DARALO 26:2 - WUKE SUSI WATTI'U AL᷊AL᷊USASSA

² Saṛṛasirewe i ya'u, oh Mawu, wuṛṛu sal᷊u'ate'o i ya'u, parikisewe apulu'u wuṛṛu ṛingirangku.

DARALO 26:2 Iomraidhean Croise

AYUB 13:23

Sangkura anambon pasasal᷊a wuṛṛu rosa apan niola'u? Al᷊awo'u lal᷊awangku ṛinone isaggo-Nu!

DARALO 17:3

Amungkangu I'o manal᷊u'atta naungku wuṛṛu rumanta manaṛṛassida si ya'u sutempo ṛabbi, I'o sarun maasingkatta manungku naungku matul᷊idda; wisara'u nassul᷊ungngu ṛingirangku.

DARALO 66:10

Oh Ruata, I'o buatte nanal᷊u'atta si yami naal᷊ihidda taumata mannassala sal᷊a'a su putungnga.

DARALO 7:9

I'o makkungngu umattu taumata; i ya'u onggol᷊eten atatul᷊idda, oh Mawu, ana waugu i ya'u tawe sal᷊ane.

YEREMIA 20:12

Arawe, oh Mawu Apan Lembontaṛṛino, ringannu atatul᷊idda I'o nanal᷊u'atta taumata; I'o masingkattu naungnga wuṛṛu ṛingiranni mangitou. Ana waugu udde walaawe i ya'u ma'ellega Si'o mabbal᷊issa al᷊al᷊eon seetta ana waugu tumba'u Si'o ta'u itantilla hatto'u.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”