DANIEL 9:13 - WUKE SUSI WATTI'U AL᷊AL᷊USASSA

¹³ Al᷊awo'u asasilaka apan uaweoṛṛetta sulal᷊ummu Titan Musa buatte niapaṛṛia'u Mawu si yami. Arawe salaiwe aroddi, oh Mawu Ruatan kami, i yami ta'e lai mannol᷊a'a malluassa naung-Nu. I yami sidutu maddiri manantangngu manga rosan kami wuṛṛu maddiri lai maddaringikka manga al᷊aṛṛang-Ngu.

DANIEL 9:13 Iomraidhean Croise

2 MARARATU 22:16

wisaran Mawu indi: “I Ya'u sarun makkuumannu Yerusalem wuṛṛu anambon tumanange nassul᷊ungu uawoṛṛetta sulal᷊ummu wuke apan wakkute niwasan datu.

AYUB 36:13

Taumata apan tawe mawune uasahipunna asasa'u; salaiwe iṛṛuumannu Mawu, i mangitou maddiri maddorongnga sasumbala.

DARALO 119:18

Wu'ate mata'u tadea'u i ya'u maasilo al᷊aṛṛa'a apan maatiangnga sulal᷊ummu tita-Nu.

DARALO 119:27

Tul᷊ungaawe i ya'u massunna manga tita-Nu, al᷊aṛṛang-Ngu apan maatiangnga sidutu nanaungangku.

DARALO 119:73

Ete I'o apan na'ola'a wuṛṛu nandiaddi si ya'u, i ya'u onggol᷊eten pasasunna ipangurumma manga parenta-Nu.

DARALO 85:4

I'o tate lai masa'u si mangitou; asasa'u-Nu apan wahewalla niapaweleng-Ngu apia.

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

YESAYA 42:9

Orassa indi apan Ta'u ilaṛṛangngo nilumiatta'e; i Ya'u mappulu mamasingkattu manga hatto apan bakku; tantal᷊anna udde taambe nariaddi, buatte Ta'u niwal᷊o si yamiu.”

YESAYA 43:22

Mawu nabbisara, “Arawe i'o Israel, tawe nassubba si Ya'u, wuṛṛu tate lai mattaṛṛamawu si Ya'u.

YESAYA 64:6

I yami sarangkanambone uddewe taumata marosa, ewe'e lai inolaanni yami apan mapia udde lal᷊eo wuṛṛu tawe waresi. I yami sarun mawul᷊i ana waugu al᷊al᷊eong kami naal᷊ihidda rongnga tinumolangnga nitalla'u anginna.

YESAYA 64:7

Taweddu niumal᷊iomanna Si'o, ara'e maddorongnga a'ontolla Si'o, ana waugu I'o mammunin hati-Nu si yami, wuṛṛu namalang kami pappateannu rosang kami.

YESAYA 9:13

Ana waugu udde tumba'u sulal᷊ummu allo massallo Mawu nakkuumannu manga piaṛṛa'u Israel wuṛṛu tumanangnge. I Tou namonggo'a wuṛṛu nandammen pua wuṛṛu tol᷊ene.

YEREMIA 2:30

Tawe gunane I yamiu Ta'u iṛṛuumanna, ana waugu i yamiu maddiri maddaringikka tataggu. Ere singa apan tantal᷊anna tuttambo, etearoddi lai i yamiu mamate manga nabinu.

YEREMIA 30:14

Anambon hawenu arangnguannu naabul᷊inute; i mangitou maddirite maṛṛingiddu watangannu. Naal᷊ihidda seetta i Ya'u buatte namangalo wuṛṛu nakkuumanni yamiu ringannu maṛṛagissa, ana waugu tumanite manambo rosanu wuṛṛu wahewalla pasasal᷊anu.

YEREMIA 31:18

I ya'u naaringikka umattu Israel mabbisara napenen asasusa, ‘Oh Mawu, i yami naal᷊ihidda winatangnga apan taambe niaṛṛaro arawe ninaram-Mu i yamiu ringannu matuṛṛutta wuṛṛu orassa indi i yami nasaddiate mabbelengnga ringan-Nu. Nariaddi, apira'e i yami mapul᷊e, oh Mawu, Ruatang kami.

YEREMIA 44:27

I Ya'u sarun maddea'a lal᷊anne tadea'u i yamiu masilaka wuṛṛu tawe su lal᷊umanna'a, ma'oman sara i yamiu mate abbi, mawae sulal᷊ummu pangalo aroddi lai ana waugu al᷊aṛṛusa'itta.

YEREMIA 5:3

Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.

LAL᷊ALLU 5:21

Oh Mawu, apira'e i yami mabbelengnga ringan-Nu; i yami sarun mabbelengnga ringan-Nu! Sul᷊ea'e lal᷊umanna'i yami ere dorone.

YEHEZKIEL 16:43

I Ya'u nakkuumannu ana waugu i'o tawe mannaungnga ereapa i Ya'u namaddul᷊i si'o sutempo i'o ta'e addio'a. I'o na'ola'a si Ya'u nasa'u ringannu al᷊awo'u inolaanna apan dal᷊eo udde. Anio al᷊awo'u inolaannu apan maarantinna udde ta'e lai tattambannu ringannu sussandaga? I Ya'u Mawu Apan Atanggaṛṛanne buatte nabbisara.”

DANIEL 9:11

Ahewallu Israel buatte nilumawangnga manga tita-Nu wuṛṛu maddiri maddaringikka tingik-Ku. I yami narosate su saruan-Nu, wuṛṛu ana waugu udde I'o nandantan wawotoga si yami apan uawoṛṛetta sulal᷊ummu Buken Musa, allang-Ngu.

HOSEA 7:10

Awawungan taumatan Israel aasiloanna ringanu matualaga wuṛṛu maola'a tialan pasasal᷊an mangitou. Salaiwe sarangkanambone udde buatte natipussa, i mangitou tawe lai maddea'a si Ya'u, ara'e mabbelengnga ringang-Ku, Mawu Ruatan mangitou.

HOSEA 7:14

I mangitou tawe atonna-tonna umal᷊iomanna si Ya'u. Amungkangngu i mangitou umal᷊iomanna, i mangitou mattingka wal᷊atta su tampan tattiil᷊anna, wuṛṛu lulluai ere a'olaannu manga taumata apan tawe mangimanna si Ya'u. Amungkangngu i mangitou umal᷊iomanna maddorongnga gandumma wuṛṛu anggore, i mangitou mallesa watanganne ere a'olaannu manga taumata apan massubba monganna. I mangitou atonna-tonna lullawangnga si Ya'u!

HOSEA 7:7

Sulal᷊ummu naungngu asasa'une, i mangitou namate manga piaṛṛa'i mangitou. Anambon ratun mangitou buatte nipate nallal᷊isansunna. Arawe salaiwe ola'i mangitou nabbal᷊ite aroddi al᷊eone, taweddu saran sangkatou apan niumaliomanna si Ya'u maiontolla.”

LUKAS 24:45

Wua'udde Mawu Yesus nanualaga ṛingiṛṛanni mangitou ana see maasunna pandumannu Wuke Susi.

YOHANES 10:35

I ite masingkatta manungku apa apan uawoṛṛetta sulal᷊ummu Wuke Susi ipappaatta sarangkal᷊o'engnge. Nariaddi, amungkangngu Ruata mangonggolu aranna ‘mawu’ su manga taumata apan madaringikka wisara-Ne,

YOHANES 6:45

Sulal᷊ummu Wuke Manga Nabi uawoṛṛetta arendi, ‘Anambon taumata sarun tantiroannu Ruata.’ Nariaddi anambon taumata apan madaringikka Iamangnga wuṛṛu mangngurumma wuassi Tou, rumanta ringang-Ku.

YOHANES 8:32

ne i yamiu sarun maaillal᷊a Ruata apan naṛṛino, wuṛṛu ana waugu udde i yamiu sarun ipallossa.”

EFESUS 4:21

Yamiu suete naaringikka su ola'i Tou! Wuṛṛu naola'a sangkatou mallal᷊aṛṛenggen-Ne, i yamiu suete niaṛṛaanna lai su ola'u pallal᷊agu Duata apan tatahuannanni Tou!

TAHIUL᷊E 29:4

Arawe naddatingngu allo indi i Tou taambe namalan kamiu massunna sarangkanambone apan niapendamanni yamiu udde.

YAKOBUS 1:5

Amungkangu pia sangkatou wuassu wallatti yamiu apan woddo, ṛinone i tou sumal᷊ande su Ruata, ne Ruata sarun mangonggolu apande si tou; ana waugu su al᷊awo'u taumata, Ruata sarun mangonggola ringannu naungnga mal᷊uassa wuṛṛu ringannu apendammu darangngu.