DANIEL 5:23 - WUKE SUSI WATTI'U AL᷊AL᷊USASSA

²³ Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.

DANIEL 5:23 Iomraidhean Croise

PANDARIADDI 14:19

ana see nangal᷊amatta si Abram, wisarane, “Antimanna Mawu Ruata Apan Atanggaṛṛanne, apan buatte nandiaddi langitta wuṛṛu runia, mangal᷊amatta si Abram!

PANDARIADDI 2:7

Wua'udde Ruata nanganu leta'a sangkompenga, niola'a nabbal᷊i sangkatou taumata, ana see napaasabangu singangu apan mangngonggollu wiakka sulal᷊ummu loṛṛangu ngirunne; ne nabbiakke taumata udde.

2 MARARATU 14:10

I'o, Amazia, nabbal᷊ite mawunga, ana waugu i'o buatte namaddon taumatan Edom. Ne wal᷊inewe auntunganna udde wotongngete? Mappianne i'o paatana'e su wal᷊en! Ipa'ura maddea'a hatto tumba'u manilaka watangannu wuṛṛu tumana'u soanu?”

AYUB 12:10

I Tou mangngatokku wiakku al᷊awo'u riaddianna su runia; I Tou uataṛṛino niawan anambon taumata.

AYUB 31:4

Ruata sarun masingkattu al᷊awo'u inolaangku; I tou maasilo al᷊awo'un lempangku.

DARALO 104:29

Napawe I'o manaile, i mangitou nata'utta; napawe I'o manganu sasangngone, i mangitou mate, wuṛṛu mawelengnga mabbal᷊i awu ere paarorone.

DARALO 115:16

Langitta tumba'u pussa'an Mawu, arawe runia nionggolu Mawu su taumata.

DARALO 139:3

I'o maasilo si ya'u, mawae ete i ya'u mammanara ara'e mangngillol᷊o, I'o masingkatu al᷊awo'a apan ta'u mammanaranna.

DARALO 146:4

Amungkangu i mangitou mate, i mangitou mabbelengnga su leta'a; allo udde lai anambon hol᷊agi mangitou mawul᷊i.

AMSAL 20:24

Mawu buatte nanantunnu lal᷊annu pabbiaṛṛannu taumata su runia indi; waugu udde taumata tawe maasunna lal᷊annu pabbiaṛṛanne sassane.

YESAYA 13:11

Mawu nabbisara, “i Ya'u sarun makkuumannu runia ana waugu al᷊al᷊eone, wuṛṛu manga taumata lal᷊eo ana waugu rosa mangitou. Suapan taumata matanggakka naungnge sarun Ta'u iapawawo, taumata mawunga wuṛṛu maṛṛagissa sarun Ta'u iṛṛuumanna.

YESAYA 14:13

I'o mappulu suma'a su langitta wuṛṛu mangaddon adderan araratuannu roso su anumpitanna apan atanggaṛṛanne! Su ṛingiddu i'o wotongnge uma'ianna ere ratu roso su wowone su samba'an sawannakka, tampa manga monganna ma'ammulla.

YESAYA 2:12

Su allo udde Mawu Apan Lembontaṛṛino sarun mapawawon sarangkanambone apan mannanggakku watanganne wuṛṛu makkuumannu sarangkanambone apan mawunga wuṛṛu matanggakka.

YESAYA 33:10

Mawu nabbisara su walahanna udde, “Orassa indi Ya'u sarun dumarisikka wuṛṛu mammanarate mapal᷊iatta'u taṛṛino-U.

YESAYA 37:19

Manga monganni mangitou lai nitutungnga wuṛṛu niṛṛimunsa'a, ana waugu atonna manga monganna udde tawe taṛṛinone. I mangitou tumba'u paal᷊uanna wuassu alu wuṛṛu manga watu apan nilanginnu taumata.

YESAYA 37:23

Masingkattawe i'o isai apan lallelannu wuṛṛu aal᷊uandahannu udde? I Ya'u, Ruatan Israel, Ruata apan na'ukkassa.

YESAYA 42:5

Mawu Ruata nandiaddi wuṛṛu namilattu langitta; i Tou na'ola'a runia wuṛṛu al᷊awo'a apan tuttuwo su leata'a. I Tou nangonggollu sasangngo ipabbiakka wuṛṛu niawa. I Tou nangonggollu tanata indi su allang-Nge.

YEREMIA 10:23

Mawu, i ya'u masingkatta tawe saran sangkatou apan maataṛṛino manantunnu nasimme ara'e mangul᷊inna lal᷊annu pabbiaṛṛanne.

YEREMIA 48:26

Mawu nabbisara, “Moab pawu'ana'e, ana waugu i tou mammungan batanganne su saruang-Ku. I tou sarun tumal᷊inggi sulal᷊ummu mutane, wuṛṛu ilaggen taumata.

YEREMIA 50:28

Manga taumata apan tinumal᷊angnga watukku Yerusalem wuassu Babel mabbatti'a ereapa Mawu Ruatang kite mabbal᷊issa inolaannu taumatan Babel su Wal᷊en Babel.)

YEREMIA 50:29

Mawu nabbisara, “Doloṛṛa'e manga taṛṛa piti'a mamangalo Babel. Ammul᷊a'e suapan taumata apan pande mamiti'a. Talliwunete soa udde wuṛṛu arie pabbala'a saran sangkatou apan matal᷊angnga. Wal᷊isete anambon inolaanne wuṛṛu ola'e i tou uasul᷊ungngu inolaanne, ana waugu i tou buatte na'ola'a tawe addanne su saruang-Ku, Apan Lembonsusi, Ruatan Israel.

YEHEZKIEL 28:17

Hatinu apan maṛṛamaga naa'ola'a si'o mawunga wuṛṛu atatelengnga naaola'a si'o mammanara woddo. Ana waugu udde i'o Ta'u iwantinga su leta'a wuṛṛu Ta'u olaanna pananaunganna su manga ratu waine.’ ”

YEHEZKIEL 28:2

“Ei taumata apan mattate, wal᷊oa'e si ratun Tirus, apa apan i Ya'u Mawu Apan Atanggaṛṛanne mabbal᷊o si tou, ‘Ringannu mawunga i'o mangngantimma i'o monganna apan ua'ianna su pattangngannu tahal᷊oangnga. Wotongnge lai i'o mamunga ere monganna, arawe paanaunge, i'o tumba'u taumata wiasa.

YEHEZKIEL 28:5

Atonna, i'o pande maddagangnga wuṛṛu orassa indi naalate, wuṛṛu pa'aalanu udde naaola'a si'o mawunga!’ ”

YEHEZKIEL 31:10

Ana waugu udde, i Ya'u, Mawu Apan Atanggaṛṛanne, namasingkatta si'o apa apan sarun mariaddi su aal᷊uanna apan otongnge naddatingngu winabbawa udde. Ana waugu lembon matanggakka, i tou aatambanna wungane.

DANIEL 11:12

Wua'udde i tou sarun lumassa ana waugu auntunganne wuṛṛu ana waugu buatte namate manambo seetta, arawe i tou tawe sidutu uataṛṛino.

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

DANIEL 8:11

Ewe'e lai i tou mannal᷊u'atta panglima tantaran surga, napaaddon sasamba ia'onggolla miallo-miallo apan ia'onggolla su panglima udde, wuṛṛu napaaṛṛan wal᷊en patataṛṛamawuanna si tou.

HABAKUK 2:4

Wuṛṛu paanaungete: Taumata apan dal᷊eo tawe masal᷊amatta, arawe taumata apan tuttuṛṛutta apulun Duata sarun mabbiakka ana waugu tatuṛṛunne su Ruata.”

WATTI'U MANGA RASUL 17:25

I Tou lai tawe madorongnga tul᷊unganna su taumata, ana waugu ete i Tou apan mangngonggolu wiakka wuṛṛu sasangngo wuṛṛu manga al᷊awo'a su taumata.

1 KORINTUS 8:4

Su ola'u hatto u'anna anna apan buatte nionggola sasamba su paal᷊uanna, i ite masingkata manungku paal᷊uanna udde ere ola'u sambau apan tawe baddi'a. Wuṛṛu i ite masingkata lai manungku Ruata tumba'u sambau; tawe bal᷊ine.

1 TIMOTIUS 3:6

Sangkatou mallal᷊u'ada jamaatta tawe wotongnge taumata wakkute sinumutta Saṛṛani, ana waugu takka i tou mabbal᷊i mawunga see awontohanna ere Setanna dorone.

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.

SONDAPPA 9:20

Arawe lambem walahannu taumata apan tawe nipate manga asasusa udde, tawe lai manantangngu lanna'u lima mangitou sassane. I mangitou tawe illol᷊one massubba manga ghaṛṛaho lal᷊eo wuṛṛu manga paal᷊uanna wul᷊awanna, sal᷊a'a, witu'a, watu wuṛṛu alu apan tawe maasilo wuṛṛu tawe maaringikka, ara'e lai maa'amatta.

MAL᷊AṚṚUUNGNGA 16:23

Su allo sambau manga tembonannu Filistin na'ammula ma'ola'a andeangnga wuṛṛu suadio'a mangonggolu sasamba apan wahewalla si Dagon, monganni mangitou. I mangitou mangngantari, “Monganni ite buatte nangonggolu auntunganna si ite i Simson, seetti ite!”

1 SAMUEL 17:26

Ana see i Daud nabbisara, “Waṛṛani atonna taumatan Filistin apekka udde mannal᷊u'atta tantaran Duata apan biakka!” Wua'udde ya'u naiwal᷊o su sangkatou tantara, “Apate apan sarun ionggolla su taumata apan naapate taumatan Filistin udde wuṛṛu namappassa aal᷊uandaga wuassu Israel?”

1 SAMUEL 17:36

Allangngu buatte namate singa wuṛṛu beruangnga, wuṛṛu taumatan Filistin apekka udde lai sarun ta'u pateanna ere manga winatangnga udde, ana waugu i tou waṛṛani mangal᷊uandaga tantaran Duata apan biakka.