EFESUS 1:11 - WUKE SUSI WATTI'U AL᷊AL᷊USASSA

¹¹ Ruata mammanara al᷊awo'a tumuṛṛuttu apulu-Ne wuṛṛu ṛaṛṛawen-Ne sassane. Ro'en paarorone i Tou buatte namile si ite, ana waugu i Tou maapulu tadea'u i ite maola'a al᷊aṛṛanang-Nge ana waugu uaaukka ringanni Kristus.

EFESUS 1:11 Iomraidhean Croise

AYUB 33:29

Ringannu masokka-sokka, Ruata buatte na'ola'a sarangkanambone indi,

DARALO 37:18

Mawu ual᷊u'adda wiakku taumata susi, darotongnga pussa'an mangitou saran mal᷊annu-l᷊annu.

AMSAL 8:14

Ete i ya'u apan nangonggollu tatantiro sulal᷊ummu naungnga. Wuṛṛu i ya'u lai apan napal᷊iatta'a. I ya'u pande wuṛṛu lai matohassa.

YESAYA 25:1

Mawu, ete I'o Ruata'u i Ya'u mamantuga Si'o wuṛṛu maddalo aran-Nu. Ana waugu manga manara-Nu lembon ma'atiangnga; I'o buatte nakkiinna ro'en dorone, wuṛṛu nammanara ringannu satia.

YESAYA 28:29

Apapande udde darantane wuassu Mawu Apan Lembontaṛṛino. Anambon ṛiinnu Mawu masiṛṛongnga wuṛṛu sidutu mahessi.

YESAYA 5:19

Wisaranu, “Wala'e Mawu Ruata susin Israel mal᷊ihakka ma'inolaanna! Wala'e i Tou mapaamattu ṛiin-Ne, tadea'u i ite maasilo wuṛṛu maasingkatta.”

YEREMIA 23:18

I ya'u mabbisara, “Tawe saran sangkatou wuassu manga nabi udde maasingkattu apa apan uaraddo sulal᷊ummu naungngu Mawu. Taweddu wuassu wallatti mangitou buatte naaringikka ara'e ma'asunna manga ṛiin-Ne; taweddu lai apan maddaringikka ara'e mangaregga manga wisara-Ne.

YEREMIA 32:19

Manga ṛiin-Nu tawe sul᷊ungnge, wuṛṛu manga inolaannu maatiangnga; I'o maasilo al᷊awo'a apan a'olaanu taumata, wuṛṛu mabbal᷊issa si mangitou uasul᷊ungngu inolaanni mangitou.

ZAKARIA 6:13

Ete i tou apan mapararisikku Wal᷊e-U wuṛṛu manengkamma aaddatta ere sangkatou ratu, wuṛṛu i tou sarun mamarenta tumanangnge. sangkatou imam sarun mallal᷊ima si tou wuṛṛu i mangitou sarun mammanara suadio'a ringannu uaaukka.’

WATTI'U MANGA RASUL 13:48

Su tempo manga walahanna waine apan wal᷊ine Yahudi naaringikka udde, i mangitou lembon lulluassa, see mangke maddalo wisara Mawu. Wuṛṛu manga taumata apan suete nitantunnu Ruata maasomba wiakka tutune wuṛṛu saran mal᷊annu-l᷊annu, manga taumata udde mangngimanna.

WATTI'U MANGA RASUL 2:23

Ere su ṛingiṛṛan-Ne sassane, Ruata naṛṛawessa, i Tou manantillu Mawu Yesus si yamiu. Wuṛṛu su tempo i Tou tinantilla, i yamiu namate si Tou ringannu namala manga taumata lal᷊eo nangarussan Tou.

WATTI'U MANGA RASUL 20:27

Tawe saran paassa i ya'u tinumal᷊angnga wuassu manara'u mannal᷊a'a si yamiu anambon pandumannu Ruata.

WATTI'U MANGA RASUL 20:32

Orassa indi ya'u manantilli yamiu su Ruata, tadea'u i Tou mammadul᷊i si yamiu wuṛṛu tadea'u i yamiu sidutu ua'umbele watti'u darangngun Ruata. Ruata uatahuanna taṛṛino ipanohassa si yamiu wuṛṛu nangonggolu manga al᷊amatta apan sueten saddiane ionggolla su al᷊aṛṛanang-Nge.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

WATTI'U MANGA RASUL 4:28

I mangitou naaukka ma'ola'a al᷊awo'u manara, apan suete tinantunna ro'en paarorone manungku udde sarun matippussa. Wuṛṛu I'o sarun manantunnu udde wuassu taṛṛino wuṛṛu apulu-Nu sassane.

ROMA 11:34

Sulal᷊ummu Wuke Susi uawoṛṛetta arendi, “Isai wotongnge maasingkata ṛingiṛṛannu Mawu? Isai wotongnge manantiro si Tou

ROMA 8:17

Ne, amungkangngu ete i ite al᷊aṛṛana'u Ruata, ne i ite lai mananahuanna wurru sarun manengkamma manga al᷊amatta apan buatte nissaddian Duata su manga al᷊aṛṛanang-Nge. I ite sarun manengkamma suadio'a ringanni Kristus apa apan buatte nissaddian Duata si Tou; ana waugu amungkangngu i ite uatataṛṛanga su sambau ringanni Kristus, i ite sarun wantuhanna lai su sambau ringanni Kristus.

ROMA 8:28

I ite masingkata manungku Ruata mangngatokku al᷊awo'u inolaanna indi, na'oman sara mabbua mapia hunane su manga taumata apan marangngu si Tou wuṛṛu apan niwagoan-Ne ringannu apulu-Ne sassane.

ROMA 8:29

I mangitou lai suete nipilen Duata, wuṛṛu buatte nitantuna lai wuassu paarorone maola'a massul᷊ungngu Anang-Nge, eteudde Yesus Kristus. Ringannu aroddi Anang-Nge naola'a paarorone su wallattu anambon manga tuṛṛangnga.

ROMA 8:30

Ete aroddi Ruata namaggo si mangitou apan buatte nipile paarorone; wuṛṛu i mangitou apan niwagoanne udde, niwala maaukka apia ringanni Tou. Wuṛṛu i mangitou apan niwala apia maaukka ringannu Ruata, nanganu wageangnge sulal᷊ummu awawantugu Ruata sassane.

ROMA 9:11

Tantal᷊anna ana'a darua udde taambe niasungkangnga, Ruata buatte nanantunnu al᷊aṛṛanang-Nge apan nipile manansunna. Pamamile Ruata udde tawe uaantimma apa apan wotongnge olaannu taumata, arawe uaantimma wawaggo Duata sassane. Ana waugu su tempo ana'i Ribka daruan katou esakka udde taambe maaola'a manara mapia ara'e lal᷊eo,

GALATIA 3:18

Ana waugu amungkangu aonggolu Ruata uatundeeta su titan agama, ne tate lai aonggola apan pina'ire. Ewe'e ana waugu Ruata suete na'ire si Abraham, ne Ruata nangonggolu udde si tou.

EFESUS 1:14

Ghaṛṛaho udde naola'a wataṛṛu manungku i ite sarun manengkamma apa apan buatte pina'iren Duata su al᷊aṛṛanang-Nge. Indi mangngonggolu antimma si ite manungku Ruata sarun mamallosu al᷊aṛṛanang-Nge. Dalo su Ruata ana waugu awawantu-Ge!

EFESUS 1:18

I ya'u sumal᷊ande tadea'u Ruata mamu'a ṛingiṛṛannu ma'oman sara maola'a masemakka; tadea'u i yamiu maasunna apa apan aantimanni yamiu wuassu Ruata apan namago si yamiu. Wuṛṛu lai tadea'u i yamiu maasingkata aroddi anambone al᷊amatta apan maṛṛamaga apan suete nissaddia Ruata su al᷊aṛṛanang-Nge;

EFESUS 1:5

ne, i Tou buatte nanantuna paarorone manungku sulal᷊ummi Yesus Kristus, i Tou sarun manga'u si ite maola'a manga al᷊aṛṛanang-Nge sassane. Wuṛṛu atonna eteudde apan tipusanni Tou.

EFESUS 1:8

I Tou na'ola'a udde ana waugu i Tou lembon marangngu si ite, wuṛṛu darangngu udde nionggolla si ite ringannu al᷊awo'u apande wuṛṛu asingkata.

EFESUS 1:9

Tumuṛṛuttu apulu-Ne sassane, Ruata namasingkata si ite addapingngu manara-Ne; i Tou buatte nabbisara manungku manara-Ne udde sarun insueanna sulal᷊ummi Kristus.

EFESUS 3:11

Ruata na'ola'a udde wuassu manara-Ne apan tawe panginsueanne, apan niolang-Nge sulal᷊ummi Kristus Yesus Mawun kite.

TAHIUL᷊E 4:20

Arawe i yamiu uddewe walahanna apan niapasal᷊amatta wuassu Mesir, su tampa i yamiu tumaniten uatataṛṛanga. I yamiu niapiddi Tou sinumabbangnga wuassu wanua udde, tadea'u mabbal᷊i walahanna sassane ere olangngu orassa indi.

KOLOSE 1:12

wuṛṛu ringannu wisara adiangkamanna su Iamangnga. Ana waugu ete Iamangnga udde apan nandiaddi si yamiu wotongnge manengkamma apa apan nissaddian Duata su al᷊aṛṛanang-Nge sulal᷊ummu araratuan-Ne apan masemakka.

KOLOSE 3:24

Paanaunge manungku i yamiu sarun manengkamma lal᷊antake wuassu Ruata. Apa apan nissaddia Mawu su al᷊aṛṛanang-Nge, eteudde sarun ionggola si yamiu. Ana waugu mawu apan atonna eteudde Kristus sassane.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

TITUS 3:7

tadea'u wuassu darangngu Mawu Yesus, i ite wotongnge maaukka apia ringannu Ruata wuṛṛu i ite maasomba wiakka tutune wuṛṛu saran mal᷊annu-l᷊annu apan aantimanni ite.

IBRANI 6:17

Ruata ma'apulu manualaga su manga taumata apan manengkamma paaire-Ne, manungku i Tou tawe mamal᷊u ṛiin-Ne. Ana waugu udde i Tou nanamba sasalu su pa'aire-Ne udde.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

1 PETRUS 1:4

I ite mangngantimma maatahuanna manga al᷊amatta apan suete nisaddian Duata su al᷊aṛṛanang-Nge, eteudde manga al᷊amatta apan niadone su surga, na'oman sara tawe mal᷊al᷊eo, ara'e mawukku'a ara'e mawulle.

1 PETRUS 3:9

Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.