EFESUS 1:22 - WUKE SUSI WATTI'U AL᷊AL᷊USASSA

²² Ruata napasuṛṛubbawan sarangkanambone udde su al᷊unggu parentan Kristus, wuṛṛu nangonggoli Kristus su jamaatta maola'a tembonannu al᷊awo'u jamaatta.

EFESUS 1:22 Iomraidhean Croise

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

DARALO 110:1

Daralon Daud. Mawu nabbisara si tuangku, “A'iante su samba'a uanang-Ku, ma'oman sara manga seennu Ta'u iapasuṛṛubbawa si'o.”

DARALO 91:13

I'o sarun lumepangnga atoanna wuṛṛu singa, manaidanna singa anangnge wuṛṛu atoanna mawisa.

MATIUS 16:18

Ana waugu udde ṛinone i yamiu masingkatta, i'o udde i Petrus, watu apan matohassa. Wuṛṛu su wowon batu indi ya'u sarun mapararisikku Ghaṛṛeda-U apan tawe iahohakku taumata; salaiwe ete uasaruanna papate!

WATTI'U MANGA RASUL 20:28

Ṛinone i yamiu uariaga watangannu wuṛṛu riagai lai anambon jamaatta apan suete tinantillu Ghaṛṛahon Ruata si yamiu iapariaga; ana waugu i yamiu suete nitenega maola'a mandariaga jamaatta udde. Ṛinone i yamiu uariaga jamaattu Ruata udde naal᷊ihidda ere mallal᷊u'adda uariaga dombane, ana waugu Ruata suete na'ola'a jamaatta udde pussaa-Ne sassane sulal᷊ummu papaten Anang-Nge sassane.

1 KORINTUS 11:3

Arawe i ya'u maapulu lai yamiu maasingkata sambau hatto, eteudde manungku apan maola'a tembonannu al᷊awo'u taumata esakka eteudde Kristus; apan maola'a tembonannu awingnge wawine eteudde awingnge esakka, wuṛṛu apan maola'a tembonanne wuassu Kristus eteudde Ruata.

EFESUS 3:21

Ṛinone Ruata wantuhanna sara maṛṛawa mappulunna sulal᷊ummu jamaatta, wuassi Kristus Yesus. Daralo su Ruata saran mal᷊annu-l᷊annu! Amin.

EFESUS 5:23

Ana waugu esakka maola'a piaṛṛa'u awingnge wawine, ere lai Kristus naola'a tembonannu jamaatta wuṛṛu i Tou sassane lai Ratum Punnu Sal᷊amattu jamaatta apan naola'a wadang-Nge.

KOLOSE 1:18

Ete i Tou tembonannu wuassu wadang-Nge, eteudde jamaatta, ana waugu ete i Tou punnu pabbawiakku jamaatta udde. Ete i Tou Ana'a pahul᷊une, apan paarorone niapaawiakka apia wuassu papate, tadea'u i Tou sassane apan maola'a apianne wuassu al᷊awo'u riadianna.

KOLOSE 1:8

Ete wuassi tou i yami naaringikka manungku ringannu taṛṛino wuassu Ghaṛṛahon Duata i yamiu wotongnge maddarangngu.

KOLOSE 2:10

Wuṛṛu ana waugu mabbiakka uaaukka ringanni Kristus, i yamiu lai nionggol᷊annu wiakka apan nasuungnga. Ana waugu Kristus udde tembonannu al᷊awo'u ghaṛṛaho apan uataṛṛino wuṛṛu uaparenta.

KOLOSE 2:19

na'oman sara tate mangngimanna si Kristus apan naola'a tembonanne. Su al᷊ungngu piaṛṛa'i Kristus, ahewallu wadanga papadul᷊iananna wuṛṛu niammulla manga latto'anne, see tinumuwo tumuṛṛuttu apulun Duata.

1 TIMOTIUS 3:15

tadea'u amungkangu i ya'u mal᷊annu, i'o masingkate ereapa i ite mabbiakka maola'a walahannu Ruata, eteudde jamaattu Ruata apan wiakka. Ete jamaatta indi apan naola'a alu tatungkale wuṛṛu rapappaku al᷊aṛṛa'a apan naṛṛino wuassu Ruata.

IBRANI 2:8

See lai na'ola'a si tou tembonannu sarangkanambone.” Ne, amungkangu iwisara manungku Ruata nandiaddi taumata “tembonannu sarangkanambone”, udde atappasanne manungku tawe saran sambau apan tawe su al᷊ungngu taṛṛinon taumata. Salaiwe aroddi, i ite orassa indi tawe maasilo taumata uataṛṛino sarangkanambone.