DARALO 99:8 - WUKE SUSI WATTI'U AL᷊AL᷊USASSA

⁸ Oh Mawu Ruatan kami, I'o sinumimbakka al᷊aṛṛanang-Ngu; si mangitou I'o Ruata sidutu mangngampunga, salaiwe i mangitou niṛṛuuman-Nu ana waugu pasasal᷊an mangitou.

DARALO 99:8 Iomraidhean Croise

2 SAMUEL 12:14

Arawe ana waugu i Tuangnga buatte nangal᷊uandaga Mawu ringannu inolaannu udde, ana'i Tuangnga esakka apan wakkute niasungkanga udde sarun nate.”

DARALO 78:38

Arawe Ruata mandangngu wuṛṛu nangampunga al᷊aṛṛanang-Nge, wuṛṛu tawe namate si mangitou. Masokka-sokka i Tou maṛṛaddannu asasa'u-Ne, wuṛṛu tawe mapasabbangu naung-Nge lal᷊eo.

DARALO 89:33

i mangitou Ta'u iṛṛuumanna ringannu puul᷊anna ana waugu lal᷊awangnge, wuṛṛu Ta'u emaannu asasilaka ana waugu manga rosane.

SASABANGNGA 32:2

Ana see i Harun nabbisara si mangitou, “Luatte ngante-ngante wul᷊awanna apan ual᷊uṛṛe su manga awingngu wuṛṛu manga anangngu, wuṛṛu apira'e ringangku.”

SASABANGNGA 34:7

I Ya'u sidutu mandangngu papapulunna su ṛiwune wuṛṛu mangngampungnga passal᷊a wuṛṛu rosa; arawe taumata nassal᷊a mangke tawe Ta'u ipallossa wuassu ṛuumanne, wuṛṛu Ta'u iṛṛuumanna lai manga anangnge wuṛṛu manga pulunne ma'oman sara papapulunne atallun ṛawanne wuṛṛu aiappanne ana waugu paddarosan hagurangnge”.

MANNANASE 7:29

Tumba'u indi apan niasombangangku: Ruata na'ola'a si ite tawe lembone wuṛṛu wiasa. Arawe ete i ite sassane apan na'ola'a watanganni ite masahadda passunnanne wuṛṛu mangke uawengkolla.

YEREMIA 46:28

Nariaddi ariete mata'utta, ei uma-U, i Ya'u sarun dumanta manal᷊amatta si yamiu. Manga walahanna, su tampa i yamiu Ta'u nisal᷊iawukka, sarangkanambone Ta'u pateanna, arawe i yamiu tawe Ta'u olaanna aroddi. Atonna i yamiu tawe mal᷊iu wuassu ṛuumanna arawe ṛuumang-Ku si yamiu udde matul᷊idda uasul᷊ungngu atoranna. I Ya'u, Mawu, buatte nabbisara.”

ZEFANYA 3:7

I Ya'u maṛṛingidda, ‘Orassa indi uma-U sarun mangaddatta si Ya'u wuṛṛu maddaringikka al᷊awo'u tatagu-U. I mangitou sarun mannaungnga al᷊aṛṛa'a apan Ta'u nionggolla si mangitou.’ Arawe wutte'e, i mangitou lembon maṛṛimadda lai ma'ola'a al᷊al᷊eo wuassu paarorone.

REENGANNA 20:12

Arawe Mawu nabbisara si Musa wuṛṛu si Harun, wisara-Ne, “Ana waugu pangangimanni raddua si Ya'u tumaniten matul᷊ungnga, i Ya'u mapal᷊iatta'u taṛṛino-U apan susi su saruannu walahannu Israel, iraddua tawe maapiaṛṛa'i mangitou sumutta su wanua apan pina'ire-U si mangitou.”

REENGANNA 20:24

“I Harun tawe maasutta su wanua apan buatte Ta'u pina'ire su walahannu Israel; i tou sarun mate ana waugu iraddua buatte nilumawangnga parenta-U maranin al᷊imatan kua'e su Meriba.

ROMA 1:21

Taumata maaillal᷊a Ruata, arawe taumata maddiri mangadata ere sangkatou Ruata wuṛṛu tawe lai maadiangkamanna. Arawe taumata sidutu maṛṛingiddu al᷊awo'a apan tawe gunane; naungngi mangitou nadandumpe.

TAHIUL᷊E 3:26

Arawe ete i yamiu naaola'a Mawu nasa'u si ya'u na'oman sara i Tou maddirite maddaringikka sasal᷊ande'u. Arawe Mawu nabbisara, ‘Wotongngete, Musa, ariete hatto udde isul᷊enu apia!