DANIEL 5:2 - WUKE SUSI WATTI'U AL᷊AL᷊USASSA

² Tantal᷊anna i mangitou ma'inumma, Belsyazar namarenta iapaanu manga mangko wul᷊awanna wuṛṛu sal᷊a'a apan buatte niaṛṛon Nebukadnezar, iamangnge, wuasu lal᷊ummu Wal᷊en Mawu su Yerusalem. Pandumanni Ratu Belsyazar eteudde tadea'u manga tembonanne, manga awingnge, wuṛṛu manga nia'ine wuṛṛu i tou sassane, ma'inumma su manga mangko udde.

DANIEL 5:2 Iomraidhean Croise

2 SAMUEL 9:7

I Daud nabbisara, “Arie pa'ata'utta. I ya'u marangngu si'o ana waugu i Yonatan iamangngu. Anambon leta'i iupungngu i Saul, sarun ta'u iul᷊e si'o wuṛṛu saran mal᷊annu-l᷊annu i'o wotongnge umanna su wal᷊en araratuanna.”

2 MARARATU 24:13

Anambon saranapa wul᷊awanna apan niola'i Ratu Salomo su Wal᷊en Mawu, nihohakki Nebukadnezar. Ana see anambon saranapa maarega apan sasahipunanna su Wal᷊en Mawu wuṛṛu wal᷊en araratuanna niapidda watukku Babel. Sarangkanambone nariaddi nassul᷊ungu apa apan buatte niapasingkatu Mawu paarorone.

2 MARARATU 25:15

Manga wul᷊awanna wuṛṛu sal᷊a'a, manga mangko maradio'a wuṛṛu manga lama'a pangadoannu waṛṛa, niapiddi Nebuzaradan sassane.

2 TAWARIKH 11:20

Wua'udde Rehabeam naawingngi Maakha ana'i Absalom. I tarua naasomba ana'a esakka siri appata: Abia, Atai, Ziza, wuṛṛu Selomit.

2 TAWARIKH 15:16

Wua'udde i Ratu Asa napaillol᷊on iupungnge i Maakha, wuassu manarane Inangngu Ratu ana waugu i tou buatte nallanginnu paal᷊uanna sassubanna apan masandaga si Asyera, mongannu asasuwukka. Asa napaṛṛa'a wuṛṛu nakkimunsa'a paal᷊uanna udde ana see tinutungnga su wawal᷊annu Kidron.

2 TAWARIKH 36:10

Su panggahanti tonna, i Ratu Nebukadnezar nangapidi Yoyakhin watukku Babel naola'a sangkatou taumata niatawanna, wuṛṛu manga saranapa maarega su Wal᷊en Mawu niapiddi tou lai. Wua'udde i Nebukadnezar namile si Zedekia, tuṛṛangngu iamangngu i Yoyakhin, naola'a ratu su Yehuda wuṛṛu Yerusalem.

2 TAWARIKH 36:18

Manga aola'u Wal᷊en Mawu wuṛṛu manga saranapane apan maarega, see lai paa'alan ratu wuṛṛu manga mamanaran araratuanne, sarangkanambone niaṛṛon ratun Babel udde ana see niapidda watukku Babel.

EZRA 5:14

Ewe'e niwelengnge lai manga saranapa wul᷊awanna wuṛṛu sal᷊a'a apan ipappaatta su Wal᷊en Mawu wuṛṛu apan buatte nianun Nebukadnezar wuassu Yerusalem ana see niaddo sulal᷊ummu kuilla su Babel. Manga saranapa udde nitantilli Ratu Kores su taumata aranne Sesbazar, apan buatte nitenege naola'a gubernuren Yehuda.

YEREMIA 27:7

Al᷊awo'u walahanna sarun mattaṛṛamawu si tou, su parinsine, wuṛṛu su pulunne maddatingngu tempone araratuanne sassane manawo. Sutempo udde walahannu Babel sarun mattaṛṛamawu su manga walahanna apan matohassa wuṛṛu manga ratu apan bahewalla.

YEREMIA 50:35

Mawu nabbisara, “Matete Babel suadio'a ringannu tumanangnge wuṛṛu tembonannu araratuanna see lai manga mapapande mangitou!

YEREMIA 52:19

Manga saranapa wul᷊awanna wuṛṛu sal᷊a'a, nasutta manga mangko maraddio'a wuṛṛu tampan baṛṛa, manga tampan daṛṛan binatangnga apan lakkatanna olaanna sasamba, tampan awu, leddan sol᷊o, manga mangko tampan amania, wuṛṛu manga mangko pallal᷊inannu sasamba ua'en anggore, sarangkanambone nianu Nebuzaradan sassane.

DANIEL 1:2

Mawu namalan tou namaddon Ratu Yoyakim wuṛṛu nagaṛṛo sambageanganna wuassu manga saranapa apan marega su Wal᷊en Mawu. Manga taumata apan niatawanne, niapiddi tou watukku kuillu monganne su Babel, wuṛṛu manga saranapa maarega apan niaaṛṛone, nisahipunna sulal᷊ummu manga gudangngu kuilla udde.

DANIEL 5:11

Ana waugu sulal᷊ummu araratuanni Tuangku pia sangkatou esakka apan aintaṛṛoannu ghaṛṛahon manga monganna apan susi. Sutempo pamamarentan iamangngi Tuangku, taumata udde niatialanna uatahuanna asingkata, pasasunna wuṛṛu apande, apan ere apandean manga monganna. Iamangngi Tuangku Ratu Nebukadnezar buatte nanenegi tou naola'a piaṛṛa'u manga mapapanden taṛṛa si'atta, taṛṛa ṛopa, wuṛṛu manga taumata pia asingkanne wuṛṛu mapapanden anumpitanna.

DANIEL 5:13

Ringanni mal᷊ihakka Daniel niapadda sinumaruanna ratu. Ana see ratu naiwal᷊ote si tou, “Ete i'o Daniel, taumatan Yahudi niwuangnga, apan buatte niapiddu iamangku wuassu leta'u Yehuda?

DANIEL 5:18

Ruata Apan Atanggaṛṛanne na'ola'a si Nebukadnezar, Iamangngi Tuangku nabbal᷊i ratu mawantuga wuṛṛu nangonggolla si tou ahahewalla wuṛṛu atatelengnga.

DANIEL 5:23

Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.

DANIEL 5:3

Ne niapidde manga mangko udde si tou, see i mangitou sarangkanambone na'inumma anggore wuasu manga saranapa udde.

DANIEL 5:30

Su rabbi udde lai nippatete Belsyazar ratun Babel udde.

DANIEL 5:4

Lapiddu ma'inumma i mangitou mangke maddalo manga monganna apan niola'a wuasu wul᷊awanna, sal᷊a'a, witu'a alu wuṛṛu watu.