DANIEL 9:12 - WUKE SUSI WATTI'U AL᷊AL᷊USASSA

¹² I'o mammanara ringannu naṛṛino ere buatte nipa'ire-Nu si yami wuṛṛu su manga tembonanni yami. Yerusalem buatte niṛṛuman-Nu lembon wahewalla wuassu al᷊awo'u soa su runia indi.

DANIEL 9:12 Iomraidhean Croise

1 MARARATU 3:9

Ana waugu udde, Mawu, onggol᷊aawe si ya'u asingkatta apan ta'u pappandumanna ipamarenta uman-Nu indi ringannu atatul᷊idda wuṛṛu tadea'u masingkatta mamile suapa apan mapia wuṛṛu suapa apan dal᷊eo. Amungkangngu tawe aroddi, ereapa wotongnge i ya'u mamarenta uman-Nu apan wahewalla indi?”

2 MARARATU 22:16

wisaran Mawu indi: “I Ya'u sarun makkuumannu Yerusalem wuṛṛu anambon tumanange nassul᷊ungu uawoṛṛetta sulal᷊ummu wuke apan wakkute niwasan datu.

AYUB 12:17

I Tou nangul᷊e asingkatta su manga tembonannu runia, wuṛṛu manga piaṛṛa'a niolang-Nge ipappapal᷊age.

DARALO 148:11

Paddalote si Tou, ei manga ratu wuṛṛu al᷊awo'u walahanna, manga papunna wuṛṛu anambon tembonanne;

DARALO 2:10

Nariaddi panutukke, ei mararatu, paanaungete, ei manga tembonannu runia!

AMSAL 8:16

Ana waugu saha'u, manga tembonanne wuṛṛu manga papunna mammarenta wuṛṛu mappaamattu atatul᷊idda.

YESAYA 43:28

manga imammu buatte nandal᷊eo Wal᷊e-U. Ne Israel Ta'u itantilla iapal᷊obbossa, papapulunni Yakub Ta'u iwala ṛaddaanna.”

YESAYA 44:26

Ete i Ya'u apan nanohassa wisaran allang-Ku, wuṛṛu napaamattu hol᷊aga apan niapal᷊iatta'u daroloṛṛang-Ku, i Ya'u nabbisara manungku Yerusalem sarun atanaanna apia, wuṛṛu manga soan Yehuda sarun Ta'u iapararisikka apia; manga winalal᷊anne sarun isul᷊e apia.

YEREMIA 30:7

Allo ma'ata'utta nia'omante allo apan tawe sul᷊ungnge. Su uma-U udde allo apan maasinggawanga; arawe i Ya'u manal᷊amatta si mangitou.”

YEREMIA 32:23

Arawe napawe i mangitou nirumanta watukku wanua indi wuṛṛu napaangaṛṛo, i mangitou tate tate lai tumuṛṛutta manga parenta-Nu, wuṛṛu tawe mabbiakka tumuṛṛuttu manga al᷊aṛṛang-Ngu. Sarangkanambone apan niparenta-Nu si mangitou tawe saran sambau apan niola'i mangitou. Ana waugu udde I'o nandantan al᷊awo'u asasilaka indi si mangitou.

YEREMIA 39:16

niapapasingkatta si Ebed-Melekh taumatan Sudan udde manungku Mawu Apan Lembontaṛṛino, Ruatan Israel, nabbisara arendi, “Ere buatte i Ya'u niwisara dorone, i Ya'u sarun mandanta su soa indi asasilaka, wuṛṛu wal᷊ine lal᷊umanna'a. I'o sarun maasilo olangnge udde mariaddi.

LAL᷊ALLU 1:12

“Ei manga taumata apan niumamatta su lal᷊anna, pa'ellege wuṛṛu panutukke! Piawe asasusa apan ahewalle ere papasannanangku orassa indi, asasusa apan niṛṛia'u Mawu si ya'u, ana waugu asasa'u-Ne apan tumatine nilumambalanna udde?

LAL᷊ALLU 2:13

O Yerusalem, Soa Sion apan arangnguanna, winal᷊alanne ahewalle ere laudda. Apa apan wotongnge ta'u iwisara ipangonggollu bawinalatta? Ana waugu, taambe piaddu natataṛṛangnga asasusa ere i'o. Atonna taweddu wotongnge mamelengngu lal᷊umannangngu.

LAL᷊ALLU 2:17

Mawu buatte napaamattu wawansa-Nge apan dorone niṛṛiinna wuṛṛu niapanaung-Nge si ite. I ite niṛṛimunsa-Ne ringannu tawe aakkanna, seetta nionggol᷊an-Ne auntunganna. I Tou na'ola'a si mangitou lulluassa naasilo ananawon kite.

LAL᷊ALLU 4:6

Uma'u buatte niṛṛuumanna mabbakkatanna wuassu tumana'u Sodom apan tumba'u sulal᷊ummu sangkaṛṛondapa naṛṛimunsa'u liman Duata ringannu tawe inolaannu taumata.

YEHEZKIEL 13:6

Manga aellegi mangitou awusu, wuṛṛu manga pani'atti mangitou tumba'u wawahia. I mangitou mangnga'u uaapiddu tanata wuassia-U, sumbal᷊i Ya'u tawe nandolokki mangitou. Ereapa wotongnge i mangitou mangngantimma pani'atti mangitou udde sarun mariaddi?

YEHEZKIEL 5:9

Ana waugu anambon pallal᷊agu apan Ta'u iaarantinna, tumanangngu sarun Ta'u iṛṛuumanna masaddatta ere taambe Ta'u niola'a wuṛṛu tate Ta'u olaanna apia.

DANIEL 12:1

Mala'ekatta apan ual᷊uṛṛen laubba linen udde nabbisara apia, “Sutempo udde sarun lumapputta mala'ekatta wahewalla Mikhael mallalu'adda walahannu. Wua'udde sarun pia tempon asasusa apan taweddu panumandinganne ro'en pia manga walahanna. Arawe anambon taumata wuassu walahannu apan aranne uawoṛṛetta sulal᷊ummu buken Duata, sarun iapasal᷊amatta.

YOEL 2:2

Allo udde marandumma wuṛṛu wasa, napenen ṛawu'a apan mal᷊abbukka. Tantaran saṛṛappalanna mangke pasi ranta naal᷊ihidda winabbawa apan namare su puiddu panenteanna. Araradiana ereudde taambe saran paassa pia, wuṛṛu tawe masul᷊e apia saran mal᷊annu-l᷊annu.

AMOS 3:2

“Wuassu anambon walahanna su runia, ete i yamiu sassane walahanna apan asingkatang-Ku wuṛṛu lal᷊u'arang-Ku. ana waugu udde rosanu wahewalla, wuṛṛu i Ya'u sarun makkuumanni yamiu.”

ZAKARIA 1:6

Ringannu nappaattu manga nabi manga allang-Ku udde, i Ya'u namasingkattu manga parenta wuṛṛu manga tataggu su iupungngu al᷊amonanu. Arawe i mangitou tawe maddaringikka na'oman sara i mangitou ṛinone mamasanna pangillul᷊eanne. Wua'udde i mangitou sinumassilla wuṛṛu nanga'u manungku i Ya'u, Mawu Apan Lembontaṛṛino, buatte nakkuumanni mangitou uasul᷊ungngu pasasal᷊a mangitou, wuṛṛu uasul᷊ungngu apa apan buatte nitantung-Ku.”

ZAKARIA 1:8

i ya'u naasilo mala'ekattu Mawu uasa'e sambau awal᷊o maṛṛamu. I Tou nattaalla su sambau wawalanne suwallattu manga punnu alu murad. Su liudde uarisikka lai manga pira awal᷊o waine, piaddu maṛṛamu, maramu jambu wuṛṛu mawira.

ZAKARIA 7:12

I mangitou mangngattikku naungngi mangitou na'oman sara ere aattikku watu. I Ya'u tumaniten nasa'u ana waugu i mangitou tawe tumuṛṛutta manga al᷊aṛṛa'a apan buatte Ta'u nionggolla si mangitou wuassu manga nabi apan paarorone.

MATIUS 24:21

Su manga allo apan maata'utta udde sarun pia asasusa wahewa ere apan taambe nariaddi ro'en panattaṛṛannu runia na'oman sara orassa indi, wuṛṛu tate lai mariaddi apia.

MATIUS 5:18

Naunge! Tantal᷊anna langitta wuṛṛu runia ta'e indi, sambau woṛṛetta ara'e titi'a apan addio'anne lai sulal᷊ummu al᷊aṛṛa'a udde, tawe pappasanna amungkangngu sarangkanambone udde taambe natipussa!

MARKUS 13:19

Su manga allo apan ma'ata'utta udde, sarun pia sambau asasusa apan taambe nariaddi, ro'en Ruata nandiaddi runia na'oman sara orassa indi, wuṛṛu tate lai mariaddi apia.

LUKAS 21:22

Ana waugu manga allo udde ‘Eteudde Allon Ṛuumanna Iapaamatta’, tadea'u ringannu olangnge udde, apa apan uawoṛṛetta sulal᷊ummu Wuke Susi sarun matipussa.

ROMA 15:8

Ana waugu, paanaunge, manungku Kristus suete nangimbe taumatan Yahudi tadea'u mapaal᷊iatta'a manungku Ruata atonna mannuungngu paaire-Ne su iupungngu al᷊amonan kite.