DANIEL 7:14 - WUKE SUSI WATTI'U AL᷊AL᷊USASSA

¹⁴ I tou nionggol᷊annu aaddata wuṛṛu taṛṛino ere sangkatou ratu, na'oman sara manga taumata wuassu al᷊awo'u walahanna, ṛuangannu walahanna wuṛṛu wahasa mattaṛṛamawu si tou. Taṛṛinone sarun mattaṛṛangnga saran mal᷊annu-l᷊annu, pamamarentane tawe iawaddo.

DANIEL 7:14 Iomraidhean Croise

DARALO 102:22

Ne aran-Ne sarun iapasingkatta su Sion, ne i Tou sarun raloanna su Yerusalem,

DARALO 103:19

Mawu uaparenta su surga, i Tou ratu apan uataṛṛino al᷊awo'a.

DARALO 145:13

Pamamarenta-Nu sidutu su al᷊o'engngu tempo, taṛṛino-Nu mattaṛṛangnga maṛṛawa mappulunna. Mawu matuṛṛutta su anambon paaire-Ne, i Tou napenen darangngu sulal᷊ummu al᷊awo'u inolaan-Ne.

DARALO 146:10

Mawu uddewe Ratu saran mal᷊annu-l᷊annu. Ei Sion, Ruatanu uataṛṛino al᷊annune su al᷊awo'u tempo. Paddalote Mawu!

DARALO 45:6

Anaannu apan maṛṛoro nallappasa su pappuson seennu, manga walahanna nanawo su saruannu leddanu.

DARALO 72:11

Anambon ratu sarun umal᷊intudda su saruanne, al᷊awo'u walahanna mabbal᷊i allangnge.

DARALO 72:17

Antimanna arannu ratu sidutu nanaunganna saran mal᷊annu-l᷊annu, wuṛṛu tumelengke saran matannallo ta'e pia. Antimanna manga walahanna madoronga al᷊amatanna ere i tou, wuṛṛu anambon taumata mannagone lal᷊umanna'a.

DARALO 8:6

Arawe I'o napararisikki tou maranin mappatakku Ruata, I'o nalluṛen ararosan awawantuga wuṛṛu aaddata.

YESAYA 16:5

Wua'udde sangkatou suwallattu papapulunni Daud sarun maola'a ratu, wuṛṛu i tou sarun mamarenta pabbawalage ringannu darangngu wuṛṛu satia. I tou sarun mandisikku atatul᷊idda wuṛṛu mal᷊ihakka mammanara ma'ola'a apapia.)

YESAYA 60:12

Walahanna wuṛṛu araratuanna apan maddiri tumuṛṛutta si'o, sarun mate wuṛṛu mawul᷊i tawe baddi'a.

YESAYA 9:6

I Tou mamarenta maola'a sangkatou ratu papulunni Daud, taṛṛinone tumaniten bahewalla. Wanuane sidutu su paddarame wuṛṛu su lal᷊umanna'a; pamamarentane nirapappakka su tita wuṛṛu atatul᷊idda orassa indi maddatingngu mal᷊annu-l᷊annu. Mawu Apan Lembontaṛṛino sarun manuungngu udde.

YESAYA 9:7

Mawu buatte nangema'u ṛuumanna su araratuannu Israel.

DANIEL 2:35

Sutempo udde lai ahewallu paal᷊uanna udde naṛṛa'a wuṛṛu naola'a ombon atta'a, leta'a maṛṛamutta, witu'a, sal᷊a'a, wuṛṛu wul᷊awanna apan naṛṛimunsa'e ere awu su tampa paṛṛindanna gandumma sutempon paddissa. Ombone udde nassal᷊iawukke nitiuppu anginna, na'oman sara tawe nanantangngu lannangnge saran addio'a. Arawe watu apan napaṛṛa'an paal᷊uanna udde nabbal᷊i lembon wahewalla ere wowone wuṛṛu namene ahewallu runia.

DANIEL 2:37

Apan mawantuga Tuangku uddewe ratu wuassu al᷊awo'u ratu; Ete Tuangku apan lembon uataṛṛino. Ruata su surga buatte nangonggollu si Tuangku araratuanna indi, taṛṛino, atatohassa wuṛṛu awawantuga.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

DANIEL 4:3

Tumaniten bahewalla atatiangnga apan niolang-Nge! Tumaniten bahewalla al᷊aṛṛindu'a apan niolang-Nge! Ruata sarun maola'a ratu sarangkal᷊o'engnge. I Tou uataṛṛino su al᷊o'engngu tempo.”

DANIEL 6:26

Wua'udde Ratu Darius nangirimmu suratta su manga taumata suassu al᷊awo'u walahanna, ṛuangannu walahanna wuṛṛu wahasa su ahewallu runia, “Tabbean paddarame!

DANIEL 7:18

Arawe umattu Ruata Apan Atanggaṛṛanne sarun manengkamma manara ipamarenta wuṛṛu pamamarentane sarun mattaṛṛangnga saran mal᷊annu-l᷊annu.”

DANIEL 7:27

Taṛṛino wuṛṛu awawantugu al᷊awo'u araratuanna su runia sarun ionggolla su umattu Ruatu Apan Atanggaṛṛanne. Taṛṛinon mangitou ipamarenta tawe panguddusanne wuṛṛu anambon tembonanne su runia sarun mattaṛṛamawu si mangitou ringannu matuṛṛutta.”

OBAJA 1:21

Tumana'u Yerusalem apan matohassa sarun mamangalo Edom wuṛṛu mamaddone. Ne i Ya'u Mawu sarun mamarenta maola'a ratu.”

MIKHA 4:7

I mangitou buatte niapal᷊ome wuṛṛu marau wuassu ampungnga inasungkanganne. Arawe, wuassu manga taumata apan nalambe udde i Ya'u sarun manattakku sambau pallaṛṛite apan wakku. I mangitou sarun maola'a walahanna apan wahewalla wuṛṛu matohassa. I Ya'u sarun mamarenta si mangitou su Wuiddu Sion saran mal᷊annu-l᷊annu.”

MATIUS 11:27

See Mawu Yesus nabbisara, “Sarangkanambone suete tinantillu Mawu Iamangnga si Ya'u. Tawe sangkatou masingkattu Ana'a, tumba'u Mawu Iamangnga. Tawedu lai apan masingkattu Mawu Iamangnga, tumba'u Ana'a, wuṛṛu manga taumata, ete sisai Ana'a udde mamasingkattu Mawu Iamangnga.

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

LUKAS 1:33

Wuṛṛu i Tou sarun mamarenta ere sangkatou ratu wuassu papapulunni Yakub saran mal᷊annu-l᷊annu. Araratuan-Ne tawe panginsueanne.”

LUKAS 10:22

Sarangkanambone suete tinantillu Iamangnga si Ya'u. Tawe saran sangkatou ma'aillal᷊a Ana'a tumba'u Iamangnga. Tawe saran sangkatou maaillal᷊a Iamangnga tumba'u Ana'a, wuṛṛu su manga taumata ete sisai Ana'a udde iapaasingkattu Iamangnga.”

YOHANES 12:34

Manga taumata nambo udde nabbisara si Tou, “Tumuṛṛuttu Wuken Titang kami, Ratun Punnu Sal᷊amatta sarun mabbiakka sarangkal᷊o'engnge. Ereapa I'o wotongnge mabbisara manungku Ana'u Taumata ṛinone iruitta su wowon runia? Isai Ana'u Taumata udde?”

YOHANES 3:35

Iamangnga mandangngu Anang-Nge, wuṛṛu suete nanantillu taṛṛino si Tou.

IBRANI 12:28

Ana waugu udde, ṛinone i ite ma'adiangkamanna su Ruata, ana waugu i ite nanengkamma wuassi Tou sambau araratuanna apan tawe umio'a. Ṛinone i ite ma'adiangkamanna wuṛṛu mattaṛṛamawu Ruata ringannu addata wuṛṛu atata'utta, tumuṛṛuttu pallal᷊agu apan ipa'apulu-Ne sassane.

1 PETRUS 3:22

wuṛṛu suete nasengkenga su surga. Orassa indi i Tou uataṛṛino suaddio'a ringannu Ruata wuṛṛu uaparenta anambon malaekatta, anambon tembonanne see lai anambon atatohassa.

SONDAPPA 1:6

wuṛṛu nandiadi si ite sambau walahannu manga imam, apan mangngimbe Ruata, Iamang-Nge. Mawu Yesus Kristus eteudde awantuhanne wuṛṛu uataṛṛino sarangkal᷊o'engnge. Amin!

SONDAPPA 11:15

See mala'ekatta appitune nattiuppe trompeti tou, ne su surga niaṛṛingiṛṛante manga tingikka ma'ikkatta apan mabbisara, “Taṛṛino ipamarenta runia orassa indi sulal᷊ummu lima Mawung kite wuṛṛu Ratum Punnu Sal᷊amatta apan suete pina'ire-Ne. I Tou sarun mamarenta saran mal᷊annu-l᷊annu!”

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

SONDAPPA 3:21

I mangitou apan naauntunga, sarun Ta'u iwala uma'ianna su adderan araratuang-Ku su sambau ringang-Ku, ere i Ya'u sassane lai suete na'auntunga wuṛṛu orassa indi ua'ianna suadio'a ringannu Iamang-Ku su adderan araratuan-Ne.