DANIEL 7:9 - WUKE SUSI WATTI'U AL᷊AL᷊USASSA

⁹ Tantal᷊anna i ya'u sidutu mannutukka, manga pira adderan araratuanna tantal᷊anna iaaddo. Ana see i Tou apan wiakka saran mal᷊annu-l᷊annu ua'ianna su wowon wallattu sambau wuassu manga adderan araratuanna udde. Laung-Nge wuṛṛu utang-Nge mawira ere sangarenna. Adderan araratuan-Ne ringannu manga bolane lukkenggamma ana waugu renggammu putungnga,

DANIEL 7:9 Iomraidhean Croise

1 MARARATU 22:19

I Mikha nabbisara apia, “Orassa indi paddaringikka apa apan niwisaran Mawu! I ya'u naasilo Mawu ua'ianna su aṛṛa'uan-Ne su surga, wuṛṛu anambon mala'ekan-Ne uarisikka marani-Ne.

2 TAWARIKH 18:18

Mikha nabbisara apia, “Orassa indi paddaringikke wisaran Mawu! I ya'u naasilo Mawu ua'ianna su adderan araratuan-Ne su surga, wuṛṛu anambon mala'ekatta uarisikka marani-Ne.

DARALO 45:8

I'o mandangngu atatul᷊idda wuṛṛu maddantinu al᷊al᷊eo; ana waugu udde, Ruata, Ruatanu buatte namile si'o, wuṛṛu nalluassa si'o nilumambalanna wuassu manga ratu waine.

DARALO 90:2

Ro'en manga wowone taambe niola'a, ro'en leta'a wuṛṛu runia taambe niriaddi-Nu, ete I'o Ruata apan sarangkal᷊o'engnge, tawe panattaṛṛanne wuṛṛu tawe pangudusanne.

DARALO 93:2

Araratuan-Nu matohassa ro'en paarorone, ro'en al᷊amonane I'o uddete.

YESAYA 6:1

Sulal᷊ummu tonna i Ratu Uzia nate, i ya'u naasilo Mawu. I Tou ua'ianna su adderan araratuan-Ne apan matanggakka wuṛṛu mawantuga. Juba-Ne uataappa ahewallu Wal᷊en Mawu.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

YEREMIA 49:38

Manga ratu wuṛṛu manga tembonanni mangitou sarun Ta'u ṛimunsaanna, wuṛṛu su wanua mangitou sarun Ta'u iaparisikka adderan araratuang-Ku.

YEHEZKIEL 1:26

Al᷊iu rosone su atuppa udde pia sambau saranapa lihidde ere adderan araratuanna wuassu watu nilam, wuṛṛu rosone ua'ianna sangkatou ere taumata.

DANIEL 7:13

Sulal᷊ummu sonda'u rabbi udde, i ya'u naasilo sambau lihidde ere taumata. I Tou nirumanta ringanni papal᷊iwutannu winabbawa ana see inaite ringannu Tou apan wiakka saran mal᷊annu-l᷊annu wuṛṛu niapasingkatta si tou.

DANIEL 7:22

Wua'udde i Tou apan mabbiakka saran mal᷊annu-l᷊annu udde nirumanta see nangongollu inappuanne apan napaaṛṛinon umattu Ruata Apan Atanggaṛṛanne. Tempone nia'omante i mangitou manengkamma taṛṛino ipamarenta.

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

HABAKUK 1:12

Mawu, ro'en al᷊omonane I'o uddewe Ruata. I'o Ruata'u apan susi wuṛṛu saran mal᷊annu-l᷊annu. Mawu, Ruata'u wuṛṛu mallal᷊u'adda si ya'u, walahannu Babel udde nipile-Ne wuṛṛu niolang-Ngu matohassa ipakkuumanni yami.

MATIUS 17:2

Su saruanni mangitou, Mawu Yesus nawal᷊u saṛṛene: Hati-Ne nabal᷊i masemakka ere matannallo wuṛṛu laung-Nge mawira lullendapa.

MATIUS 28:3

Hati Mala'ekatta udde naal᷊ihidda sawallo wuṛṛu laungnge mawira atonna.

MARKUS 9:3

Laung-Nge nabal᷊i mawira lullendapa. Tawedu sangkatou mabawansalla su runia indi wotongnge maawaresi aroddi awirane.

WATTI'U MANGA RASUL 2:30

Ruata suete na'ire si Daud, ringannu sasalu, manungku sangkatou wuassu wallattu papapulunne sarun itenegu Ruata maola'a ratu. Ana waugu Daud masingkattu paaire udde wuṛṛu ana waugu i tou lai sangkatou nabi,

WATTI'U MANGA RASUL 2:33

I Tou nitenega su aiananna apan matanggakka wuṛṛu nionggol᷊annu Ruata taṛṛino, see nanengkamma Ghaṛṛaho Ruata apan suete pina'iren Iamangnga. Wuṛṛu apan niaringiṛṛanna wuṛṛu aellehanni yamiu orassa indi eteudde Ghaṛṛaho apan suete nionggolla si yami.

FILIPI 3:9

wuṛṛu atonna-tonna uaaukka ringanni Tou. Pasasambau apan mapia ringannu Ruata tate ta'u manaranna sassane, ringannu tuttuṛṛuta titan agama. Orassa indi ya'u pia paa'aukka apan mapia ringannu Ruata, ana waugu i ya'u mangngimanna si Kristus. Nariaddi, paa'aukka apan mapia udde darantane wuassu Ruata, wuṛṛu pinangiannne ana waugu mangngimanna si Yesus Kristus.

1 TIMOTIUS 6:16

Ete i Tou apan tawe aṛṛinoannu papate; i Tou mabbiakka sulal᷊ummu asasemakka apan tawe wotongnge aundanianni sai-sai. Tawe saran sangkatou taumata apan suete naasilo, ara'e wotongnge ma'ellega si Tou. Ete si Tou addata wuṛṛu taṛṛino ma'oman sara mal᷊annu-l᷊annu! Amin.

1 YOHANES 1:5

Ete indi watti'a apan suete niaringiṛṛani ami wuassu Anang-Nge wuṛṛu apan iwabbatti'i ami si yamiu: Ruata eteudde asasemakka, wuṛṛu si Tou tawe araranduma saran kadio'a.

SONDAPPA 1:14

Utang-Nge mawira ere wambul᷊un domba, awirane ere sangarenna ana'e wungkassa. Mata-Ne luṛṛenggama ere putungnga;

SONDAPPA 19:18

Wette uminassa manga ṛemessu manga ratu, wuṛṛu ṛemessu manga panglima, wuṛṛu ṛemessu taumata apan nate su pangalo; wette uminassa ṛemessu manga sumasa'e awal᷊o wuṛṛu ṛemessu manga awal᷊one wuṛṛu ṛemessu anambon taumata, timmade ara'e dario'a, allangnga wuṛṛu tawe allangnga!”

SONDAPPA 20:4

See i ya'u naasilo manga adderan araratuanna, wuṛṛu manga taumata apan ua'ianna su manga adderan araratuanna udde inonggol᷊annu taṛṛino ipangema'u ṛuumanna. I ya'u lai naasilo manga ṛimuuddu taumata apan suete niponggo'a puane ana waugu i mangitou mattiala su ola'u Mawu Yesus, wuṛṛu mammasingkatu tanata Ruata. Manga taumata udde tawe massubba winatangnga, ara'e lai paal᷊uanne. I mangitou lai tawe saran paassa nanengkama tatiala manga winatangnga udde su pakkana ara'e su lima mangitou. Ne i mangitou nabbiakka apia wuṛṛu namarenta ere sangkatou ratu suadio'a ringanni Kristus saṛṛiwu su tonnane al᷊annune.

SONDAPPA 4:2

I ya'u lapiddu niintaṛṛoannu Ghaṛṛahon Ruata. See i ya'u naasilo su surga pia sambau adderan araratuanna, wuṛṛu pia sangkatou ua'ianna su adderan araratuanna udde.