MANGA RASUL 5:3

Ne i Petrus nabbisara si tou, “Ananias, anio i'o namalan Setanna namiaṛṛa'u naungngu, na'oman sara i'o nangawusu Ghaṛṛahon Ruata, ringannu mal᷊anna-l᷊annaba nama'ungnga roitta ipaannu sassane sambageanganna roitta la'unnu leta'a udde?

ROMA 12:2

Imbaṛṛangnga mattanno apulun dunia indi. Wala'e Ruata mandiaddi ririnu maola'a wakku, tadea'u i yamiu pia awawal᷊u. Ringannu aroddi yamiu wotongnge maasingkata apulun Duata – eteudde apa apan mapia wuṛṛu apan maal᷊uassa naung-Nge wuṛṛu apan nasuungnga.

1 KORINTUS 5:10

Pandumangku wal᷊inewe taumata masandaga ara'e wal᷊iu, ara'e taṛṛa wahia ara'e masasubba paal᷊uanna apan tawe maaillal᷊a Ruata. Wal᷊ine! Pandumangku tawe i mangitou; ana waugu amungkangngu i yamiu mangindau mangitou, ne ṛinone i yamiu sumabangnga atonna-tonna wuassu runia indi.

1 KORINTUS 6:11

Siri pira su wallatti yamiu dorone pia pallal᷊agune ereudde. Arawe orassa indi yamiu niapaal᷊iatta'a waresi wuassu rosa. I yamiu naola'e pussa'a Ruata sassane. I yamiu nabelengke apia ringannu Ruata, ana waugu i yamiu mangngimanna Mawu Yesus Kristus, wuṛṛu ana waugu taṛṛinon Ghaṛṛaho wuassu Mawu Ruatan kite.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

GALATIA 1:4

Tuttuṛṛuta apulun Duata Iamangngi ite, Kristus nanantillu watangan-Ne maola'a sasamba ana waugu manga rosang kite, tadea'u i ite iapaasal᷊amatta wuassu tempo apan lal᷊eo indi.

EFESUS 1:21

Aiananni Kristus udde mattanggaṛṛane marau wuassu al᷊awo'u aianannu pamarenta, al᷊awo'u tembonanne, al᷊awo'u piaṛṛangnge, al᷊awo'u manga tuangnga wuṛṛu isai lai apan buatte nionggol᷊annu aiananne apan matanggakka, mawae udde mabbiakka su tempo indi, ara'e mabbiakka su tempo addantane.

EFESUS 2:11

Manga tuṛṛangnga apan wal᷊ine Yahudi! Paanaunge ririnu su tempo rorone: I yamiu isassaggo “taumata tawe nissunatta” unnu taumatan Yahudi apan mangnga'u ririne suete nissunatta (pandumanne apan buatte naasomba tatiala niola'u taumata su wadangngi mangitou).

EFESUS 2:13

Arawe orassa indi, ana waugu i yamiu suete naaukka ringanni Kristus Yesus, i yamiu apan dorone marau, buatte niapaarani ana waugu papaten Kristus.

EFESUS 2:3

Dorone i ite sarangkanambone lai uasul᷊ungngi mangitou; i ite mabbiakka tuttuṛṛuta pallal᷊agun kite taumata wuṛṛu mammanara manara apan maal᷊uassa wadangnga wuṛṛu ṛingiṛṛanni ite. Su tempo udde i ite naola'a manga taumata apan niaṛṛiaannu asasa'un Duata, ere lai manga taumata waine.

EFESUS 4:17

Ana waugu udde ringannu arannu Mawu, ete indi apan ta'u iwal᷊o wuṛṛu ipanohassa: ariete lai mabbiakka ere taumata apan tawe maaillal᷊a Ruata, wuṛṛu maṛṛingiddu runia indi.

EFESUS 4:22

Ana waugu udde tantanga'e pallal᷊agun taumata tabbe ringannu ola'u pabbiaṛṛana tabbe apan tantal᷊anna ihagohakku manga apulun runia apan mangngal᷊iwu.

EFESUS 5:6

Iambaṛṛanga i yamiu awusuannu manga hatto awusu. Ana waugu, ete manga hatto indi, apan maasa'u Ruata su saruannu manga taumata apan mal᷊awangnga si Tou.

EFESUS 5:8

I yamiu sassane dorone sulal᷊ummu ararandumma. Orassa indi yamiu naola'e al᷊aṛṛana'u Mawu, nariaddi yamiu orassa indi sulal᷊ummu asasemakka. Ana waugu udde i yamiu ṛinone mabbiakka sulal᷊ummu asasemakka.

EFESUS 6:12

Ana waugu i ite mammanara, wal᷊inewe lumawangnga atatohassu manga setanna apan uaparenta su tempo apan lel᷊eo indi. I ite lumawangnga atatohassu manga ghaṛṛaho lal᷊eo apan uaparenta winalanganna.

KOLOSE 1:21

Dorone i yamiu maraun Duata. I yamiu masseetti Tou ana waugu pallal᷊agunu wuṛṛu ṛingiṛṛannu lal᷊eo.

2 TIMOTIUS 4:10

ana waugu Demas suete nanantangku ana waugu nandangute runia indi. I tou nanute watukku Tesalonika. Kreskes nabatukken Galatia, wuṛṛu Titus watukku Dalmatia.

YAKOBUS 1:27

Tatuṛṛuta su agama apan waresi wuṛṛu tutune su aellegu Ruata Iamangnga eteudde: mantul᷊ungngu al᷊aṛṛana'a asisin pal᷊ussa wuṛṛu manga wawine wal᷊u apan susa, wuṛṛu uariagga wadangnge sassane tadea'u tawe lal᷊eoannu runia indi.

YAKOBUS 1:7

Taumata ereudde tawe matana'a ṛingiranne; i tou tawe mapakkawessa apa-apa su al᷊awo'u manga apa apan niolangnge. Ana waugu udde, ariete lai i tou mangantimma maasomba apa-apa wuassu Mawu.

YAKOBUS 4:4

I yamiu udde taumata mal᷊awangnga! I yamiu masingkate manungku amungkangu i yamiu uahahawen dunia, ne i yamiu sarun maola'a seettu Ruata? Nariaddi isai-sai apan maola'a hawen dunia indi, i tou maola'a seettu Ruata.

1 PETRUS 1:14

Paatuṛṛute Ruata wuṛṛu arie mabbiakka tumuṛṛutta apulunu dorone, su tempo i yamiu taambe naaillal᷊a Ruata.

1 PETRUS 4:3

Su tempo apan nal᷊iu, iamu mal᷊annute maapulu ma'ola'a apa apan a'olaannu manga taumata apan tawe maaillal᷊a Mawu. I yamiu mabbiakka su al᷊al᷊eo. I yamiu tuttuṛṛuta apulu naungnga, mabbu'anna, maddamea, ma'inumma wuṛṛu massubba paal᷊uanna apan maarantinna.

2 PETRUS 2:14

I mangitou tawe illol᷊one ma'ola'a rosa, wuṛṛu al᷊utuanni mangitou ma'ellega wawine masandaga. Wuṛṛu taumata apan wakku mangngimanna wuṛṛu ta'e matul᷊u pangangimanne, wal᷊onotanni mangitou. Naungngi mangitou ninumarampen awawal᷊iu. Ete i mangitou udde taumata apan niawontohante!

1 YOHANES 3:10

Ete indi papaṛṛalane wuassu alaṛṛana'u Ruata wuṛṛu al᷊aṛṛana'u Setanna: suapan taumata apan tawe tumuṛṛutta apulun Duata, ara'e tawe mandangngu tuṛṛange, i tou wal᷊ine ana'u Ruata.

1 YOHANES 3:8

Arawe taumata apan matatana'a ma'ola'a rosa, ete i tou uddewe ana'u Setanna, ana waugu Setanna marosa ro'en al᷊amonane. Ana waugu udde Ana'u Ruata nirumanta, eteudde makkimunsa'a manaran Setanna.

1 YOHANES 4:4

Arawe Al᷊aṛṛana'u, i yamiu pussa'a Ruata. I yamiu suete napaaema'u manga nabi awusu, ana waugu Ghaṛṛaho apan tatahuananni yamiu lembon mataṛṛino wuassu ghaṛṛaho apan su taumata tatahuanannu runia indi.

1 YOHANES 5:19

I ite masingkatta manungku i ite pussa'an Duata, salaiwe ahewallu runia indi su al᷊ungngu taṛṛinon Al᷊al᷊eo.

1 YOHANES 5:4

ana waugu suapan al᷊aṛṛana'u Ruata wotongnge maaroappa runia apan lal᷊eo indi. Wuṛṛu i ite mandoappa runia ringanu pangangimanni ite.

SONDAPPA 12:9

Naga apan bahewalla udde niramme su liudde! Ete i tou atoanna timmade udde apan aranne Setanna ara'e Ghaṛṛaho Lal᷊eo, apan nangawusu ahewallu runia. I tou niramme su runia su sambau ringannu manga mala'ekanne.

SONDAPPA 13:14

Wuṛṛu anambon taumata apan mabbiakka su runia niawusuanne ringannu manga al᷊aṛṛindu'a apan botongnge olaanne su saruannu winatangnga apan paarorone udde. Wuṛṛu i mangitou sarangkanambone nirolokka mandarisikku sambau paal᷊uanna wuassu winatangnga apan suete nilessan hal᷊ele, arawe ta'e wiakka.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

SONDAPPA 16:17

Napawe wua'udde mala'ekatta appitune nallal᷊innu lal᷊oṛṛon cawanne su winalanganna. Ne niaringikke tingikka apan ma'ikkatta wuassu adderan araratuannu Wal᷊e Mawu, apan nabbisara, “Nasuete!”

SONDAPPA 20:2

See i tou nanametta naga udde, atoanna timmade, – eteudde Setanna ara'e Ghaṛṛaho Lal᷊eo udde – wuṛṛu niṛṛapussa saṛṛiwu su tonanne al᷊annune.