DANIEL 9:16 - WUKE SUSI WATTI'U AL᷊AL᷊USASSA

¹⁶ I'o buatte nanahekki yami sutempon dorone, ana waugu udde ariete masa'u apia su Yerusalem, soa-Nu sassane, wuiddu Mawu apan susi. Ana waugu rosan kami wuṛṛu al᷊al᷊eo na iupungngu al᷊amonan kami, ne anambon taumata maranin kami mangngaddio'a Yerusalem wuṛṛu uman-Nu.

DANIEL 9:16 Iomraidhean Croise

NEHEMIA 9:8

Niasangkal᷊an-Nu i tou satia Si'o wuṛṛu matuṛṛutta. Ana see niolang-Ngu ringanni tou paaire apan matohassa. Leta'u Kanaan, Het wuṛṛu Amori, leta'u Feris, Yebus wuṛṛu Girgasi, sarangkanambone udde I'o mangonggolla si tou; maola'a tampa tatanaannu anambon papapulunne. Wua'udde I'o nanipussu, paaire udde si tou, ana waugu I'o matul᷊idda wuṛṛu satia.

DARALO 143:1

Daralon Daud. Oh Mawu, daringiṛṛewe aal᷊iomanku, sengkamawe darorongku. Simbaṛṛewe i ya'u ana waugu apapia-Nu, tipussawe aal᷊iomangku ana waugu atatul᷊iddu Mawu.

DARALO 31:1

Su piaṛṛa'u mangangantari. Daralon Daud.

DARALO 41:13

I'o niumontolla si ya'u ana waugu awawaresin naungku, wuṛṛu namala'u mabbiakka suadio'a ringan-Nu saran mal᷊annu-l᷊annu.

DARALO 71:2

Pallosaawe i ya'u, ana waugu I'o matul᷊idda, daringiṛṛewe wuṛṛu sal᷊amatewe i ya'u.

DARALO 79:4

I yami naola'a paaeettu manga walahanna su al᷊indonganna, i mangitou nilumagge wuṛṛu mannappissi'a si yami.

DARALO 85:4

I'o tate lai masa'u si mangitou; asasa'u-Nu apan wahewalla niapaweleng-Ngu apia.

DARALO 89:51

Naungete oh Mawu, ereapa manga allang-Ngu indi aal᷊uandahanna, i ya'u uapasanna lal᷊obbossu manga walahanna.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

YESAYA 5:25

Mawu nasa'u su pabbawala-Ge. I Tou nariahite makkuumanni mangitou. Manga wowone sarun umio'a; manga winal᷊unanna uatal᷊eṛṛonga naal᷊ihidda sapadda su manga lal᷊anna. Arawe Mawu ta'e massa'u wuṛṛu sidutu sarun makkuumanna.

YEREMIA 24:9

I Ya'u sarun manilaka si mangitou aroddi olangnge na'oman sara al᷊awo'u walahanna su ahewallu runia mabbal᷊i mata'utta. Suapan tampa i mangitou Ta'u itantilla, i mangitou sarun al᷊uandahanna, maola'a ilallage wuṛṛu lallobbosanna. Aranni mangitou sarun ipaatta maola'a wawontoga.

YEREMIA 29:18

I mangitou sarun Ta'u enggenanna ringannu pangalo, ṛutumma, wuṛṛu al᷊aṛṛusa'itta ma'oman sara al᷊awo'u walahanna su ahewallu runia sarun maapendamma atata'utta maasilo ola'i mangitou. Sauapan tampa i Ya'u manal᷊iawukki mangitou, taumata sarun maapendamma atata'utta maasilo apa apan buatte nariaddi si mangitou. I mangitou sarun al᷊uandahanna, wuṛṛu aranni mangitou ipaatta maola'a wawontoga.

YEREMIA 32:31

Ro'en soa indi niapararisikka, tumanangnge buatte na'ola'a si Ya'u mangke nasa'u atonna. I Ya'u buatte nakkawessa mamate si mangitou,

YEREMIA 32:32

ana waugu al᷊awo'u al᷊al᷊eo apan niola'u taumatan Yehuda wuṛṛu Yerusalem suadio'u manga ratu, tembonannu pamarenta, imam, wuṛṛu manga nabi mangitou.

YEHEZKIEL 5:14

I'o sarun maola'a manga tuidda wuṛṛu manga walahanna maraninu sarun mangal᷊uandaga si'o; suapan taumata apan sumabbi sarun mangindaunu.

DANIEL 11:45

Ewe'e lai i tou sarun mapararisikku rasannu araratuanne suwallatu tahal᷊oangnga wuṛṛu wowone tampan Wal᷊en Mawu. Arawe wua'udde i tou sarun mate wuṛṛu tawe saran sangkatou lai apan wotongnge mangontolla si tou.”

DANIEL 9:20

I ya'u sidutu u'al᷊iomanna wuṛṛu mangnga'u rosa'u wuṛṛu rosan balahangku Israel, see sinumal᷊ande su Mawu Rutta'u tadea'u mamelengngu wal᷊e-Ne apan susi.

YOEL 3:17

“Ei Israel, orassa indi i yamiu massingatte, manungku ete i Ya'u Mawu Ruatanu. I Ya'u uatana'a su Sion, wowone-U apan susi. Ne Yerusalem lai sarun maola'a soa apan susi, taumata raho tate maasutta isudde apia.

ZAKARIA 8:3

I Ya'u sarun mabbelengnga su Yerusalem, soa-Ku apan susi udde. Yerusalem sarun tumelengnga sambau soa apan satia, wuṛṛu wuiddu Mawu Apan Lembontaṛṛino sarun isaggo Wuidda susi.

2 TESALONIKA 1:6

I Tou sarun ma'ola'a atatul᷊idda, wuṛṛu sarun mabal᷊issu asasusa su taumata apan napaasusan kamiu.

1 YOHANES 1:9

Arawe amungkangu i ite manga'u al᷊awo'u rosan kite su Ruata, i Tou sarun manipussa paaire-Ne wuṛṛu ma'ola'a atatul᷊idda. I Tou sarun mangampunga manga rosan kite wuṛṛu mangukkasa si ite wuassu al᷊awo'u al᷊al᷊eon kite.

1 SAMUEL 2:7

Pia taumata apan niolang-Nge asiangnga, piaddu lai apan niolang-Nge ala. Pia taumata apan niapaawawo-Ne, piaddu lai niapaatanggakku Mawu.