DARALO 102:15 - WUKE SUSI WATTI'U AL᷊AL᷊USASSA

¹⁵ Ana waugu manga allang-Ngu mandangngu si tou, salaiwe i tou nabbal᷊ite nallambe manga tuidda. I mangitou u'akkanni tou, salaiwe i tou nabbal᷊ite awu.

DARALO 102:15 Iomraidhean Croise

1 MARARATU 8:43

antimanna wuassu atatanaan-Nu su surga I'o maddaringikka aal᷊iomanne wuṛṛu mangonggollu darorongnge. Ringannu aroddi al᷊awo'u walahanna su ahewallu runia maaillal᷊a Si'o wuṛṛu matuṛṛutta Si'o ere uman-Nu Israel. I mangitou sarun maasingkatta manungku wal᷊en apan ta'u niola'a indi uddewe tampa patataṛṛamawuanna Si'o.

NEHEMIA 1:4

Naaringikka watti'a udde, i ya'u niuma'ianna wuṛṛu nilumuai. Manga pira allo al᷊annune naungku massusa. I ya'u sidutu mappuasa lapiddu u'al᷊imonna su Ruata,

NEHEMIA 2:17

Arawe wua'udde i ya'u nabbisara si mangitou, “Pa'ellege pabbiaṛṛanni ite apan susa indi! Yerusalem ete nallambe winal᷊alanna wuṛṛu manga ngarane wahewalla nasue niepoddu putungnga. Wette i ite mapararisikku apia manga darandungngu soa Yerusalem tadea'u i ite tate lai lobbosanna.”

NEHEMIA 2:3

ana see, sinumimbakka, “Nabbiakke Tuangnga saran mal᷊annu-l᷊annu! Ereapa allangnga tawe masusa, amungkangngu soa tampa pallabbingannu iupungngu al᷊amonan allangnga orassa indi ete nallambe winal᷊alanna wuṛṛu manga ngarane wahewalla nepodde nisoṛṛobbu putungnga.”

DARALO 138:4

Anambon ratu su runia sarun maddalo Si'o, oh Mawu, ana waugu i mangitou naaringikke paaire-Nu.

DARALO 72:11

Anambon ratu sarun umal᷊intudda su saruanne, al᷊awo'u walahanna mabbal᷊i allangnge.

DARALO 86:9

Anambon walahanna apan niolang-Ngu sarun rumanta, oh Mawu, tadea'u massubba Si'o wuṛṛu maddalo awawantu-Gu.

YESAYA 55:5

I yamiu sarun mamaggo manga walahanna waine, wuṛṛu i mangitou sarun dumanta ringanni yamiu, ana waugu i Ya'u, Mawu Ruatanu, Ruata na'ukkassu Israel, ana waugu i Ya'u buatte namantuga si yamiu.”

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

SONDAPPA 21:24

Manga walahanna su runia sarun umamatta sulal᷊ummu asasemakke, wuṛṛu manga ratu lai sarun mangapiddu pa'a'ala mangitou watukku soa udde.