EFESUS 1:6 - WUKE SUSI WATTI'U AL᷊AL᷊USASSA

⁶ Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

EFESUS 1:6 Iomraidhean Croise

DARALO 22:20

Arawe I'o, ariewe pangindau, oh Mawu, paal᷊ihakke rumanta pangontolla si ya'u, ana waugu ete I'o atatoha'u.

DARALO 60:5

Niwala-Nu al᷊aṛṛanang-Ngu naṛṛiaannu asasusa mawakkata; i yami sussasendekka ere taumata wu'anna.

AMSAL 16:4

Al᷊awo'a apan niola'u Mawu pia pandumanne; wuṛṛu pandumannu taumata lal᷊eo eteudde papate.

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

YESAYA 43:21

Ete i mangitou walahanna apan Ta'u niola'a wuassu watangang-Ku, tadea'u wotongnge magion daralo si Ya'u.”

YESAYA 61:11

Ere wualanna apan niasi'a sarun tumuwo maola'a sinuananna, etearoddi Mawu Ruata mapaatuwon asasal᷊amatta wuṛṛu anambon walahanna sarun maddalo si Tou.”

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YEREMIA 23:6

Napawe i tou mamarenta, taumatan Yehuda sarun masal᷊amatta, wuṛṛu taumatan Israel sarun mabbiakka ringannu mal᷊angnganna. Ratu udde sarun isaggo ‘Mawu Asasal᷊ammatti Ite’.

YEREMIA 33:9

Yerusalem sarun maola'a al᷊al᷊uassa wuṛṛu ilallala-U. Al᷊awo'u walahanna su runia sarun mata'utta wuṛṛu matal᷊o see mangaddatta si Ya'u, napawe maaringikka ola'u apapia apan Ta'u niola'a su tumana'u Yerusalem, wuṛṛu su ola'u lal᷊umanna'a apan Ta'u nionggolla su soa udde.”

IMAMATTA 15:15

Imam ṛinone mangonggollu manu'a sambau maola'a sasamba aampungnga rosa, wuṛṛu sambau lai maola'a sasamba itattambunna. Ringannu aroddi imam na'ola'a lal᷊aghun pamamaresi taumata udde su saruannu Mawu.

ZAKARIA 13:7

Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

MATIUS 17:5

Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

MATIUS 20:9

See nirumantate mammamanara apan nanattakka nammanara wuassu puulla lima wawallo. I mangitou sangkatou-sangkatou nanarimmattu roitta sal᷊a'a sangkatou sambau.

MATIUS 3:17

Wua'udde niaringikka tingikku Ruata nabbisara, “Ete indi Ana'u apan arangnguanna, i Tou ma'al᷊uassa naung-Ku.”

LUKAS 2:14

“Daralo su Ruata su langitta apan atanggaṛṛanne! Wuṛṛu su wowon dunia, paddarame su taumata apan ma'al᷊uassa naungngu Mawu!”

YOHANES 10:17

Iamangnga mandangngu si Ya'u ana waugu i Ya'u mannantillu niawa-U, see manengkamma apia.

YOHANES 3:35

Iamangnga mandangngu Anang-Nge, wuṛṛu suete nanantillu taṛṛino si Tou.

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

2 KORINTUS 4:15

Sarangkanambone udde hunanu sassane. Ana waugu lembon aatambanna taumata uapendamma darangngun Duata, lembon manambo lai aal᷊iomanna apan iaal᷊iomanna su Ruata; ringannu aroddi Ruata wantuhanna.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

EFESUS 1:12

Wala'e i ite, apan paarorone mangngantima si Kristus, maddalo Ruata ana waugu awawantu-Ge!

EFESUS 1:14

Ghaṛṛaho udde naola'a wataṛṛu manungku i ite sarun manengkamma apa apan buatte pina'iren Duata su al᷊aṛṛanang-Nge. Indi mangngonggolu antimma si ite manungku Ruata sarun mamallosu al᷊aṛṛanang-Nge. Dalo su Ruata ana waugu awawantu-Ge!

EFESUS 1:18

I ya'u sumal᷊ande tadea'u Ruata mamu'a ṛingiṛṛannu ma'oman sara maola'a masemakka; tadea'u i yamiu maasunna apa apan aantimanni yamiu wuassu Ruata apan namago si yamiu. Wuṛṛu lai tadea'u i yamiu maasingkata aroddi anambone al᷊amatta apan maṛṛamaga apan suete nissaddia Ruata su al᷊aṛṛanang-Nge;

EFESUS 2:7

Ruata na'ola'a udde tadea'u su tempo apan addantane, taumata wotongnge maasilo aroddi ahewalle darangngun Ruata. Darangngu udde niapaasilon Duata sulal᷊ummu apapia naung-Nge si ite sulal᷊ummi Kristus Yesus.

FILIPI 1:11

Wiakku sarun lumambalanna ringannu pallal᷊agu apan atonna-tonna mapia apan darantane tumba'u wuassi Yesus Kristus sassane; ne Ruata sarun wantuhanna wuṛṛu raloanna.

FILIPI 3:9

wuṛṛu atonna-tonna uaaukka ringanni Tou. Pasasambau apan mapia ringannu Ruata tate ta'u manaranna sassane, ringannu tuttuṛṛuta titan agama. Orassa indi ya'u pia paa'aukka apan mapia ringannu Ruata, ana waugu i ya'u mangngimanna si Kristus. Nariaddi, paa'aukka apan mapia udde darantane wuassu Ruata, wuṛṛu pinangiannne ana waugu mangngimanna si Yesus Kristus.

FILIPI 4:19

Ruata apan sassubbangku, apan napenen paa'ala sulal᷊ummi Kristus Yesus, sarun manuungngu hausannu.

KOLOSE 1:13

I Tou suete namallosi ite wuassu taṛṛinon araranduma wuṛṛu nangingkati ite sulal᷊ummu araratuannu Anang-Nge apan arangnguan-Ne.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

1 PETRUS 4:11

Taumata apan namasingkatu watti'a, ṛinone mamasingkatu watti'a wuassu Ruata; taumata apan mangngimbe taumata waine, ṛinone mangimbe ringannu atatohassa wuassu Ruata, tadea'u al᷊awo'u manaran, Duata wotonge wantuhanna sulalummi Yesus Kristus. Ete i Tou apan uataṛṛino wuṛṛu ṛinone wantuhanna ma'oman sara mal᷊annu-l᷊annu. Amin.