DANIEL 5:7 - WUKE SUSI WATTI'U AL᷊AL᷊USASSA

⁷ Ringannu mangngintul᷊i i tou maddorongnga tadea'u manga taṛṛa si'atta, taṛṛa ṛopa wuṛṛu mapapaden anumpitanna waggoanna. Sutempo i mangitou nirumanta, ratu nabbisara, “Isai-sai wotongnge maawasan woṛṛetta udde wuṛṛu mamasingkattu atappasanne si ya'u, sarun ta'u onggol᷊annu laubba araratuangku juba ungu wuṛṛu wual᷊awanna tatialan aadatta. Wal᷊ine wua'udde lai i tou sarun ta'u itenega maola'a tembonannu atallune sul᷊ummu araratuangku.”

DANIEL 5:7 Iomraidhean Croise

PANDARIADDI 41:8

Marua allone ratu sussinggawangke, ana waugu udde i tou nandolokka niapawago anambon taṛṛa pani'atta wuṛṛu taumata pia asingkanne su Mesir. Ana see nabbati'u wal᷊iawane si mangitou, arawe tawe saran sangkatou apan botongnge manal᷊a'an atappasanne.

ESTER 3:1

Manga pira tempo wua'udde Ratu Ahasyweros nananegu sangkatou aranne Haman maola'a perdana menteri. Haman uddewe ana'i Hamedata wuassu papapulunni Agag.

SASABANGNGA 7:11

Ana waugu udde ratu lai namaggo manga taumatane apan pia asingkanne wuṛṛu taṛṛa wal᷊iimata, ana see i mangitou lai na'ola'a aroddi ringannu apande mangitou.

AMSAL 1:9

ana waugu manga al᷊aṛṛa'i mangitou maatamba apapianu naal᷊ihidda lal᷊ogakku pua wuṛṛu wul᷊ele apan maaṛṛamaga pahuddu.

ANTARI MAWANTUGA 1:10

Wambalanu maṛṛamaga su pattangngannu lal᷊ogakka, ullekkanu maṛṛansanga ringannu wul᷊ele permata.

YESAYA 47:13

I'o masahadda ana waugu tumanite manambo tatantiro. Doloṛṛa'e manga manani'atta iapasal᷊amatta si'o; i mangitou apan buatte nanaṛṛassidda al᷊awo'u pappi'uannu langitta wuṛṛu nassi'ol᷊a manga anumpitanna, wuṛṛu suapan bul᷊anna wakku manni'attu apa apan sarun maola'a pal᷊addu pabbiaṛṛannu.

YEREMIA 50:35

Mawu nabbisara, “Matete Babel suadio'a ringannu tumanangnge wuṛṛu tembonannu araratuanna see lai manga mapapande mangitou!

YEHEZKIEL 16:11

Ta'u nilogakka i'o ringannu permata, wul᷊ele wuṛṛu manga hal᷊angnga.

DANIEL 1:20

Suapan ratu mangapiddu hatto apan ipappandumma tal᷊aane wuṛṛu ṛingiranna, i tou naasilo manungku tatantiro wuṛṛu sasimbakka wuassu anambon taṛṛa si'atta see lai mapapanden pasangkadda su ahewallu araratuanne.

DANIEL 1:4

I mangitou ṛinone manga umbasanna apan tawe sangkulle. I mangitou ṛinone maṛṛamaga, matanggakka si'ol᷊ane, pande wuṛṛu assingkanne manambo see lai wotongnge mammanara sulal᷊ummu wal᷊en araratuanna. Aspenas ṛinone manantiro si mangitou mabbasa wuṛṛu mamoṛṛettu sinaukku Babel.

DANIEL 2:2

Ana waugu udde aroddi i tou namaggo taṛṛa si'atta, taṛṛa ropa, taṛṛa pasangkadda wuṛṛu manga taumata pia asingkanne, tadea'u iapatal᷊a'an wal᷊iawane udde.

DANIEL 2:27

Daniel sinumimbakka, “ Tuangku, tawe taumata pia asingkanne, taṛṛa roa, manani'atta ara'e masasingkattu anampitanna apan wotongnge mamasingkattu olangnge udde si Tuangku.

DANIEL 2:48

Wua'udde Daniel nionggol᷊annu aiananne apan matanggaka, wuṛṛu nilantaṛṛanne ringannu manambo aonggola apan mangkapia, wuṛṛu nitenega naola'a gubernure su Babel, see niolangnge piaṛṛa'a atanggaṛṛanne su anambon mananantiro su wal᷊en araratuanna.

DANIEL 2:6

Arawe amungkangngu i yamiu wotongnge, i yamiu sarun ta'u onggol᷊annu aonggolla apan mangkapia see lai aadata apan wahewalla. Ne, orassa indi pasingkata'e wal᷊iawa'u udde ringannu atappasanne!”

DANIEL 4:14

Ringannu tingikka ma'ikkatta i tou nabbisara, ‘Tuwangke alu udde wuṛṛu tontote manga rannane, tontonga'e manga rongngane wuṛṛu sal᷊iawuṛṛa'e manga wuane. Limbuaṛṛete manga winatangnga apan ual᷊allowangnga su al᷊ungnge wuṛṛu manga manu'u winalanganna apan massal᷊akka su manga rannane.

DANIEL 5:11

Ana waugu sulal᷊ummu araratuanni Tuangku pia sangkatou esakka apan aintaṛṛoannu ghaṛṛahon manga monganna apan susi. Sutempo pamamarentan iamangngi Tuangku, taumata udde niatialanna uatahuanna asingkata, pasasunna wuṛṛu apande, apan ere apandean manga monganna. Iamangngi Tuangku Ratu Nebukadnezar buatte nanenegi tou naola'a piaṛṛa'u manga mapapanden taṛṛa si'atta, taṛṛa ṛopa, wuṛṛu manga taumata pia asingkanne wuṛṛu mapapanden anumpitanna.

DANIEL 5:15

Manga mapapande wuṛṛu manga taṛṛa si'atta buatte naannamma mabbasan woṛṛetta indi wuṛṛu mamasingkattu atappasanne si ya'u. Arawe i mangitou tawe maawal᷊o.

DANIEL 5:16

Wakkute ta'u niaringiṛṛanna manungku i'o wotongnge maasi'attu al᷊awo'u andeangnga wuṛṛu mamasuingkattu manga hatto apan masahadda. Amungkangngu i'o wotongnge maawasan woṛṛetta indi wuṛṛu mamasingkattu atappasanne si ya'u sarun ta'u onggol᷊annu laubbu araratuanna juba ungu wuṛṛu wul᷊awanna tialan aaddatta. Wal᷊ine wua'udde lai i'o sarun ta'u itenega maola'a tembonanne atallune sulal᷊ummu araratuangku.”

DANIEL 5:29

Ringannu mal᷊ihakka Belsyazar namarenta manga mamanarane tadea'u malluṛṛe si Daniel juba ungu wuṛṛu mangelen wul᷊ele wul᷊awanna su ullakkane. Wua'udde i tou nanenegi Daniel naola'a tembonanne atallune salul᷊ummu araratanne.

REENGANNA 22:17

I ya'u sarun mangonggolu lal᷊antakke apan manambo atonna, wuṛṛu tumuṛṛutta al᷊awo'u wisaranu. Rantate, wuṛṛu wontohete walahanna udde huna'u.”

REENGANNA 22:7

Ne inaite manga piaṛṛa'u taumatan Moab wuṛṛu Midian udde ringannu uaapiddu lal᷊antakke si Bileam tadea'u i tou ma'apulu mamontoga taumatan Israel. Napawe na'omate ringanni Bileam, i mangitou nabbal᷊o si tou tanatan Datu Balak.

REENGANNA 24:11

Orassa indi i'o wotongnge inai, apul᷊ete watukku wal᷊enu! I ya'u naddiandin lal᷊antakke si'o, arawe Mawu tawe namalanu manengkamma lal᷊antakke udde.”

1 SAMUEL 17:25

“Pa'ellege si tou!” Wisaran mangitou sandingananna. “Paddaringikka manga wisara wawansage! I Saul ratun kite buatte naddiandi manungku isai apan naapate si Goliat, sarun onggol᷊annu aonggolla apan bahewalla. Ratu lai sarun mangawingngu taumata udde su anangnge maṛṛuala. Wuṛṛu amonanne manattakka wuassu iamangnge iliudda wuassu pamamaekka wose.”