DARALO 127:2 - WUKE SUSI WATTI'U AL᷊AL᷊USASSA

² Tawe gunane i ite mattinsahadda maddea'a wiakka, mapu'o marua allo wuṛṛu matiilla allorane; ana waugu Mawu mananaddiane si mangitou apan arangnguan-Ne, tantal᷊anna i mangitou ta'e mattiilla.

DARALO 127:2 Iomraidhean Croise

AYUB 11:18

I'o sarun matohassa wuṛṛu napenen antimma; Ruata sarun mallu'adda si'o ma'oman sara i'o malangnganna.

DARALO 3:5

I ya'u ma'ialal᷊are su Mawu; wuassu wuid-De apan Susi i Tou sinumimbakka si ya'u.

DARALO 4:8

I'o na'ola'a naungku lembon lulluassa wuassu taumata apan manambo pangitinganne.

DARALO 60:5

Niwala-Nu al᷊aṛṛanang-Ngu naṛṛiaannu asasusa mawakkata; i yami sussasendekka ere taumata wu'anna.

AMSAL 10:22

Ana waugu tumba'u al᷊amattu Mawu taumata nabbal᷊i ala; mammanara maṛṛimadda tawe maatamba darotongnga.

MANNANASE 1:14

I ya'u buatte naasilo al᷊awo'u inolaannu taumata su runia indi. Pangimante, sarangkanambone udde tawe gunane, ere manara mangangenggenna anginna.

MANNANASE 4:8

Pia taumata apan mabbiakka sassane tawe ana'a, ara'e lai tuṛṛangnga. Salaiwe aroddi, i tou sidutu mammanara masahadda wuṛṛu naungnge tawe saran paasa mal᷊uassa ringangu darotongnge. Ionggolla sisai i tou tumaniten mattinsahadda wuṛṛu mannola'u al᷊awo'u lal᷊umanna'a? Udde lai tawe gunane, wuṛṛu sambau ola'u pabbiaṛṛanna apan susa.

MANNANASE 5:12

I ya'u naasilo su runia indi pia sambau apan maasusa; sangkatou apan mangngombon darotongnge ipangantagga ṛutumma.

MANNANASE 6:7

Taumata mammanara tumba'u ana waugu anna, arawe i tou tawe maapendamma mal᷊uassa.

YEREMIA 31:26

Sutempo udde taumata sarun mabbisara, ‘Napawe mattiille mal᷊angnga, i ya'u naapendamma mal᷊uassa.’

YEHEZKIEL 34:25

I Ya'u sarun makkiinnu pa'aire ringanni mangitou, apan uariaga atatammudi mangitou. I Ya'u sarun mallimbuakka anambon binatangnga mal᷊aṛṛaga wuassu ahewallu wanua, ma'oman sara manga domba-Ku wotongnge matana'a ringannu matammuda su manga wadda'a wuṛṛu matiilla su manga mahurangnge.