DANIEL 7:1 - WUKE SUSI WATTI'U AL᷊AL᷊USASSA

^1-2 Surabbi sambau, su tonna paarorone Belsyazar naola'a ratu su Babel, i ya'u, Daniel nabbal᷊iawa wuṛṛu naasomba sondappa. Wal᷊iawa udde ta'u niwoṛṛetta wuṛṛu wawal᷊o su ola'u sonda'u ere manansunna indi: Anginna ma'ikkatta nattiuppa wuassu al᷊awo'u pappi'uanne wuṛṛu pangillul᷊eanne tandi'a wahewalla su tahal᷊oangnga.

DANIEL 7:1 Iomraidhean Croise

PANDARIADDI 15:1

Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

PANDARIADDI 46:2

Sulal᷊ummu sambau aellega su tempo ṛabbi, Ruata nabbisara si tou, “I Yakub, i Yakub!” “I ya'u, Mawu,” sasimbakke.

AYUB 4:13

Atatii'u nasal᷊awaanna wuṛṛu nassongkakka si tou, naal᷊ihidda niwal᷊iawanna lal᷊eo su ṛabbi wasa.

YESAYA 30:8

Ruata nandolo'u niapawoṛṛettu al᷊al᷊eon uman-Ne sulal᷊ummu sambau wuke maola'a pananaunganna saran mal᷊annu-l᷊annu.

YESAYA 8:1

Mawu nabbisara si ya'u, “Panganute sambau watunlei wahewalla, ana see'e woṛṛeta'e ringannu manga huruppa apan masemakka: ‘Pallaṛṛampassa apan Matal᷊ingkassa, Pangangaṛṛo apan Mal᷊ihakka.’

YEREMIA 23:28

Nabi apan nabbal᷊iawa ṛinone mabbisara, ‘Indi tumba'u wal᷊iawa.’ Arawae nabi apan naasomba tanata wuassia-U ṛinone mamasingkattu tanata udde ringannu atonna. Gandumma tawe iasul᷊ungngu laṛṛami.

YEREMIA 27:7

Al᷊awo'u walahanna sarun mattaṛṛamawu si tou, su parinsine, wuṛṛu su pulunne maddatingngu tempone araratuanne sassane manawo. Sutempo udde walahannu Babel sarun mattaṛṛamawu su manga walahanna apan matohassa wuṛṛu manga ratu apan bahewalla.

YEREMIA 36:32

Ne i ya'u nanganu buke lalul᷊unna apan bakku, wuṛṛu nionggolla si Barukh ruddutul᷊i'u. Ana see i tou namoṛṛettu sarangkanambone apan ta'u niampona si tou, eteudde lal᷊oṛṛon buke lalul᷊unanna apan paarorone nitambannu lai manga pira tanata waine ereudde.

YEREMIA 36:4

Ana waugu udde i Ya'u namaggo si Barukh ana'i Neria wuṛṛu nangampona si tou anambon bisara Mawu si ya'u. Ne i Barukh namoṛṛettu sarangkanambone sulal᷊ummu buke lalul᷊unanna udde.

YEHEZKIEL 1:1

Su allo al᷊imane wul᷊anna aiappanne su tonna tallun pul᷊o, sulal᷊ummu tonna al᷊imane ro'en i Ratu Yoyakhin niapidda su pamamuanganna, i ya'u, Imam Yehezkiel ana'i Busi, isudde su winggin Sal᷊ukku Kebar su Babel suadio'a ringannu manga taumatan Yahudi apan niwuangnga waine. Inaṛṛombanganne langitta nawu'a wuṛṛu i ya'u naasomba sondappa su ola'u Ruata. I ya'u naaringikka Mawu nabbisara si ya'u wuṛṛu i ya'u naapendamma atatohassu taṛṛino-Ne.

YEHEZKIEL 40:2

Sulal᷊ummu sambau aellega, Ruata nangapi'u watukku leta'u Israel wuṛṛu i ya'u niaddo su wowone apan atanggaṛṛanne. Su saruangku aellehangku ammul᷊annu bangunanna naal᷊ihidda sambau soa.

DANIEL 1:17

Ruata nangonggolla su umbasanna siri appatta udde asingkatta wuṛṛu apande sulal᷊ummu aimpal᷊ukka wuṛṛu apanden passi'ol᷊anna. Wal᷊ine wua'udde lai si Daniel nionggol᷊an-Ne lai apande ipanal᷊a'an sondappa wuṛṛu wal᷊iawa.

DANIEL 2:1

Su sambau ṛabbi darua su tonnane napawe Ratu Nebukadnezar mammarenta, i tou nabbal᷊iawa. Wal᷊iawane udde aroddi naasusa naungnge, na'oman sara i tou tate lai maatiilla.

DANIEL 2:26

Ne nabbisarate ratu si Daniel apan isassaggo lai atappasanne, “Wotongngewe i'o mamasingkatta si ya'u wal᷊iawa'u wuṛṛu lai Beltsazar?”

DANIEL 4:13

Sutempo i ya'u tantalanna maṛṛingiddu sondappa udde, i ya'u naasilo sangkatou mala'ekatta wuassu surga; i tou aellehanna uasaddia wuṛṛu uatehamma.

DANIEL 4:5

Arawe su sambau rabbi sutempo i ya'u tantal᷊anna mattiilla, i ya'u nabbal᷊iawa wuṛṛu naasomba sambau sondappa apan lembon maasinggawangnga naungku.

DANIEL 5:1

Su allo sambau Ratu Belsyazar nannote saṛṛiwu su atoune manga tembaonanne rumanta su andeangnge apan apianne, wuṛṛu ma'inumma anggore.

DANIEL 5:22

Arawe anangnge esakka, eteudde Tuangku sassane, maddiri mapaawawon watanganne, salaiwe Tuangku masingkattu sarangkanambone udde.

DANIEL 5:30

Su rabbi udde lai nippatete Belsyazar ratun Babel udde.

DANIEL 7:13

Sulal᷊ummu sonda'u rabbi udde, i ya'u naasilo sambau lihidde ere taumata. I Tou nirumanta ringanni papal᷊iwutannu winabbawa ana see inaite ringannu Tou apan wiakka saran mal᷊annu-l᷊annu wuṛṛu niapasingkatta si tou.

DANIEL 7:15

Manga sondappa apan ta'u niasiloanna udde maawingo wuṛṛu maasinggawangnga naungku.

DANIEL 7:7

Sutempo tantal᷊anna i ya'u ma'ellega si tou, winatangnga aiappanne nilumapputa. I tou tumaniten matohassa wuṛṛu wahewalla see maata'utta. Ringannu manga isine apan masallakka wuṛṛu wahewalla see maata'utta. Ringannu manga isine apan masallakka wuṛṛu ere aattiku atta'a, i tou nakkimunsa'a wuṛṛu niuminassa wiakke, ana see mangke naṛṛinda manga lambene. Uapapaṛṛalan ringannu manga winatangnga dorone i tou uatahuana tandu'a mapul᷊o.

DANIEL 8:1

Su tonna atallune pamamarentan Ratu Belsyazar, i ya'u naasomba sondappa aruane.

YOEL 2:28

“Wua'udde sal᷊immurine anambon taumata sarun Ta'u onggol᷊annu ghaṛṛaho-U. Ne manga anangngu umbasanna maṛṛuala sarun mamasingkattu manga tanata-U; manga matatimmade suwallannu sarun maasomba wal᷊iawa sodappa sarun ionggolla su manga umbasanna maṛṛuala.

AMOS 3:7

Mawu Apan Atanggaṛṛanne taambe saran paassa mapaamattu sambau manara ringannu tawe mamasingkattu ṛiin-Ne su manga nabi, manga allang-Nge.

HABAKUK 2:2

Mawu sinumimbakka si ya'u arendi, “Uitte ringannu matualaga pesangngu lete'a maṛṛamu, apa apan Ta'u niapasingkatta si'o tadea'u wotongnge iawasa ringannu mal᷊uassa.

REENGANNA 12:6

wuṛṛu Mawu nabbisara, “Paddaringikke manga wisara-U indi! Amungkangngu suwallati yamiu pia sangkatou nabi, i Ya'u mapal᷊iatta'u watangang-Ku si tou sulal᷊ummu manga aellega, wuṛṛu maggahatton tou sulal᷊ummu wal᷊iawa.

ROMA 15:4

Sarangkanambone apan nawoṛṛette sulal᷊ummu Wuke Susi udde ipannantiro si ite. Ana waugu al᷊aṛṛa'a apan nisengkammi ite wuassu Wuke Susi mammal᷊u si ite maola'a masabbare wuṛṛu matohassa na'oman sara i ite wotongnge mangngantimma Ruata.

2 KORINTUS 12:1

Atonna tawe auntunganne amungkangngu mamarabunga. Arawe i ya'u lai maapulu mamarabunga manga inolaanna apan niapaasilon Duata si ya'u sulal᷊ummu sondapa ara'e sulal᷊ummu aellega.

SONDAPPA 1:19

Ana waugu udde woṛṛetta'a manga inolaanna apan niasiloannu, eteudde manga inolaanna apan sarun mariaddi orassa indi wuṛṛu manga inolaanna apan sarun mariaddi sal᷊immurine.

SONDAPPA 10:4

Aroddi pitu rallu'a udde nattingikka, i ya'u ma'apulu mamoṛṛettu apa niwisarane, arawe i ya'u naaringikka tingikka wuassu surga nabbisara, “Arie pabbattia'u apa apan niwal᷊om pitu rallu'a udde; arie pabboṛṛeta'a!”