DANIEL 8:25 - WUKE SUSI WATTI'U AL᷊AL᷊USASSA

²⁵ Ana waugu i tou maa'alla, manga wawahiane sarun mahessi. I tou sarun mamungan batanganne, wuṛṛu ringannu tawe mapanaungnga dorone i tou sarun mamate manambo taumata. Ewe'e lai i tou waṛṛani mando'appa Ratu Apan Ahewal᷊anne. Arawe i tou sarun rimunsaanna ringannu tawe atatohassu taumata.

DANIEL 8:25 Iomraidhean Croise

AYUB 34:20

Su ṛabbi mattangnga, i mangitou inaṛṛombanganne mate. Ruata makkuumannu tembonanne wuṛṛu i mangitou lai nate; ringannu mal᷊uassa i Tou namate taumata matohassa.

YEREMIA 48:26

Mawu nabbisara, “Moab pawu'ana'e, ana waugu i tou mammungan batanganne su saruang-Ku. I tou sarun tumal᷊inggi sulal᷊ummu mutane, wuṛṛu ilaggen taumata.

LAL᷊ALLU 4:6

Uma'u buatte niṛṛuumanna mabbakkatanna wuassu tumana'u Sodom apan tumba'u sulal᷊ummu sangkaṛṛondapa naṛṛimunsa'u liman Duata ringannu tawe inolaannu taumata.

DANIEL 11:12

Wua'udde i tou sarun lumassa ana waugu auntunganne wuṛṛu ana waugu buatte namate manambo seetta, arawe i tou tawe sidutu uataṛṛino.

DANIEL 11:45

Ewe'e lai i tou sarun mapararisikku rasannu araratuanne suwallatu tahal᷊oangnga wuṛṛu wowone tampan Wal᷊en Mawu. Arawe wua'udde i tou sarun mate wuṛṛu tawe saran sangkatou lai apan wotongnge mangontolla si tou.”

DANIEL 7:26

Ana see mallaṛṛuungngu surga sarun maammulla wuṛṛu manawutta taṛṛinone see makkimunsa'a su si tou ma'oman sara masue.

DANIEL 7:8

Tantal᷊anna i ya'u mannutukka manga tandungnge, inaṛṛombanganne sambau tandu'a waine tinumuwo suwallanne. Tandu'a udde addio'a, arawe wotongnge manesse'a wuṛṛu manawutta tallun bua suwallattu manga tandu'a paarorone udde. Tandu'a addio'a udde pia matane ere taumata wuṛṛu moṛṛongnga apan mattal᷊imoṛṛonganna ringannu mawunga.

DANIEL 8:11

Ewe'e lai i tou mannal᷊u'atta panglima tantaran surga, napaaddon sasamba ia'onggolla miallo-miallo apan ia'onggolla su panglima udde, wuṛṛu napaaṛṛan wal᷊en patataṛṛamawuanna si tou.

DANIEL 9:25

Woṛṛeta'e wuṛṛu sunnaite indi: Pitu ikalin pitun pulo su tonnane sarun masue, manattakka wuassu tempone niapasabbangnga parenta ipabbangunna apia Yerusalem, maddatingngu darantan sangkatou piaṛṛa'a nipilen Duata. Su al᷊annunne pitu ikali annummu pulo dua su tonnanne manga lal᷊anna wuṛṛu manga tanda'a watun Yerusalem sarun iaparisikka apia, arawe tempo udde napenen asasusa.

WATTI'U MANGA RASUL 12:23

Su orassa udde lai mala'ekattu Mawu namero si Herodes, ana waugu i tou tawe mangngaddatta Ruata. I Herodes niinassu ul᷊idda see nate.

2 TESALONIKA 2:3

Salaiwe ereapa, arie mapaawalan taumata mangawusu si yamiu. Ana waugu tantal᷊anna taambe nia'omanna allo udde, ṛinone mariaddi dorone olangnge indi: Manambo taumata sarun massinaadda, maddandilli Kristus; wuṛṛu Taumata Lal᷊eo apan suete nitantuna iapaasutta su naraka, sarun mamasilon batanganne.

2 TESALONIKA 2:8

wakkute udde asiloante Taumata Lal᷊eo udde. Napawe Mawu Yesus rumantate, i Tou sarun mamate Taumata Lal᷊eo udde ringannu singangu wuassu moṛṛo-Nge, wuṛṛu mamate si tou ringannu asasemakku daranta-Ne.

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

SONDAPPA 19:16

Su jubah-Ne wuṛṛu su palang-Nge uawoṛṛetta aranna indi, “Ratun al᷊awo'u ratu, wuṛṛu Mawun al᷊awo'u mawu.”