EFESUS 1:17 - WUKE SUSI WATTI'U AL᷊AL᷊USASSA

¹⁷ I ya'u sussal᷊ande tadea'u Ruatan kite Yesus Kristus, Iamangnga apan mawantuga, mangonggolu Ghaṛṛaho-Ne si yamiu. Ghaṛṛaho udde sarun ma'ola'a si yamiu pande, wuṛṛu sarun mapaal᷊iatta'u Ruata si yamiu na'oman sara i yamiu maaillal᷊a si Tou.

EFESUS 1:17 Iomraidhean Croise

1 TAWARIKH 29:11

I'o lembon bahewalla, wuṛṛu uataṛṛino. I'o tinumelengnga wuṛṛu mawantuga. Al᷊awo'u saranapa su langitta wuṛṛu su runia uddewe tatahuanan-Nu. I'o ratu mawantuga, uataṛṛino al᷊awo'u lal᷊oṛṛone.

AYUB 42:5

Dorone, asingka'u su ola'u Mawu tumba'u niaringiṛṛanna su taumata, Arawe orassa indi i ya'u naasingkatta Si'o ringannu uasasaruanna.

DARALO 24:10

Isai Ratu apan mawantuga? Mawu Apan Lembontaṛṛino, Ete i Tou Ratu apan mawantuga!

DARALO 24:7

Wu'ate paal᷊oangnga ngara wahewalla tabbe udde, tadea'u sumutta Ratu apan mawantuga.

DARALO 29:3

Ruata apan mawantuga nirumallu'a su wowon tahal᷊oanga, tingik-Ke pia sanseonge su wowon laudda.

SASABANGNGA 28:3

Waggoite anambon mananabbi'a apan buatte Ta'u monggol᷊annu asingkatta. I mangitou doloṛṛa'e manabbi'a laubbi Harun tadea'u i tou wotongnge iṛṛae maola'a imam mangngimbe si Ya'u.

AMSAL 18:15

Taumata mapia sidutu maroun asingkatta; taumata pande sidutu mappulu masomba al᷊aṛṛa'a.

AMSAL 2:5

Ringannu aroddi i'o sarun maasingkatta apa atappasanne matta'uttu Mawu wuṛṛu i'o sarun maasomba asingkatta su ola'u Ruata.

YESAYA 11:2

Taṛṛino Mawu sarun mangehetta si tou, ma'ola'a si tou pia buddine wuṛṛu masiṛṛungnga, pande makkawessa wuṛṛu mangamatta; masingkattu apulun Duata wuṛṛu masallungnga si Tou.

YEREMIA 2:11

Taambe saran paassa nariaddi sambau walahanna nanu'addu mawune salaiwe udde wal᷊ine Ruata apan atonna. Arawe uma-U buatte nanal᷊iu-U, apan ma'aluassa si mangitou ringannu sambau saranapa apan tawe maaola'a apa-apa.

YEREMIA 24:7

I Ya'u sarun mangonggolla si mangitou apendamma ipassunna manungku ete i Ya'u Mawu. Ne i mangitou sarun maola'a uma-U, wuṛṛu i Ya'u mabbal᷊i Ruata mangitou, ana waugu i mangitou sarun mabbelengnga ringang-Ku ringannu ahewallu naungnga.

YEREMIA 31:34

Tate gunane lai wuassi mangitou mangaṛṛa'a sansul᷊ungnge ipa'illal᷊a Mawu. Ana waugu i mangitou sarangkanambone, wahewalla addio'a, sarun maaillal᷊a si Ya'u. Manga pasasal᷊a mangitou sarun timbul᷊ianang-Ku, manga rosa mangitou Ta'u ampunganna. I Ya'u, Mawu, buatte nabbisara.”

YEREMIA 9:24

Isai mappulu lumuassu sambau saranapa, ṛinone lumuassa manungku i tou ma'aillal᷊a wuṛṛu maasunna si Ya'u; manungku i tou masingkatta i Ya'u marangngu saran mal᷊annu-l᷊annu wuṛṛu i Ya'u mannohassa tita see atatul᷊idda su runia. Sarangkanambone udde maal᷊uassa naung-Ku. I Ya'u, Mawu, apan namasingkattu udde.”

DANIEL 10:1

Su tonna atallune pammarentan Ratu Koresh su Persia, sambau tanata niapasingkatta si Daniel ara'e Beltsazar. Tanata udde atonna, arawe tumaniten masahadda passuṛṛanne. Sutempo mattinsahadda madde'a massunna Daniel nanengkamma tal᷊aane su ola'u atappasannu tanata udde sulal᷊ummu sambau sondappa.

DANIEL 5:11

Ana waugu sulal᷊ummu araratuanni Tuangku pia sangkatou esakka apan aintaṛṛoannu ghaṛṛahon manga monganna apan susi. Sutempo pamamarentan iamangngi Tuangku, taumata udde niatialanna uatahuanna asingkata, pasasunna wuṛṛu apande, apan ere apandean manga monganna. Iamangngi Tuangku Ratu Nebukadnezar buatte nanenegi tou naola'a piaṛṛa'u manga mapapanden taṛṛa si'atta, taṛṛa ṛopa, wuṛṛu manga taumata pia asingkanne wuṛṛu mapapanden anumpitanna.

MATIUS 11:25

Su tempo udde Mawu Yesus u'al᷊iomanna, “Iamangnga Mawu apan uataṛṛino langitta wuṛṛu runia! I Ya'u ma'adiangkamanna Si'o ana waugu sarangkanambone udde niadapping-Ngu wuassu manga taumata apan pande wuṛṛu pia asingkanne, arawe I'o mannualaga su manga taumata apan tawe si'ol᷊ane.

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

MATIUS 16:17

“Auntunganna si'o Simon ana'i Yona!” unnu Mawu Yesus, “Ana waugu wal᷊inewe taumata apan namasingkattu olangnge udde si'o, arawe Iamangku su surga.

MATIUS 20:33

Itarua sinumimbakka, “Mawu i yami maapulu maasilo!”

MATIUS 6:13

Ariewe mamalang kami awul᷊iannu pangangimanna su tempo i yami wabal᷊intongnganna ewe'e liua'a i yami wuassu taṛṛinon Al᷊al᷊eo. [Ete I'o Ratu apan uataṛṛino wuṛṛu mawantuga ma'oman sara mal᷊annu-l᷊annu. Amin.]’

LUKAS 12:12

Ana waugu apa apan sarun iwisaranu udde, sarun itantiron Ghaṛṛahon Ruata si'o su temponete.”

LUKAS 2:14

“Daralo su Ruata su langitta apan atanggaṛṛanne! Wuṛṛu su wowon dunia, paddarame su taumata apan ma'al᷊uassa naungngu Mawu!”

LUKAS 21:15

I Ya'u sassane sarun mangonggolu wisara wuṛṛu apande udde, ma'oman tawe saran sangkatou wuassu manga seetti yamiu wotongnge lumawangnga ara'e massinaaddu apa apan suete niapaasingkatti yamiu.

YOHANES 14:17

I Tou udde Ghaṛṛahon Ruata apan sarun mapaal᷊iatta'u atatul᷊iddu Ruata. Runia maddirin Tou, ana waugu tawe maasilo wuṛṛu tawe maaillal᷊a si Tou. Arawe i yamiu ma'aillal᷊a si Tou, ana waugu i Tou uatana'a su sambau ringanni yamiu wuṛṛu uaaukka ringanni yamiu.

YOHANES 14:26

Arawe Ghaṛṛahon Ruata, Mattatul᷊ungnga apan sarun irolokku Iamangnga sulal᷊ummu arang-Ku, ete i Tou apan mangaṛṛa'a si yamiu su ola'u sarangkanambone wuṛṛu mapaanaungnga su ola'u sarangkanambone apan suete Ta'u niapaasingkatta si yamiu.

YOHANES 16:3

I mangitou ma'ola'a udde si yamiu ana waugu i mangitou taambe naaillal᷊a Iamangnga aroddi lai si Ya'u.

YOHANES 17:3

Ete indi wiakka tutune wuṛṛu mal᷊annu-l᷊annu; tadea'u taumata maaillal᷊a Iamangnga, eteudde Ruata tinggassa apan atonna, wuṛṛu maaillal᷊a si Yesus Kristus apan nirolokku Iamangnga.

YOHANES 20:17

“Arie pamita si Ya'u” wisara Mawu Yesus si tou, “ana waugu i Ya'u taambe nasengkengnga ringannu Iamangnga. Arawe roote ringannu manga tuṛṛang-Ku, wuṛṛu pasingkata'e si mangitou manungku orassa indi Ya'u ireete ringannu Iamang-Ku wuṛṛu Iamangngu, Ruata-U wuṛṛu Ruatanu.”

WATTI'U MANGA RASUL 6:10

Arawe i mangitou tawe maapanompolla wisaran Stefanus, ana waugu Ghaṛṛahon Ruata mangngonggolu apande si tou iapawisara.

WATTI'U MANGA RASUL 7:2

I Stefanus sinumimbakka, “Manga tuṛṛangnga wuṛṛu manga Iamangnga! Padaringikka si ya'u! Tantal᷊anna iupungngu al᷊amonang kite Abraham taambe nangingkatta watukku Haran, su tempo i tou ta'e uatana'a su Mesopotamia, Ruata apan mawantuga nirumanta ringanni tou

ROMA 1:28

Ana waugu taumata maddirite lai ma'illal᷊a Ruata, ne Ruata namalaten ṛingiddi mangitou malal᷊eo, na'oman sara i mangitou ma'ola'a manga inolaanna apan ṛinone tawe wotongnge olaanna.

ROMA 15:6

Ringannu naungnga sambau tuṛṛangnga sarangkanambone wotongnge maddalo Ruata, Iamangngu Mawun kite Yesus Kristus.

1 KORINTUS 12:8

Su sangkatou taumata, Ghaṛṛaho udde mangngonggolu apande ipabbisara ringannu saṛṛaungnga. Su taumata waine Ghaṛṛaho apan uasul᷊ungnga udde mangngonggolu apande ipanal᷊a'a su ola'u Ruata.

1 KORINTUS 14:6

Amungkangngu unnu wisara i ya'u rumanta ringanni yamiu wuṛṛu i ya'u mabbisara sulal᷊ummu sasinaukka apan maaṛṛindu'a, apa hunane udde si yamiu? Tawe gunane saran kadio'a! Waine lai olangnge amungkangu i ya'u mamassingkatu sambau pandumannu Ruata, ara'e i ya'u mannal᷊a'a su ola'u ereapa Ruata, ara'e i ya'u mapaasingkatu watti'a wuassu Ruata, ara'e i ya'u mangngaṛṛa'a.

1 KORINTUS 2:10

Arawe Ruata buatte napaal᷊iatta'a si ite sulal᷊ummu Ghaṛṛaho-Ne. Ghaṛṛahon Duata udde mammarikissa sarangkanambone, na'oman sara manga pandumannu Ruata apan uawuni.

1 KORINTUS 2:8

Tawe saran sangkatou wuassu manga tembonannu tempo indi apan masingkatu apapande udde. Ana waugu amungkangngu i mangitou masingkate, i mangitou tawe nangarussa Mawu apan mawantuga udde.

2 KORINTUS 12:1

Atonna tawe auntunganne amungkangngu mamarabunga. Arawe i ya'u lai maapulu mamarabunga manga inolaanna apan niapaasilon Duata si ya'u sulal᷊ummu sondapa ara'e sulal᷊ummu aellega.

EFESUS 1:3

Dalo su Ruata, Iamangngu Mawun kite Yesus Kristus! I Tou nangal᷊amatta si ite ringannu al᷊awo'u al᷊amattu Ruata sulal᷊ummu surga, ana waugu i ite uaaukka ringanni Kristus.

EFESUS 3:5

Dorone addapingnge udde tawe niapaasingkatta su taumata, arawe orassa indi Ghaṛṛahon Duata suete namasingkata su manga rasul wuṛṛu nabi-Ne.

EFESUS 4:13

Ringannu aroddi i ite sarangkanambone naola'a sambau ana waugu pangangimanna apan uasul᷊ungnga wuṛṛu pasasunna apan uasul᷊ungnga su ola'u Ana'u Ruata. Wuṛṛu i ite naola'a manga taumata timmade apan mallannu aatambanna asasuungnge ere Kristus.

FILIPI 3:15

I ite sarangkanambone apan timmaddete su pangangimanna, ṛinone mabbiakka aroddi. Arawe amungkangu su wallatti yamiu pia ṛingiranna waine, ne Ruata sarun manal᷊a'a lai si yamiu.

2 TIMOTIUS 2:25

I tou ṛinone ringannu masi'ome mangaṛṛa'a manga taumata mal᷊awanga; doronganna Ruata sarun mangonggolu allo su manga taumata udde mawal᷊u wuassu manga rosan mangitou wuṛṛu ma'illal᷊a al᷊aṛṛa'a su ṛinone.

TITUS 1:1

Ana'u Titus! I ya'u, Paulus, namoṛṛetu suratta indi ere ola'u sangkatou allangngu Ruata wuṛṛu rasulli Yesus Kristus. I ya'u nipile wuṛṛu nirolokka mantul᷊ungu manga taumata apan nipilen Duata tadea'u maola'a matohassa sulal᷊ummu pangangimanni mangitou. I ya'u lai ṛinone mangehetta si mangitou tadea'u maasingkattu al᷊aṛṛa'a apan naṛṛino niaṛṛa'u agaman kite.

YAKOBUS 2:1

Manga tuṛṛangku! Ere sangkatou taumata apan mangngimanna Mawu Yesus Kristus, Mawu Apan Mawantuga, arie i yamiu mamile taumata ana waugu ola'u ririne.

2 PETRUS 1:3

Ruata suete nappaattu taṛṛino-Ne sassane wuṛṛu nangonggolu al᷊awo'u sarannapa si ite apan ipappaatta su patataṛṛamawuanna. Inolaanni Tou indi wuassu apa apan niasingkatanni ite su ola'u Mawu Yesus Kristus, apan suete namaggo si ite mamendamma awawantu-Ge wuṛṛu apapia-Ne.

2 PETRUS 3:18

Ṛinone i yamiu lembon maapendamma al᷊amattu Mawu Yesus Kristus, Mawu wuṛṛu Punnu Sal᷊amatti ite, wuṛṛu ṛinone i yamiu lai lembon maaillal᷊a si Tou. Daralo si Tou, orassa indi wuṛṛu ma'oman sara mal᷊annu-l᷊annu! Amin. Tabea wuassi yami, Petrus

SONDAPPA 7:12

I mangitou u'ui, “Amin! Dalo su Ruatang kite apan mawantuga wuṛṛu pande. I Tou ṛinone onggol᷊annu al᷊awo'u aadiangkamanna wuṛṛu addata. I Tou uataṛṛino wuṛṛu matohassa saran mal᷊annu-l᷊annu! Amin.”