DANIEL 7:5 - WUKE SUSI WATTI'U AL᷊AL᷊USASSA

⁵ Winatangnga aruane lihidde ere beruangnga. I tou uarisikka su ledda ne su liudde, wuṛṛu uaapiddu tallun paddi duṛṛin rusu'a suwallattu manga isine. I ya'u naaringikka tingikka nabbisara si tou, “Otte, inasse ṛemessa anambone suapawe ipaapulunu!”

DANIEL 7:5 Iomraidhean Croise

2 MARARATU 2:24

I Elisa nanaile wuṛṛu nanutudda si mangitou ana see nantal᷊an mangitou ringannu arannu Mawu. Orassa udde lai darua beruanga wawine sinumabbanga wuassu mahurange wuṛṛu namaṛṛu wadangu appatu pul᷊o dua su atoune al᷊aṛṛana'a wuassu wallattu manga al᷊aṛṛana'a udde.

AMSAL 17:12

Mapianne massomban inangngu beruangnga apan niawul᷊iannu anangnge, wuassu ringannu taumata woddo apan niumal᷊iwun awawawoddone.

YESAYA 56:9

Mawu nandolokku manga walahanna waine nirumanta ere winatangnga mal᷊aṛṛaga iapatambo uman-Ne.

DANIEL 11:2

Wuṛṛu apa apan ta'u iwisara si'o udde atonna.” Mala'ekatta udde mabbisara, “Siri tallu ratu waine sarun mamarenta Persia, tatantalongannu ratu aiappanne apan sarun lembon aalanne wuasi ngana'a waine. Su panginsueannu taṛṛinone wuṛṛu awawantuge, i tou sarun masasaruannu atatohanne ringannu araratuannu Yunani.

DANIEL 2:39

Arawe napawe araratuanni Tuangku nuddusse, sarun lumaputta araratuanna waine apan ahewalle tawe ere araratunni Tuangku. Wua'udde nilumapputte araratuanna atallune apan nisumandingngu wageangnge wuassu witu'a su paal᷊uanna udde, apan mamarenta ahewallu runia.

DANIEL 5:28

nitahia, araratuanni Tuangku tahianna wuṛṛu ionggolla su taumatan Media wuṛṛu Persia.”

DANIEL 7:4

Iapa paarorone lihidde ere singa, erawe i tou uatahuanna papaiddu manu'a garuda. Sutempo i ya'u ma'ellega si tou, inaṛṛombanganne papaidde nasawutta wuṛṛu napallossa; i tou nawengketta wuassu leta'a wuṛṛu niaparisikka su leddane ruan ba'a ere taumata wua'udde nionggol᷊annu ringiddu taumata.

DANIEL 7:6

Sutempo i ya'u tantal᷊anna manuntukka, nilumapputte winatangnga apan waine. Lihidde ere macan tutul, arawe su liudde pia appata papaiddu manu'u winalanganna, wuṛṛu puane appatta. I tou aellehanne masaṛṛaungnga.

HOSEA 13:8

I Ya'u sarun mamangalo si yamiu ere beruang apan niawul᷊iannau manga anangnge. I Ya'u sarun manggaissa si yamiu. Naal᷊ihidda singa i Ya'u sarun tumambo si yamiu su tampanu, wuṛṛu naal᷊ihidda winatangnga malaṛṛaga i Ya'u mangke manggesa'a si yamiu.

SONDAPPA 13:2

Winatangnga apan ta'u niasiloanna udde olangnge naal᷊ihidda ere macan tutul, wuṛṛu leddane naal᷊ihidda beruangnga, wuṛṛu sasumigge naal᷊ihidda sasumiggu singa. See winatangnga udde nionggol᷊annu naga atatohassi tou sassane, wuṛṛu adderan araratuanne, wuṛṛu taṛṛinone apan bahewalla.