DANIEL 5:8 - WUKE SUSI WATTI'U AL᷊AL᷊USASSA

⁸ Manga mapapande inaite, arawe tawe saran sangkatou wussai mangitou wotongnge maawasan woṛṛetta udde ara'e mamasingkatta atappasanne su ratu.

DANIEL 5:8 Iomraidhean Croise

PANDARIADDI 41:8

Marua allone ratu sussinggawangke, ana waugu udde i tou nandolokka niapawago anambon taṛṛa pani'atta wuṛṛu taumata pia asingkanne su Mesir. Ana see nabbati'u wal᷊iawane si mangitou, arawe tawe saran sangkatou apan botongnge manal᷊a'an atappasanne.

YESAYA 47:9

Arawe tumba'u sangkaṛṛondapa, sulal᷊ummu allo massallo, hatto darua udde sarun mariaddi maṛṛindo'a. Salaiwe i'o mappaattu wal᷊i'imata wuṛṛu laṛṛopa, awingngu esakka wuṛṛu anangungu insueanna lai.

YEREMIA 50:35

Mawu nabbisara, “Matete Babel suadio'a ringannu tumanangnge wuṛṛu tembonannu araratuanna see lai manga mapapande mangitou!

DANIEL 2:27

Daniel sinumimbakka, “ Tuangku, tawe taumata pia asingkanne, taṛṛa roa, manani'atta ara'e masasingkattu anampitanna apan wotongnge mamasingkattu olangnge udde si Tuangku.

DANIEL 4:18

Ei Beltsazar, eteudde wal᷊iawa'u. Orassa indi pasingkata'e si ya'u atappasanne. Tawe saran sangkatou wuassu manga mapapande apan uatana'a su araratuangku wotongnge mamasingkatta si ya'u, arawe i'o wotongnge, ana waugu i'o niintaṛṛoannu ghaṛṛahon manga monganna apan susi.”

DANIEL 4:4

I ya'u uatana'a ringannu paddarame sulal᷊ummu wal᷊en araratuangku wuṛṛu mabbiakka ringannu nasuungnga.

DANIEL 4:7

Arawe sutempo manga taṛṛa si'atta, taṛṛa ropa, manga taumata pia asingkanne wuṛṛu mapapanden anumpitanna udde nirumanta wuṛṛu ta'u niwatti'a wal᷊iawa'u udde si mangitou, tawe saran sangkatou apan wontongnge manal᷊a'an atappasanne.

DANIEL 5:15

Manga mapapande wuṛṛu manga taṛṛa si'atta buatte naannamma mabbasan woṛṛetta indi wuṛṛu mamasingkattu atappasanne si ya'u. Arawe i mangitou tawe maawal᷊o.