DANIEL 5:20 - WUKE SUSI WATTI'U AL᷊AL᷊USASSA

²⁰ Arawe sutempo i tou nabbal᷊i mawunga, tawe maddaringikka wuṛṛu maṛṛagissa, i tou niema'a wuassu adderan araratuanne na'oman sara i tou niawul᷊iannu awawantuge.

DANIEL 5:20 Iomraidhean Croise

2 MARARATU 17:14

Arawe Israel wuṛṛu Yehuda maddiri maddaringikka. Puan mangitou maatikka ere al᷊amonan mangitou tawe mangimanna Mawu, Ruatan mangitou.

2 TAWARIKH 32:25

Arawe ana waugu i tou mawunga, i tou tawe naadiangkamanna su apapia apan buatte nionggolu Mawu si tou. Ana waugu' udde Mawu nasa'u su Yehuda wuṛṛu Yerusalem.

2 TAWARIKH 36:13

Ratu Nebukadnezar buatte namata'i Zedekia massalu ringannu arannu Ruata manungku i tou sarun matuṛṛutta si Nebukadnezar. Arawe wua'udde i Zedekia namangalo si Nebukadnezar. Zedekia mangke tawe mangimanna Mawu, Ruatan Israel. I tou maddiri manantangngu manga rosane wuṛṛu maddiri mabelengnga ringannu Mawu.

SASABANGNGA 18:11

Orassa indi ya'u masingkatte manungku Mawu maggewal᷊anna wuassu anambon Mawu, ana waugu sarangkanambone udde niolang-Nge su tempo taumatan Mesir inolaanne tumaniten mawunga su saruannu taumatan Israel.”

SASABANGNGA 9:17

Salaiwe aroddi, i'o ta'e lai mawunga, wuṛṛu maddiri mamalan al᷊aṛṛana-U inai mapul᷊e.

SASABANGNGA 9:7

Ratu naiwal᷊o apa apan buatte nariaddi, ana see niwatti'a si tou manungku winatangngu taumatan Israel tawe saran sambau nate. Arawe ratu sidutu naungnge maattikka wuṛṛu maddiri mamallossu walahanna udde mapul᷊e.

AMSAL 16:18

Warabbunga pangillul᷊eanne awawinasa; atatanggakka pangillul᷊eanne ananawo.

AMSAL 16:5

Anambon taumata mawunga ipaddantinnu Mawu; i Tou tawe namalan mangitou mal᷊iu wuassu ṛuumanna.

YESAYA 47:1

Mawu nabbisara, “Ei, Babel, lintukke wuassu adderan araratuannu, wuṛṛu a'iante su awu. I'o tate mamunga wuṛṛu maṛṛamaga ere dorone.

YEREMIA 13:18

Mawu nabbisara si ya'u, “Doloṛṛa'a ratu wuṛṛu wo'i lumintukka wuassu adderan araratuanna, ana waugu makotane apan maṛṛansanga nanawite wuassu puane.

YEREMIA 19:15

manungku Mawu Apan Lembontaṛṛino, Ruatan Israel, nabbisara arendi, “Ana waugu mal᷊awangnga wuṛṛu maddiri maddaringikka, ne i Ya'u sarun mandantan su soa indi wuṛṛu su anambon ampungnga maranine al᷊awo'u asasilaka apan buatte Ta'u nihol᷊aga.”

YEREMIA 48:18

Ei tumana'u Dibon, sossokke wuassu manga tampanu apan mawantuga; a'iante su leta'a wuṛṛu su wowon awu. Ana waugu apan manggohohakku Moab wanuanu na'omate, wuṛṛu sarun makkimunsa'a anambon tanda batunu.

YEHEZKIEL 30:6

Mawu Apan Atanggaṛṛanne nabbisara, “Wuassu Migdol su sawannakka maddatingngu Aswan su timukka, anambon hawe Mesir sarun mapul᷊idda sulal᷊ummu pangalo. Wuṛṛu tantara Mesir apan mawunga udde sarun maṛṛimunsa'a uatal᷊eṛṛonga. I Ya'u Mawu Apan Atanggaṛṛanne buatte nabbisara.

YEHEZKIEL 31:10

Ana waugu udde, i Ya'u, Mawu Apan Atanggaṛṛanne, namasingkatta si'o apa apan sarun mariaddi su aal᷊uanna apan otongnge naddatingngu winabbawa udde. Ana waugu lembon matanggakka, i tou aatambanna wungane.

DANIEL 11:36

Ratun banua sawannakka sarun ma'ola'a walate apulun naungnge. Ringannu mawunga i tou sarun mabbisara manungku i tou manggewal᷊anne wuassu al᷊awo'u monganna, ewe'e lai manggewal᷊anna wuassu Ruata Apan Atanggaṛṛanne. I tou sarun wotongnge ma'ola'a ma'oman sara asasa'un Duata masue. Ana waugu apa apan buatte nitantunnu Ruata udde ṛinone maola'a paarorone.

DANIEL 4:26

Manga mala'ekatta namarenta tadea'u tuiddu alu udde iwala matantangnga sulal᷊ummu leta'a. Udde atappasanne manungku sarun maola'a ratu apia napawe Tuangku buatte nanga'u manungku Ruata uataṛṛino ahewallu runia.

DANIEL 4:28

Sarangkanambone udde sarun mariaddi su watangangku, Ratu Nebukadnezar.

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

DANIEL 8:8

Ambingnga mendangenna udde aatambanna ahewalle. Arawe napawe i tou na'omate su pattaal᷊annu taṛṛinone, nappaddite tandungnge apan masallakka udde, ana see su tampa udde tinumuwote appattu wau tandu'a apan mallo'enganna, sambau-sambau watukku tampa apan uapapaṛṛala.

LUKAS 18:14

“Pangimante,” unnu Mawu Yesus, “su tempo napul᷊ete su wal᷊e, ete madarorongnga wose udde tinarimmattu Ruata, wal᷊ine taumatan Farisi udde. Ana waugu taumata apan mannanggakku watanganne sarun iapaawawo, wuṛṛu taumata apan sussallungu watanganne sarun iapaatanggakka.”

IBRANI 3:13

Nariaddi, tadea'u tawe saran sangkatou wuassu wallatti yamiu apan awono'annu rosa na'oman sara lumawangke Ruata, ṛinone i yamiu uatataggu su miallo-miallo tantal᷊anna i ite ta'e mabbiakka su tempo apan isassago “Allo Indi” sulal᷊ummu Wuke Susi.

1 SAMUEL 6:6

Apa hunane i yamiu makkuumanni naal᷊ihidda; ratu wuṛṛu manga taumata Mesir dorone? Arie pa'abbul᷊iane ereapa Ruata nannalangnga si mangitou, na'oman sara i mangitou pia awawal᷊u wuṛṛu namalan mangitou nanantangngu Mesir.