DANIEL 7:21 - WUKE SUSI WATTI'U AL᷊AL᷊USASSA

²¹ Sutempo i ya'u mannutukka tandu'a udde, tandu'a udde uapapangalo mando'appa umattu Ruata wuṛṛu namaddon mangitou.

DANIEL 7:21 Iomraidhean Croise

DANIEL 11:31

Wua'udde i tou nangirimmu tantarane iapal᷊al᷊eo Wal᷊en Mawu. I mangitou sarun mamappassa sasamba miallo-miallo wuṛṛu mapararisikku sambau apan maata'utta apan isassaggo Alaleo apan makkimunsa'a.

DANIEL 12:7

Taumata waine udde namatte na ta'iakke ruan ba'a watukku langitta. I ya'u naaringikka i tou nassalu ringannu arannu Ruata apan awasa wuṛṛu nabbisara, “Manga arariadianna udde umamatta al᷊annune tatallu setenga su tonnane. Napawe pandal᷊al᷊eo su saruannu umattu Ruata nasuete, ne masuete lai manga arariadianna apan maatiangnga udde.”

DANIEL 7:20

I ya'u maapulu lai maasingkatta su ola'u mapul᷊o tanndu'a su puane wuṛṛu su ola'u tandu'a addio'a apan tinumuwo sal᷊immurine ana see nanawutta tallun bua wuassu manga tandu'a apan paarorone udde. Tandu'a addio'a udde pia matane wuṛṛu moṛṛongnga apan mattal᷊imoṛṛonggannu ringanu mawunga. I tou lembon maata'utta wuassu manga tanda'u apan waine udde.

DANIEL 8:12

Ana see manga taumata poiaroddi mannattakke ma'ola'a rosa wuṛṛu tawe mangonggollu manga sasamba apan buatte niema'a su leta'a. Tandu'a udde mahessi sulal᷊ummu al᷊awo'u inolaanne.

DANIEL 8:24

I tou sarun maola'a matohassa atonna, arawe wal᷊ine ana waugu atatohanne sassane. I tou sarun mandantan papate apan maata'utta wuṛṛu al᷊awo'u apa apan niolangnge sarun mahessi. I tou sarun mamate manga taumata matohassa wuṛṛu umattu Ruata.

DANIEL 8:9

Wuassu wallattu sambau tandu'a udde tinuwuwote tandu'a addio'a apan nabbal᷊i lembon masallakka wuṛṛu taṛṛinone naddatingngu timukka, watukku ra'i wuṛṛu watukku leta'a apan maṛṛansangnga.

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

SONDAPPA 17:6

See i ya'u naasilo manungku wawine udde niwu'annu ṛaṛṛam walahannu Ruata wuṛṛu ṛaṛṛa manga taumata apan nipate ana waugu matuṛṛuta Mawu Yesus. Su tempo i ya'u naasilo wawine udde, ya'u tinumiangnga.

SONDAPPA 19:19

Wua'udde i ya'u naasilo winatangnga udde, wuṛṛu manga ratun runia ringannu manga ammul᷊annu tantara mangitou, uaammulla mapapangalo lumawanna si Tou apan uasa'e awal᷊o mawira udde, wuṛṛu manga tantara-Ne.