EFESUS 1:13 - WUKE SUSI WATTI'U AL᷊AL᷊USASSA

¹³ I yamiu lai buatte naola'a al᷊aṛṛana'u Ruata su tempo i yamiu naaringikka tanatan Duata, eteudde Watti'u Al᷊al᷊uassa apan nangonggolu asasal᷊amatta si yamiu. I yamiu mangngimanna Mawu Yesus Kristus, ana waugu udde Ruata nangonggolu tatiala pussa'a-Ne si yamiu, eteudde Ghaṛṛaho-Ne apan buatte pina'ire-Ne.

EFESUS 1:13 Iomraidhean Croise

DARALO 119:43

Tul᷊unga'awe tadea'u sidutu mabbisara ṛinone, ana waugu i ya'u sidutu uaantimma tita-Nu.

YOEL 2:28

“Wua'udde sal᷊immurine anambon taumata sarun Ta'u onggol᷊annu ghaṛṛaho-U. Ne manga anangngu umbasanna maṛṛuala sarun mamasingkattu manga tanata-U; manga matatimmade suwallannu sarun maasomba wal᷊iawa sodappa sarun ionggolla su manga umbasanna maṛṛuala.

LUKAS 11:13

Salaiwe i yamiu lal᷊eo, i yamiu masingkatta lai mangagillu sarannapa mapia su ana'i yamiu. Lembonete Iamangnga su surga. I tou sarun mangagillu Ghaṛṛaho-Ne si mangitou apan madorongnga si Tou!”

LUKAS 24:49

Wuṛṛu i Ya'u sassane sarun mandolokka ringanni yamiu apa apan suete pina'iren Iamangnga. Arawe i yamiu ṛinone maṛṛado su soa indi ma'oman sara taṛṛino wuassu Ruata mannilla'uppa si yamiu.”

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

YOHANES 14:26

Arawe Ghaṛṛahon Ruata, Mattatul᷊ungnga apan sarun irolokku Iamangnga sulal᷊ummu arang-Ku, ete i Tou apan mangaṛṛa'a si yamiu su ola'u sarangkanambone wuṛṛu mapaanaungnga su ola'u sarangkanambone apan suete Ta'u niapaasingkatta si yamiu.

YOHANES 15:26

I Ya'u sarun mandolokku Mantatal᷊ungnga si yamiu apan darantane wuassu Iamangnga. Ete i Tou Ghaṛṛaho apan sarun mapaal᷊iatta'u taṛṛino Ruata. Amungkangngu i Tou rumanta, i Tou sarun mangonggolu tatiala su ola'u riri-U.

YOHANES 3:33

Taumata apan mangngimanna tatiala-Ne udde, mangnga'u manungku Ruata udde atonna.

YOHANES 6:27

Arie pammanara ipaddea'a anna apan wotongnge masue wuṛṛu mawukku'a. Pammanarate tadea'u maasomba anna apan tawe mawukku'a wuṛṛu apan mangngonggolu wiakka tutune wuṛṛu saran mal᷊annu-l᷊annu. Anna udde sarun ionggolu Ana'u Taumata si yamiu, ana waugu i Tou suete nitenegu Ruata Iamangnga.”

WATTI'U MANGA RASUL 1:4

Wuṛṛu su tempo i Tou uaammulla suadio'a ringanni mangitou, i Tou nangonggolu parenta indi si mangitou, “Arie pangingkatta wuassu Yerusalem. Paṛṛaddo isudde ma'oman sara Iamangnga mangonggolu apa apan suete pinaire-Ne, eteudde apa apan suete niapaasingkatta si yamiu rorone.

WATTI'U MANGA RASUL 13:26

Manga tuṛṛangnga papapulunni Abraham, wuṛṛu manga tuṛṛangnga waine apan isindi apan tuttuṛṛutta Ruata! Ruata suete nangonggolu Watti'u Asasal᷊amatta udde si ite;

WATTI'U MANGA RASUL 2:33

I Tou nitenega su aiananna apan matanggakka wuṛṛu nionggol᷊annu Ruata taṛṛino, see nanengkamma Ghaṛṛaho Ruata apan suete pina'iren Iamangnga. Wuṛṛu apan niaringiṛṛanna wuṛṛu aellehanni yamiu orassa indi eteudde Ghaṛṛaho apan suete nionggolla si yami.

ROMA 1:16

I ya'u mangngimanna atonna Watti'u Al᷊al᷊uassa udde, ana waugu Watti'a udde atatohassu Ruata ipanal᷊amatta anambon taumata apan mangngimanna; paarorone taumatan Yahudi, wuṛṛu walahanna waine lai.

ROMA 4:11

I tou nisunatta murine, wuṛṛu sunatti tou tumba'u maola'a sambau tatiala manungku Ruata buatte nanengkamma si tou maola'a taumata apan maal᷊uassa naungngu Ruata. I tou tinarimmattu Ruata su tempo i tou taambe tinumuṛṛutta atorannu sunatta. Wuṛṛu Abraham naola'a iamangngu manga taumata apan mangngimanna Ruata, wuṛṛu ana waugu i tou suete tinarimmattu Ruata maola'a sangkatou taumata apan maal᷊uassa naung-Nge, salaiwe i mangitou tawe tumuṛṛutta atorannu sunatta.

ROMA 6:17

Arawe adiangkamanna su Ruata! Ana waugu paarorone yamiu naola'a allangngu rosa, arawe orassa indi yamiu ringannu ahewallu naungngu tuttuṛṛutta al᷊aṛṛa'a naṛṛino apan buatte nionggola si yamiu.

2 KORINTUS 1:22

Ana waugu udde Ruata suete nanga'u si ite maola'a pussa'a-Ne wuṛṛu mangonggolu Ghaṛṛaho-Ne sulal᷊ummu naungngi ite, apan maola'a sambau wataṛṛu manungku i Tou sarun mangonggolu si ite sarangkanambone apan suete pina'iren Tou.

2 KORINTUS 6:7

wuṛṛu ringannu mabbatti'a watti'u Ruata wuṛṛu ringannu taṛṛinon Duata, i yami mapaal᷊iatta'a manungku i yami indi allangngu Ruata. I yami uaagassa apulu Ruata maola'a ahiddi ami ipamangalo ara'e ipannohassa wadangngi yami.

GALATIA 3:14

Kristus na'ola'a aroddi tadea'u al᷊amatta apan pina'iren Duata si Abraham ionggola lai su manga taumata wal᷊ine Yahudi. Ringannu aroddi i ite lai apan mangngimanna Ruata, wotongnge manengkamma Ghaṛṛaho apan pina'iren Duata udde.

EFESUS 4:21

Yamiu suete naaringikka su ola'i Tou! Wuṛṛu naola'a sangkatou mallal᷊aṛṛenggen-Ne, i yamiu suete niaṛṛaanna lai su ola'u pallal᷊agu Duata apan tatahuannanni Tou!

EFESUS 4:30

Arie mapaasusa naungngu Ghaṛṛahon Duata. I yamiu suete nissaṛṛani ringannu Ghaṛṛahon Duata. Ghaṛṛaho udde lai maola'a sambau wataṛṛu manungku Allon Paddarame sarun rumanta ringanni yamiu.

1 TESALONIKA 2:13

Pia lai sambau hatto waine apan naaola'a si yami sidutu maadiangkamanna su Ruata. Hatto udde eteudde, manungku su tempo i yami mammasingkatu watti'u Ruata si yamiu, i yamiu naddaringikka wuṛṛu nanengkamma watti'a udde wal᷊ine ere watti'a wuassu taumata, arawe watti'a apan atonna-tonna wuassu Ruata. Ete i Tou apan mammanara sulal᷊ummu watangannu apan mangngimanna si Kristus.

2 TIMOTIUS 2:15

Ṛinone i'o mammanara atonna-tonna tadea'u i'o a'uannu Ruata mola'a sangkatou taumata apan wotongnge mangimbe si Tou. Pappandumpe tadea'u i'o tawe masili su ola'u manaranu, ewe'e mangngaṛṛa'u al᷊aṛṛa'a apan su ṛinone wuassu Ruata.

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

2 TIMOTIUS 3:15

I'o ṛinone mannaungnga manungku ro'en ta'e dario'a i'o masingkaten Wuke Susi. Wuke Susi udde wotongnge mangonggolu pasasunna si'o tadea'u maasomba asasal᷊amatta sulal᷊ummu pangangimanna si Kristus Yesus.

TITUS 2:11

Ana waugu Ruata suete napaal᷊iatta'u darangngu-Ne ipanal᷊amatta anambon taumata.

IBRANI 2:3

Apa lai ringannu asasal᷊amatta apan maggewal᷊anne wuassu manga tanata udde! Amungkangu i ite tawe mangngimanna su asasal᷊amatta udde, i ite sarun tawe mal᷊iu wuassu ṛuumanna. Ana waugu ete Mawu sassane apan paarorone namasingkattu asasal᷊amatta udde, wuṛṛu manga taumata apan paarorone naaringikka suete napaatualagu atatul᷊iddu watti'a udde si ite.

YAKOBUS 1:18

Wuassu apulu-Ne sassane i Tou nandiaddi si ite al᷊aṛṛanang-Nge wuassu ṛengetan-Ne apan atonna. I Tou nandiaddi udde tadea'u i ite maasomba tampa apan apianne su wallatu anambon riadian-Ne.

YAKOBUS 1:21

Ana waugu udde, rammea'e al᷊awo'u inanaramanna apan nallal᷊uhuranna wuṛṛu lal᷊eo. Sengkampe ringannu awawawo naungnga wisara apan nisuannu Ruata sulal᷊ummu naungngu, ana waugu wisara udde pia taṛṛinone manal᷊amatta si yamiu.

1 PETRUS 2:10

Dorone i yamiu wal᷊ine walahannu Ruata, arawe orassa indi yamiu nareengke al᷊aṛṛana'u Ruata. Dorone i yamiu tawe rangnguannu Ruata, arawe orassa indi yamiu manengkamma darangngu-Ne.

SONDAPPA 7:2

See i ya'u naasilo sangkatou mala'ekatta waine nilumapputa wuassu samba'an ra'i. I tou uaapiddu segele wuassu Ruata apan biakka. Ringannu tingikka ma'ikkatta mala'ekatta udde namaggo sire appata mala'ekatta apan suete naasomba taṛṛino Ruata ipanggohakku ammaranne wuṛṛu tahal᷊oangnga.