DANIEL 9:27 - WUKE SUSI WATTI'U AL᷊AL᷊USASSA

²⁷ Ratu udde sarun makkiinnu pa'aire apan matohassa ringannu manambo taumata al᷊annune pitu tonna. Su pattangngannu tempo udde, i tou sarun mangingaddu mpangangapiddu sasamba wuṛṛu aonggolla. Wua'udde sambau apan maata'utta apan isassaggo Al᷊al᷊eo apan makkimunsa'a sarun iaddo su Wal᷊en Mawu wuṛṛu sidutu poiaroddi ma'oman sara i tou apan nangaddo isudde aṛṛiaannu papate apan buatte nitantunnu Ruata si tou.”

DANIEL 9:27 Iomraidhean Croise

YESAYA 28:15

I yamiu mabbisara manungku i yamiu buatte na'ola'a pa'aire su papate wuṛṛu nakkiinnu riandi su runian taumata nate. I yamiu maapendamma atonna manungku asasilaka apan sarun dumanta udde tawe maṛṛia'a su watangannu, ana waugu i yamiu mapaattu waṛṛutiaalla ara'e wawahia ipallindumma watangannu.

YESAYA 28:22

I ya'u naaringikke laṛṛawessu Ruata Apan Atanggaṛṛanne wuṛṛu Lembontaṛṛino ipamate ahewallu runia. Arie mapasal᷊a manga wisara tatagu apan iwabbal᷊o'u indi. Sal᷊immurine mabbal᷊i nangillembon asaharanne si yamiu maddea'a asasal᷊amattu waddangnga!

YESAYA 42:6

“I Ya'u, Mawu, namaggo wuṛṛu mapamanaranu mapaamattu atatul᷊idda. I'o i Ya'u ehetanna wuṛṛu paddul᷊ianang-Ku tadea'u maola'a pa'aire su umattu taumata, wuṛṛu semakka su anambon walahanna.

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

YEREMIA 7:30

Taumatan Yehuda buatte na'ola'a al᷊al᷊eo. Manga paal᷊uanni mangitou apan ipaddanting-Ku udde buatte niaddon mangitou sulal᷊ummu Wal᷊e-U, na'oman sara nal᷊al᷊eote wal᷊en udde.

DANIEL 11:31

Wua'udde i tou nangirimmu tantarane iapal᷊al᷊eo Wal᷊en Mawu. I mangitou sarun mamappassa sasamba miallo-miallo wuṛṛu mapararisikku sambau apan maata'utta apan isassaggo Alaleo apan makkimunsa'a.

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.

DANIEL 12:11

Wuassu tempo sasamba mamiallo udde niapaaddo wuṛṛu sambau apan maata'utta apan isassaggo Alaleo apan makkimunsa'a udde iapararisikka, sarun mal᷊iu 1.290 su allone.

DANIEL 7:25

I tou sarun mabbisara lumawangnga Ruata Apan Atanggaṛṛanne wuṛṛu mangallangnga umattu Ruata, wuṛṛu i mangitou sarunaggasanne al᷊annune tatallu setenga su tonnane.

DANIEL 8:13

Wua'udde i ya'u naaringikka sangkatou mala'ekatta nabbisara iapa waine, “Maddatingngu tiangngera sarangkanambone apan aasiloanna sulal᷊ummu sondapa udde aasiloanna? Maddatingngu tingngera tantaran surga wuṛṛu wal᷊en patataṛṛamawuanna udde mangke laṛṛindanna?”

HOSEA 3:4

Etearoddi olangnge ringannu walahannu Israel; mal᷊annu atonna i mangitou mbbiakka ringannu tawe ratu ara'e piaṛṛa'a, tawe sasamba ara'e manga pale sassubbanna, tawe manga monganna ara'e manga laṛṛopa apan mamasingkattu addapingngu allo addantane.

MATIUS 24:15

“I yamiu sarun maasilo ‘Al᷊al᷊eo apan maahohakka’, ere suete niapasingkatti Nabi Daniel, uarisikka su tampa susi. (Iapasingkatta su mabbawasa: Ṛingira'a apa atappasanne!)

MATIUS 26:28

Ana waugu indi ṛaṛṛa-U apan mannohassa pa'airen Ruata ṛaṛṛa apan niapaturo ana waugu taumata nambo wuṛṛu ipangampungnga rosa mangitou.

MATIUS 27:51

Pampele apan ua'ele sulal᷊ummu Wal᷊e Mawu nahesa'a natahia darua, wua'doso na'oman sara wowane. Runia inumio'a wuṛṛu manga wuiddu watu napesangnga.

MARKUS 13:14

“I yamiu sarun maasilo ‘Al᷊al᷊eo apan maahohakka’ uarisikka su tampa apan isassingadda si tou. (Iapasingkatta su mabawasa: Ṛingira'e apa atappasanne!) Su tempo udde taumata apan uatana'a su Yudea ṛinone tumal᷊angnga watukku wuidda.

LUKAS 21:20

“Napawe i yamiu naasilo Yerusalem tatalliwunannu tantara, i yamiu sarun maasingkatta manungku soa udde tate mal᷊annu lai mahohakka.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

ROMA 11:26

Ete aroddi anambon taumatan Yahudi sarun masal᷊amatta. Ana waugu sulal᷊ummu Wuke Susi uawoṛṛetta arendi, “Ratun Punnu Sal᷊amatta sarun rumanta wuassu Sion; I Tou sarun manubbussa anambon al᷊al᷊eon papapulunni Yakub.

ROMA 5:15

Arawe itarua udde uapapaṛṛala; ana waugu aonggolu Ruata mannamboanna marau amungkangngu isul᷊ungngu pasasal᷊a apan niola'i Adam. Pasasal᷊an sangkatou naaola'a taumata nambo nate. Lembon ahewal᷊anne lai bawal᷊issu darangngun Duata wuṛṛu asasal᷊amatta apan nionggola su anambon taumata, sulal᷊ummu apapia naungngu sangkatou taumata, eteudde Mawu Yesus Kristus.

ROMA 5:19

Wuṛṛu su ereapa anambon taumata naola'a taumata marosa ana waugu sangkatou taumata apan mal᷊awangnga, aroddi lai manambo taumata iwala masasangkapia apia ringannu Ruata ana waugu pia sangkatou apan matuṛṛutta Ruata.

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.