DANIEL 7:24 - WUKE SUSI WATTI'U AL᷊AL᷊USASSA

²⁴ Su mapul᷊o tandu'a udde eteudde siri mapul᷊o ratu apan sarun mamarenta araratuanna udde. Wua'udde sangkatou ratu apan waine sarun dumanta; i tou sarun uapapaṛṛala atonna ringannu manga ratu apan paarororne, wuṛṛu i tou sarun mamaddon siri tallu ratu.

DANIEL 7:24 Iomraidhean Croise

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.

DANIEL 2:41

Ledda wuṛṛu manga tal᷊imaddon paal᷊uanna apan sambageanganna niola'a wuassu leta'a maṛṛamutta wuṛṛu sambageanganna atta'a udde, mapal᷊iatta'a manungku su allo addantane araratuanna udde sarun matahia. Araratuanna udde pia atatohanne see lai ana waugu leta'a maṛṛamutta udde pia lal᷊o'ane atta'a.

DANIEL 7:20

I ya'u maapulu lai maasingkatta su ola'u mapul᷊o tanndu'a su puane wuṛṛu su ola'u tandu'a addio'a apan tinumuwo sal᷊immurine ana see nanawutta tallun bua wuassu manga tandu'a apan paarorone udde. Tandu'a addio'a udde pia matane wuṛṛu moṛṛongnga apan mattal᷊imoṛṛonggannu ringanu mawunga. I tou lembon maata'utta wuassu manga tanda'u apan waine udde.

DANIEL 7:23

Ete indi tal᷊aane apan ta'u niasombanganna, “Winatangnga aiappanne udde eteudde araratuanna aiappanne apan sarun dumarisikka su ruania wuṛṛu sarun mapapaṛṛala ringannu manga araratuanna waine. Araratuanna udde sarun makkimunsa'a wuṛṛu mangalluppa ahewallu runia wuṛṛu maṛṛinda manga lambene.

SONDAPPA 12:3

See niasiloante apia su langitta sambau apan ma'aṛṛindu'a. Pia sambau naga maṛṛamu apan wahewalla atonna pia puane pitu wuṛṛu tatandunge mapul᷊o. Suapan puane pia araposan araratuanna.

SONDAPPA 13:1

Wua'udde i ya'u naasilo sambau winatangnga nilumapputa wuassu lal᷊ummu tahal᷊oangnga. I tou pia tatandunge mapul᷊o wuṛṛu puane pitu. Suapan tatandunge pia araposan araratuanna, wuṛṛu suapan puane uawoṛṛetta sambau aranna aal᷊uandaga su Ruata.

SONDAPPA 17:3

See Ghaṛṛahon Ruata nangintaṛṛo si ya'u, wuṛṛu mala'ekatta udde nangapi'u watukku wadda'a. Poiaroddi ya'u naasilo sangkatou wawine ua'ianna su wowon sambau winatangnga wambul᷊une maṛṛamu uaitumma, wuṛṛu napenem boṛṛetta ringannu manga aranna aal᷊uandaga su Ruata. Winatangnga udde puane pitu wuṛṛu tatandunge mapul᷊o.