EFESUS 1:4 - WUKE SUSI WATTI'U AL᷊AL᷊USASSA

⁴ Tantal᷊anna runia indi taambe nariaddi, Ruata buatte namile si ite sulal᷊ummi Yesus Kristus ringannu pandumanna tadea'u i ite maola'a pussa'a-Ne sassane wuṛṛu tawe sal᷊ane su saruan-Ne. Ana waugu darangngun Duata,

EFESUS 1:4 Iomraidhean Croise

2 SAMUEL 22:24

I Tou masingkatta manungku i ya'u tawe sal᷊ane wuṛṛu naparaun batangangku wuassu pasasal᷊a.

DARALO 135:4

I Tou namile si Yakub su watangan-Ne, wawosoannu Israel naola'a pussa'a-Ne.

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

IMAMATTA 19:2

mamasingkatta su walahannu Israel parenta indi, “Ṛinone i yamiu susi, ana waugu i Ya'u Ruatanu uddewe susi.

IMAMATTA 20:7

Paatehamma tadea'u i yamiu sidutu susi, ana waugu i Ya'u Ruatanu.

MATIUS 24:22

Unnu wisara, Ruata tawe mangal᷊ihakku tempone; tawe saran sangkatou apan botongnge masal᷊amatta. Arawe ana waugu al᷊aṛṛanang-Nge, Ruata nangautta tempone udde.

MATIUS 24:24

Ana waugu sarun dumanta manga mananal᷊amatta awusu wuṛṛu manga nabi awusu. I mangitou sarun ma'ola'a al᷊awo'u inolaanna apan bahewalla, wuṛṛu manga al᷊aṛṛindu'a ipangawusu, amungkangngu wotongnge, al᷊aṛṛana'u Ruata lai.

MATIUS 24:31

Trompeta wahewa sarun tiupanna wuṛṛu Ana'u Taumata sarun mandolokku manga mala'ekanne mangammullu al᷊aṛṛanang-Nge wuassu pi'un dunia appatta, wuassu punnu langitta sambau ma'oman sara punnu langitta waine.”

MATIUS 25:34

Wua'udde ratu sarun mabbisara su manga taumata su samba'an uanan-Ne, ‘Wette i yamiu apan nial᷊amatannu Iamangku. Suttate sulal᷊ummu araratuanna apan suete pinassaddia ro'en panattaṛṛannu runia.

YOHANES 10:16

Ta'e pia manga domba waine lai apan tatahuanang-Ku, arawe tawe nareengnga sulal᷊ummu wageangngu domba indi. I mangitou lai ṛinone Ta'u iapidda wuṛṛu i mangitou sarun madaringikka tingi-U. I mangitou sarangkanambone sarun maola'a ammul᷊anna sambau ringannu mallal᷊u'adde sangkatou.

YOHANES 15:16

Wal᷊ine i yamiu namile si Ya'u. Ete I Ya'u apan namile si yamiu, wuṛṛu nandolokki yamiu tadea'u mabua manambo – manga wua apan tawe mal᷊al᷊eo. Ne Iamangnga sarun mangonggolla si yamiu al᷊awo'u apa apan radoronganni yamiu si Tou sulal᷊ummu arang-Ku.

YOHANES 17:24

Iamangnga, i Ya'u maapulu tadea'u i mangitou, apan nionggolu Iamangnga si Ya'u, mangke su sambau su tampa atatanaa'ang-Ku, tadea'u i mangitou maasilo awawantu-U; eteudde awawantuga apan nionggolu Iamangnga si Ya'u, ana waugu Iamangnga marangngu si Ya'u ro'en runia taambe niriaddi.

WATTI'U MANGA RASUL 13:48

Su tempo manga walahanna waine apan wal᷊ine Yahudi naaringikka udde, i mangitou lembon lulluassa, see mangke maddalo wisara Mawu. Wuṛṛu manga taumata apan suete nitantunnu Ruata maasomba wiakka tutune wuṛṛu saran mal᷊annu-l᷊annu, manga taumata udde mangngimanna.

WATTI'U MANGA RASUL 15:18

apan suete namasingkattu olangnge udde ro'em paarorone.”

WATTI'U MANGA RASUL 18:10

Ana waugu i Ya'u uaṛṛundinganna si'o. Tawe saran sangkatou apan mandal᷊eo si'o ana waugu manambo taumata su soa indi taumata-U.”

ROMA 8:33

Isai wotongnge mapaasal᷊an kite taumata apan buatte nipile Duata, amungkangngu Ruata sassane napaal᷊iatta'a manungku i ite tawe sal᷊ane?

1 KORINTUS 1:8

Kristus sassane sarun mandiaga si yamiu ma'oman sara pangudusanne; tadea'u su tempo i Tou rumanta apia, i yamiu aratinganna tawe sangkule.

GALATIA 5:13

I yamiu suete niwagoanna maola'a taumata apan napallose. Arawe arie mappaattu apapallosi yamiu udde sidutu ma'ola'a apulun naungngi yamiu sassane. Arawe ṛinone i yamiu sidutu uaa'akkana wuṛṛu sidutu uaa'imbe.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

EFESUS 3:17

Doronganna ana waugu i yamiu mangngimanna si Kristus, Kristus matana'a sulal᷊ummu naungngu, wuṛṛu wiakku niwantanna wuṛṛu niparentannu darangngu.

EFESUS 4:2

Ṛinone naungngi yamiu sidutu mawawo, masaṛṛionto'a, wuṛṛu masabare. Paasiloa'a darangngunu ringannu uatatul᷊ungnga sangkatou ringannu waine.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

EFESUS 5:27

Ringannu aroddi Kristus napararisikku jamaatta udde ringannu mawantuga wuṛṛu na'ukkassa su saruan-Ne, ringannu tawe sangkule ara'e angngone.

FILIPI 2:15

Ringannu aroddi yamiu mapaal᷊iatta'a manungku eteudde i yamiu al᷊aṛṛana'u Ruata apan tawe angngone, mabbiakka ringannu matul᷊ida wuṛṛu naṛṛino su pattangnganu taumata lal᷊eo wuṛṛu marosa. Wuṛṛu su tempo i yamiu namasingkata si mangitou watti'a apan mangngonggolu wiakka, ṛinone i yamiu maola'a ere semakka apan lullansiangnga mannemakka runia. Amungkangu i yamiu mabbiakka ereudde, ne i ya'u pia pangiananne maapendamma al᷊al᷊uassa su ola'i yamiu su tempo Mawu Yesus rumanta apia. Udde maola'a tatialane manungku manara'u pia gunane wuṛṛu pia gessine.

KOLOSE 1:22

Arawe orassa indi, ringannu papaten Anang-Nge, Ruata na'ola'a paa'aukki yamiu ringanni Tou maola'a mapia apia. Ringannu olangnge udde i yamiu wotongnge iapidda sumaruanna Ruata sulal᷊ummu asasuungnga, atatul᷊idda wuṛṛu tawe sal᷊ane.

KOLOSE 2:2

Sarangkanambone indi ta'u olaanna tadea'u naungngi mangitou maola'a matohassa wuṛṛu i mangitou uararangngu ma'oman sara i mangitou uasampinunutanna. Ringannu aroddi i mangitou atonna-tonna maasunna wuṛṛu mangngimanna see lai maaillal᷊a addapingu Ruata, eteudde Kristus sassane.

KOLOSE 3:12

Eteudde tuṛṛanga sarangkanambone al᷊aṛṛana'u Ruata. Ruata marangngu si yamiu wuṛṛu namile si yamiu maola'a pussa'a-Ne sassane. Ana waugu udde i yamiu ṛinone mapaal᷊iatta'u apapia, i yamiu ṛinone uasasangkapia, masaṛṛionto'a, masaṛṛiologa wuṛṛu mataṛṛanga su asasusa.

1 TESALONIKA 3:12

Antimanna Mawu ma'ola'a si yamiu lembon marangngu sangkatou ringannu waine wuṛṛu lembon marangngu su anambon taumata, na'oman sara darangngunu udde aatambanna, ere lai darangngun kami si yamiu.

1 TESALONIKA 4:7

Ruata mammaggo si ite, wal᷊ine tadea'u see i ite mabbiakka sussandaga, ewe'e tadea'u i ite mabbiakka maal᷊uassa naungngu Ruata.

2 TIMOTIUS 1:9

Ruata mannal᷊amatta si ite wuṛṛu namago si ite, tadea'u maola'a al᷊aṛṛanang-Nge. I Tou na'ola'a udde wal᷊ine ana waugu apa apan suete nimmanaran kite, ewe'e ana waugu panduman-Ne sassane wuṛṛu darangngu-Ne. I Tou nandangngu si ite sulal᷊ummi Kristus Yesus ro'en runia indi taambe niriaddi.

2 TIMOTIUS 2:10

Ana waugu udde i ya'u tawe matta'uttu sarangkanambone udde apan hunane su manga taumata apan suete nipilen Duata, tadea'u i mangitou lai maasomba asasal᷊amatta apan ionggola sulal᷊ummi Kristus Yesus, wuṛṛu tatantalongannu awawantuga saran mal᷊annu-l᷊annu.

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

1 PETRUS 1:20

Kristus nipilen Duata ro'en runia indi taambe niriaddi. Wuṛṛu su miallo-miallo maddanin panginsueannu tempo indi, Tou nirumanta su runia tadea'u i yamiu iapaasal᷊amatta.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

2 PETRUS 3:14

Ana waugu udde, manga tuṛṛangnga apan arangnguanna, tantal᷊anna i yamiu uaṛṛaddo Allo udde, pappandumpe atonna-tonna mabbiakka susi wuṛṛu tawe pasassal᷊a su saruannu Ruata. Wuṛṛu paddul᷊ianete paa'aukka apan mapia ringannu Ruata.

1 YOHANES 4:16

I ite sassane masingkata wuṛṛu mangngimanna darangngun Duata si ite. Ruata udde marangngu. Taumata apan wiakke paparentannu darangngu, taumata udde uaaukka ringannu Ruata, wuṛṛu Ruata uaaukka ringanni tou.

SONDAPPA 13:8

Winatangnga udde sarun subbannu anambon taumata apan mabbiakka su wowon runia indi, tabbene'e manga taumata apan aranne niwoṛṛeta tantal᷊anna runia indi taambe nariaddi, sulal᷊ummu wuken taumata wiakka pussa'an Ana'u Domba apan suete nipototta.

SONDAPPA 17:8

Winatangnga udde rorone suete nabbiakka, arawe orassa indi tate mabbiakka apia. Ete adio'a lai tou sumabbanga wuassu rampisu papate wuṛṛu inai mattudan tampam papatene. Manga taumata apan mabbiakka su runia, apan aranne tawe uawoṛṛetta sulal᷊ummu Wuken Taumata Wiakka tantal᷊anna runia taambe niriaddi sarun tumiangnga napawe maasilo winatangnga udde. Ana waugu winatanga udde rorone suete nabbiaka. Orassa indi i tou tate nabbiaka lai, arawe i tou sarun rumanta apia.