DARALO 23:3 - WUKE SUSI WATTI'U AL᷊AL᷊USASSA

³ I Tou nangonggola si ya'u atatohassa wakku, wuṛṛu nangehetta si ya'u su lal᷊anna apan naṛṛino, uasul᷊ungu paaire-Ne.

DARALO 23:3 Iomraidhean Croise

AYUB 33:30

tadea'u i Tou wotongnge manal᷊amatta taumata wuṛṛu mangonggollu lal᷊umanna'a sulal᷊ummu pabbiaṛṛanne.

DARALO 106:8

Arawe Mawu nanal᷊amatta si mangitou ana waugu watangan-Ne sassane, ana see atatohan-Ne lumiatta'a.

DARALO 109:21

Arawe ontol᷊ewe i ya'u ere buatte nipa'ire-Nu, oh Mawu Ruata'u, sal᷊amatewe i ya'u ana waugu apapia wuṛṛu darangngu-Nu.

DARALO 119:176

I ya'u nial᷊iwune ere domba apan nawul᷊i, ne rantate wuṛṛu rea'ete allang-Ngu indi, ana waugu i ya'u tawe manantangngu manga parenta-Nu.

DARALO 19:7

I Tou mammal᷊intaddu langitta wuassu pentakke saran pondole; taweddu naatal᷊angnga wuassu sal᷊ihamme.

DARALO 31:3

daringiṛṛewe i ya'u wuṛṛu pallosa'e i ya'u paal᷊ihakka. Ariaditewe si ya'u ere wowon batu tampa pattillumangku, naal᷊ihidda tanda'a watu apan matohassa, suapa i ya'u wotongnge masal᷊amatta.

DARALO 31:4

Ore, I'o naal᷊ihidda wowone watu wuṛṛu tanda'a watu apan matohassa si ya'u! Ehettawe i ya'u ere buatte nipa'ire-Nu.

DARALO 34:3

I ya'u ṛinone lumuassa ana waugu inolaannu Mawu; antimanna taumata massusa maaringikka udde wuṛṛu lumuassa.

DARALO 5:8

Arawe ana waugu darangngu-Nu apan wahewalla, i ya'u wotongnge maasutta sulal᷊ummu Wal᷊en-Nu. I ya'u massubba watukku saruannu Wal᷊en-Nu apan susi, wuṛṛu massubba Si'o ringannu atonna-tonna.

DARALO 51:10

Wala'ewe i ya'u maddaringikka watti'u al᷊al᷊uassa, tadea'u naungnga apan niṛṛimunsang-Ngu indi lumala'a apia.

DARALO 51:12

Olaawe naungku apan tutune, oh Ruata, limbakuewe naungku ringannu atatohassa apan masabbare.

DARALO 79:9

Ontol᷊ewe i yami oh Ruata, mananal᷊amatti yami, ampungewe manga rosan kami wuṛṛu pallosaawe i yami maola'a aaddata Si'o sassane.

DARALO 85:13

Mawu nangongolu apianne, ne leta'i ite sarun mangonggolu hessine.

AMSAL 4:11

I ya'u buatte nangaṛṛa'u asingkatta si'o wuṛṛu buatte nangaṛṛa'u ola'u mabbiakka apan mapia.

AMSAL 8:20

I ya'u uatantuṛṛutta lal᷊annu atatul᷊idda, i ya'u lullempangnga su lal᷊annu apapia.

YESAYA 42:16

Pabbawala-U apan buta sarun Ta'u ehetanna umamattu lal᷊anna apan awagananni mangitou; I mangitou sarun Ta'u ipiaṛṛa'a su manga lal᷊anna apan awagananni mangitou. Ararandumma Ta'u olaanna semakka si mangitou, wuṛṛu lal᷊anna natatal᷊attada Ta'u iratakka. Eteudde apan Ta'u olaanna si mangitou, wuṛṛu sarun Ta'u manaranna.

YEREMIA 31:25

I mangitou apan nallome sarun iapaatohassa, wuṛṛu mallappu ana waugu niamal᷊unusanna sarun Ta'u iapaal᷊aidda.

YEREMIA 31:8

Wuassu sawannakka i mangitou Ta'u niapidda apia; Ta'u nihemonna i mangitou wuassu manga pentakku runia. Taumata wuta wuṛṛu taumata lome sarun tumantalongnga ringanni mangitou, see lai wawine apan wakkute nangunsiwe wuṛṛu apan uailloṛṛo mawakkatte. I mangitou sarangkanambone sarun rumanta apia sulal᷊ummu reenganne apan manambo su wanua indi.

YEHEZKIEL 20:14

Arawe i Ya'u maddiri ma'ola'a udde waugu awawantugu arang-Ku, tadea'u arang-Ku tawe al᷊uandahannu manga walahanna apan naasilo si Ya'u nangapiddu Israel sumabbangnga wuassu Mesir.

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.