EFESUS 2:13 - WUKE SUSI WATTI'U AL᷊AL᷊USASSA

¹³ Arawe orassa indi, ana waugu i yamiu suete naaukka ringanni Kristus Yesus, i yamiu apan dorone marau, buatte niapaarani ana waugu papaten Kristus.

EFESUS 2:13 Iomraidhean Croise

DARALO 22:7

Arawe i ya'u indi lal᷊uati, wal᷊ine taumata, aal᷊uandahanna wuṛṛu lallobosannu awadaalla.

DARALO 73:27

Taumata apan manantang-Ngu sarun masilaka, I'o namate taumata apan mal᷊awangnga Si'o.

YESAYA 11:10

Tempone sarun dumanta sangkatou ratu pallaṛṛiten Daud maola'a punnu aellegu manga walahanna. I mangitou sarun dumanta ringanni tou, wuṛṛu tampa atatanaanne mangke raddaloanna.

YESAYA 43:6

I Ya'u namarenta sawannakka wuṛṛu timukka, tadea'u i mangitou mal᷊ihakka ipallossa. Wala'e manga anangngu esakka mawelengnga wuassu tampa marau, wuṛṛu manga anangngu wawine mapul᷊e wuassu manga pentakku runia.

YESAYA 49:12

Wuassu marau uma-U pasi rantate, wuassu sawannakka, waṛṛatta wuṛṛu Sinim su timukka.”

YESAYA 57:19

I Ya'u sarun mangonggollu atatammudda su anambon taumata, mawae ete marani aroddi lai marau. I Ya'u sarun mapaapian uma-U.

YESAYA 60:4

Pa'ellege apa apan nariaddi su uapal᷊iwutta si'o; tumana'u soa ma'ammulla ana mapul᷊e ringannu. Manga anangngu esakka nirumanta wuassu tampa marau, manga anangngu wawine wawawananna.

YESAYA 60:9

Eteudde manga apalla apan rumanta mabbal᷊ango mangngapiddu umattu Ruata mapul᷊e wuassu wanua marau. Sal᷊a'a wuṛṛu wul᷊awanna niapidda lai tadea'u ipaddalo Mawu Ruatanu; su Ruatan Israel Apan Lembonsusi, apan na'ola'a uman-Ne a'addatanna.

YESAYA 66:19

I Ya'u sarun mangaddon sambau tatiala su pattangnganni mangitou. Sambageanganna addio'a suwallatti mangitou Ta'u iapaasal᷊amatta. I mangitou sarun Ta'u irolokka ringannu manga walahanna su manga wanua marau apan taambe saran paassa naaringikka si Ya'u ara'e naasilo awawantuga wuṛṛu taṛṛino-U: watukku Spanyol, Libia, wuṛṛu Lida ringannu manga mamamitingnge apan masiṛṛongnga, watukku Tubal wuṛṛu Yunani. I mangitou sarun mamasingkattu awawantu-Ku su pattangngannu manga walahanna udde.

YEREMIA 16:19

Mawu, ete I'o apan ual᷊u'adda si ya'u wuṛṛu nangonggollu atatohassa si ya'u; I'o nantul᷊ungku sutempon asasusa. Manga walahanna wuassu pentakku runia sarun dumanta ringan-Nu wuṛṛu mabbisara, “Al᷊amonan kami tumba'u pia mawu awusu apan mangke tawe gunane.

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

WATTI'U MANGA RASUL 15:14

I Simon wakkute lai nanal᷊a'a ereapa Ruata paarorone napaal᷊iatta'u naung-Nge su manga taumata wal᷊ine Yahudi ringannu pandumma mamile wuassi mangitou manga taumata waine apan sarun olaanna pabbawala-Ge.

WATTI'U MANGA RASUL 2:39

Ana waugu pa'airen Ruata udde maola'a wageangngu wuṛṛu papapulunnu see manga taumata apan uatana'a su tampa apan marau – eteudde anambon taumata apan niwagoannu Ruata rumanta ringanni Tou.”

WATTI'U MANGA RASUL 22:21

Arawe Mawu nabbisara apia lai si ya'u, ‘Roote, ana waugu i Ya'u sarun mandolokku inai su tampa apan marau ringannu manga taumata apan wal᷊ine Yahudi.’ ”

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

1 KORINTUS 1:30

Ete Ruata sassane apan ma'ola'a si'o naaukka ringanni Kristus Yesus. Sulal᷊ummi Kristus i ite niola'a pande. Wuṛṛu sulal᷊ummi Tou lai Ruata na'ola'a si ite nassangkapia apia ringanni Tou, i ite niola'a al᷊aṛṛanang-Nge apan apianne, wuṛṛu napaal᷊iun kite wuassu alal᷊eo.

1 KORINTUS 12:13

Aroddi lai i ite sarangkanambone, mawae taumatan Yahudi, see lai taumata wal᷊ine Yahudi, manga allangnga, ara'e manga taumata napallose; i ite sarangkanambone buatte nissaṛṛanin Ghaṛṛaho apan uasul᷊ungnga udde. I ite lai sarangkanambone sarun maapendama Ghaṛṛaho apan sambau udde ringannu tawe urangnge.

1 KORINTUS 6:11

Siri pira su wallatti yamiu dorone pia pallal᷊agune ereudde. Arawe orassa indi yamiu niapaal᷊iatta'a waresi wuassu rosa. I yamiu naola'e pussa'a Ruata sassane. I yamiu nabelengke apia ringannu Ruata, ana waugu i yamiu mangngimanna Mawu Yesus Kristus, wuṛṛu ana waugu taṛṛinon Ghaṛṛaho wuassu Mawu Ruatan kite.

2 KORINTUS 5:17

Taumata apan buatte naaukka ringanni Kristus, maola'a taumata wakku atonna-tonna. Apan tabbe nal᷊iute – sarangkanambone naola'e wakku.

GALATIA 3:28

Sulal᷊ummu olangnge indi tate lai paṛṛalane su wallatu taumatan Yahudi wuṛṛu taumata wal᷊ine Yahudi, su wallatu allangnga wuṛṛu tawe allangnga, su wallatu esakka wuṛṛu wawine. I yamiu sarangkanambone sambau ana waugu Kristus Yesus.

EFESUS 1:1

Al᷊aṛṛana'u Ruata su Efesus, apan matuṛṛutta Mawu Yesus Kristus!

EFESUS 1:7

Ana waugu wuassu papaten Kristus, i ite nipallosu Ruata, atappasanne manungku i Tou buatte nangampunga si ite wuassu manga rosan kite.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

EFESUS 2:12

Su tempo udde i yamiu tawe uaaukka ringanni Kristus, i yamiu taumata lo'a apan tawe nasutta su walahanna apan nipile Ruata. I yamiu tawe nasutta sulal᷊ummu paaire apan niola'u Ruata ringannu pabbawala-Ge. I yamiu mabbiakka sulal᷊ummu runia indi tawe antimma wuṛṛu tawe Ruata. I yamiu tawe nasutta sulal᷊ummu paaire apan niola'u Ruata ringannu walahanna-Ne. I yamiu mabbiakka sulal᷊ummu runia indi tawe antimma wuṛṛu tawe Ruata.

EFESUS 2:2

Su tempo udde yamiu tuttuṛṛuta al᷊awo'u apulun dunia indi; eteudde i yamiu matuṛṛutta su tembonannu winalanganna, eteudde ghaṛṛaho apan marosa indi uaintaṛṛo sulal᷊ummu naungngu manga taumata apan maddiri tumuṛṛutta Ruata.

EFESUS 2:6

Ana waugu i ite uaaukka ringanni Kristus Yesus, Ruata napaawiakki ite apia su sambau ringanni Tou, tadea'u i ite mamarenta lai suadio'a ringanni Tou sulal᷊ummu surga.

IBRANI 9:18

Ana waugu udde paaire paarorone lai ṛinone tohassannu ṛaṛṛa.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

SONDAPPA 5:9

I mangitou mangngantarin sambau antari apan bakku: “I'o wotongnge manganu wuke udde wuṛṛu mamesangnga manga segelene. Ana waugu I'o suete nipate, wuṛṛu ringannu papate-Nu, taumata wuassu al᷊awo'u ṛuanganna wahasa, araratuanna, wuṛṛu walahanna suete niwallian-Nu hunane su Ruata.