DANIEL 5:6 - WUKE SUSI WATTI'U AL᷊AL᷊USASSA

⁶ I tou nabal᷊i namillossa wuṛṛu arodi ata'unne na'oman sara wuune mangngiladda.

DANIEL 5:6 Iomraidhean Croise

DARALO 22:14

I mangitou sinumaruanna si ya'u ringannu moṛṛongnga uanganga, naal᷊ihidda singa mammasingnga wuṛṛu tumambote.

DARALO 69:23

Wala'e sal᷊iwangngi mangitou mandantan asasilaka, wuṛṛu maola'a sedda su manga rahon mangitou.

YESAYA 35:3

Tohassawe ta'iakka apan lome, uattawe wu'u apan huggolle.

YESAYA 5:27

I mangitou sidutu uasaddia mapapangalo wuṛṛu tawe mamendamma lotakka. I mangitou lumobba matane ara'e aamatiil᷊anna.

YEREMIA 50:43

Naaringikka watti'a udde, ratun Babel nabbal᷊i nallome. I tou papal᷊iwutannu atata'utta, wuṛṛu uatataṛṛangnga ere wawine apan mangunsiwete.

YEHEZKIEL 21:7

Amungkangngu i mangitou maiwal᷊o anio i'o ma'u are, wal᷊oa'e manungku i'o massusa ana waugu watti'a apan sarun dumanta. Watti'a udde sarun maaola'a naungngi mangitou mata'utta, lima mangitou mallome, wuṛṛu wu'u mangitou mangngiladda, i mangitou sarun apadiannu ikkatta. Atonna tempone nia'omante, wuṛṛu sarangkanambone udde sarun mariaddi. I Ya'u Mawu Apan Atanggaṛṛanne buatte nabbisara.”

YEHEZKIEL 7:17

Suapan taumata sarun mallome limane wuṛṛu lumongkokka wuune.

DANIEL 2:1

Su sambau ṛabbi darua su tonnane napawe Ratu Nebukadnezar mammarenta, i tou nabbal᷊iawa. Wal᷊iawane udde aroddi naasusa naungnge, na'oman sara i tou tate lai maatiilla.

DANIEL 3:19

Ne sinumabbangke asasa'un Ratu Nebukadnezar su saruanni Sadrakh, Mesakh wuṛṛu Abednego, na'oman sara hatine maṛṛamutta. I tou namarenta tadea'u pandu'a olaanna paapitu al᷊osone wuassu wiasane.

DANIEL 4:19

Naaringikka udde, Daniel apan isassaggo lai Beltsazar, niṛṛumindu'a wuṛṛu tinumiangnga manga piran katempo. Ne i ya'u Ratu Nebukadnezar nabbisara si tou, “Beltsazar, ariete i'o suminggawangnga ana waugu wal᷊iawa wuṛṛu atappasanne udde.” Beltsazar sinumimbikka, “ Tuangku, apiawe eteapa unnuwisara manga arariadiana apan iraṛṛangngon wal᷊iwa udde naṛṛi'a su manga seetti Tuangku wuṛṛu wal᷊ine Tuangku.

DANIEL 4:5

Arawe su sambau rabbi sutempo i ya'u tantal᷊anna mattiilla, i ya'u nabbal᷊iawa wuṛṛu naasomba sambau sondappa apan lembon maasinggawangnga naungku.

DANIEL 5:5

Inaṛṛombanganne niasiloanna ta'iakku taumata apan mammoṛṛettu sambau wisara su darandungngu wal᷊en araratuanna su tampa apan asenaṛṛanne aatarangannu semaku sol᷊o na'oman sara ratu wotongnge maasilo ringannu matualaga.

DANIEL 7:28

Nattaalle isindi watti'a indi. I ya'u lembon sussinggawangnga na'oman sara nabbal᷊i namikkassa, arawe tawe saran sangkatou apan tau niwal᷊oanna su ola'u sarangkanambone udde.

NAHUM 2:10

Niniwe naṛṛimunsa'e, mal᷊annabba wuṛṛu nal᷊ol᷊okka. Naungnga nabbal᷊i maammi ana waugu matta'utta. Wantiṛṛanna nabbal᷊i lome wuṛṛu mangngindo. Ne anambon taumata nabbal᷊i namikkassa mawira-wira.

IBRANI 12:12

Ana waugu udde, tohasse limanu apan lome wuṛṛu wuunu apan mangngindo udde!