DANIEL 5:25 - WUKE SUSI WATTI'U AL᷊AL᷊USASSA

²⁵ Eteindi woṛṛette udde, ‘Ireengnga, ireengnga, itimbangnga, tahianna.’

DANIEL 5:25 Iomraidhean Croise

2 TAWARIKH 21:12

Ana see i Yehoram naasomba sangkul᷊appa suratta apan niwoṛṛetti Nabi Elia sutempo ta'e wiakka. Arendi tingikku suratta udde, “Mawu, Ruata apan sassubbanni Daud, sarun makkuumanni Tuangnga ana waugu i Tuangnga tawe nangaṛṛussa wal᷊iuddu iamangnga wuṛṛu iupungngi Tuangnga.

YESAYA 14:11

Dorone i'o wabbantuhannu musikku kecapi, arawe orassa indi i'o su tampaten araratuannu runian taumata nate. Manga ul᷊idda maola'a lallowangannu wuṛṛu oa'a maola'a tatimbuṛṛunnu!’

YESAYA 47:11

Arawe i'o sarun aṛṛiaannu silaka, pani'annu tawe maal᷊inda'u silaka udde. I'o sarun dantannu asasilaka, wuṛṛu tawe maaro'appa. Apapate sarun dumanta ringannu mamaṛṛoro, wuṛṛu tawe iaṛṛangngonu dorone.

YEREMIA 27:7

Al᷊awo'u walahanna sarun mattaṛṛamawu si tou, su parinsine, wuṛṛu su pulunne maddatingngu tempone araratuanne sassane manawo. Sutempo udde walahannu Babel sarun mattaṛṛamawu su manga walahanna apan matohassa wuṛṛu manga ratu apan bahewalla.

DANIEL 5:24

Ana wauga udde Ruata nandolokku ta'iakka niapawoṛṛettu tanata-Ne.

DANIEL 5:26

Wuṛṛu eteindi atappasanne: Ireengnga tempon pamamarentan Tuangku buatte nireengngu Ruata wuṛṛu niinsuene;

HABAKUK 2:7

Arawe ringannu tawe niapendamannu, i'o apan buatte namaddon taumata waine, sarun mabbalassalai wuṛṛu iwata'a mamaekka wangane. Manga seenu sarun dumanta wuṛṛu ma'ola'a si'o matta'utta. I mangitou sarunmangaṛṛo darotongngu!

LUKAS 1:51

Ringannu lima-Ne apan matohassa I Tou napaatal᷊ein taumata mawunga, wuṛṛu nanongkakku pandumanni mangitou.

LUKAS 12:20

Arawe Ruata nabbisara si tou, ‘Ei taumata woddo! Ṛabbi indi lai i'o sarun mate, see isai sarun manahuanna paa'ala apan suete niammullu hunam badangngu?’

1 SAMUEL 28:19

I'o wuṛṛu manga taumatan Israel sarun itantillu Mawu su taumatan Filistin. Tiṛṛabbi i'o wuṛṛu manga anangngu esakka sarun maammulla ringangku; ewe'e lai anambon tantaran Israel sarun itantillu Mawu su taumatan Filistin.”