DARALO 81:3 - WUKE SUSI WATTI'U AL᷊AL᷊USASSA

³ Tengkelle rebana, wuṛṛu pangantarite, tengkelle gambus wuṛṛu kecapi ringannu mapia.

DARALO 81:3 Iomraidhean Croise

2 MARARATU 4:23

“Anio inaite orassa indi?” awinge naiwal᷊o. “Allo indi wal᷊ine allon Sabat, wuṛṛu lai wal᷊ine allo wahewan Bul᷊anna Wakku.” “Tawe apane,” sasimbakke.

1 TAWARIKH 15:16

I Daud nandolokku lai piaṛṛa'u manga taumatan Lewi udde tadea'u mandolokku manga pira taumata wuassu walagi mangitou iapaantari wuṛṛu iapanalangnga antarin lal᷊uassa su kecapi wuṛṛu simbal.

1 TAWARIKH 16:42

I Heman wuṛṛu i Yedutun uagassa lai trompeta wuṛṛu simbal wuṛṛu hatin musikka waine apan nanalanganna lakkindo'u aantari daralo. Manga taumata wuassu ṛuanganni Yedutun manarane mandiaga ngara pasallanganna.

1 TAWARIKH 16:6

wuṛṛu ruan katou imam, eteudde i Benaya wuṛṛu Yahaziel, manarane sidutu manniuppa trompeta su saruannu Wantallu Pa'aire udde.

1 TAWARIKH 25:1

Su ipamiaṛṛa'u manga lal᷊aghu patataṛṛamawu, i Ratu Daud wuṛṛu manga piaṛṛa'u taumatan Lewi namile manga ṛuanganni Lewi manansunna indi: i Asaf, i Heman wuṛṛu i Yedutun. I mangitou manarane mammasingkattu tanatan Duata ringannu musikku kecapi, gambus wuṛṛu simbal. Su ipamiaṛṛa'u patataṛṛamawu ringannu lal᷊aghune sambau-sambau, nipile ammul᷊annu taumata manansunna indi:

2 TAWARIKH 13:12

Piaṛṛa'i yami eteudde Ruata sassane wuṛṛu manga imammu Mawu lai isindi. I mangitou uasaddiate mattiuppa trompeta maola'a sambau tatiala si yami inaite mamangalo si yamiu. Ei taumatan Israel, ariete lumawangnga Mawu, Ruatan al᷊amonanu! I yamiu tawe maauntungnga!”

2 TAWARIKH 13:14

Napawe tantaran Yehuda naasilo manungku i mangitou nipangaloante, i mangitou nangintul᷊i maiontolla su Mawu. Manga imam nattiuppa trompetta,

2 TAWARIKH 2:4

Orassa indi ya'u mapararisikku sambau wal᷊en patataṛṛamawuanna apan tumba'u ipangaddatta Mawu Ruata'u. Su wal᷊en udde i ya'u wuṛṛu tumana'u araratuangku sarun mattaṛamawu si Tou ringannu manambunnu amania mawangngi, lapiddu mangonggolu roti ia'imbe si Tou sumiallo-miallo. Su wal᷊en udde lai yami sarun mangonggolu sasamba itattambunna suapan marua allo wuṛṛu maṛṛabbi, suapan allon Sabata, allo wahewa Wul᷊anna Wakku wuṛṛu allo waine apan buatte niṛṛae tumba'u ipangaddata Mawu Ruatan kami. Ana waugu, i Tou buatte namarenta tadea'u olangnge udde sarun iapaamattu taumatan Israel saran mal᷊annu-l᷊annu.

2 TAWARIKH 8:13

Manga sasamba udde nionggola tumuṛṛuttu titan Musa napawe pia allo wahewalla; allon Sabat, allo wahewallu Wul᷊anna Wakku, wuṛṛu atallune allo wahewalla santonna paassa, eteudde allo wahewalla Roti Tawe Ragine, allo wahewallu Pangitinganna, wuṛṛu allo wahewallu Rasannu Rongnga.

DARALO 149:3

Paddalote aran-Ne ringannu sal᷊aingnga, paddalote si Tou ringannu kecapi wuṛṛu rebana!

DARALO 33:2

Paadiangkamante su Mawu ringannu kecapi, paddalote si Tou ringannu musikka.

DARALO 98:6

Paniuppe trompetta wuṛṛu sangkakala, lallala'e su Mawu, Ratun kite.

LAL᷊ALLU 2:6

I Tou nakkimunsa'a wal᷊e-Ne tampan uman-Ne maammulla massubba si Tou. I Tou na'ola'a taumata maabul᷊i Sabat wuṛṛu manga allo wahewalla. Ana waugu Mawu lembon nasa'u, imam wuṛṛu ratu buatte nitol᷊ang-Ne.

NAHUM 1:15

Pa'ellege, sangkatou daroloṛṛanna nirumanta niumamattu manga wowone, uaapiddu watti'u al᷊al᷊uassa, watti'u auntunganna. Ei walahannu Yehuda, laghua'e allo wahewanu wuṛṛu waeṛṛete paairenu su Ruata. Wanuanu tate lai allangannu taumata lal᷊eo. I mangitou mangke niṛṛimunsa'a na'oman sara nasue.

REENGANNA 15:3

Su sasamba itattambunna ara'e sasamba wawaekka riandi ara'e sasamba apulune sassane ara'e sasamba su manga ramea mamiallo, i yamiu wotongnge mangonggola su Mawu: sapi esakka, domba esakka, domba ara'e ambinga. Hal᷊uru manga sasamba udde ma'al᷊uassa naungngu Mawu.

REENGANNA 28:11

Su panattaṛṛannu suapan bul᷊anna ṛinone ionggola su Mawu sasamba itattambunna darua sapi esakka wakku, darua domba esakka, pitu ana domba esakka uukke santonna, sambau-sambau tawe sangkulle.

TAHIUL᷊E 16:15

Pitu allo al᷊annune i yamiu ṛinone maddamean Andeangnga udde ipangaddata Mawu Ruatanu su tampa apan nipilen Mawu. Lalluasse, ana waugu Mawu Ruatanu buatte nangal᷊amatta inasaharannu wuṛṛu manaranu.

KOLOSE 2:16

Ana waugu udde, imbaṛṛanganga mamalan taumata mapaasal᷊an kamiu su ola'u umanna ara'e ma'inumma ua'e, ara'e su ola'u manga allo wahewan agama, ara'e manga ramean wul᷊anna wakku, ara'e su ola'u allon Sabatta.