DANIEL 5:18 - WUKE SUSI WATTI'U AL᷊AL᷊USASSA

¹⁸ Ruata Apan Atanggaṛṛanne na'ola'a si Nebukadnezar, Iamangngi Tuangku nabbal᷊i ratu mawantuga wuṛṛu nangonggolla si tou ahahewalla wuṛṛu atatelengnga.

DANIEL 5:18 Iomraidhean Croise

2 MARARATU 25:28

wuṛṛu na'ola'a si tou ringannu mapia. I Yoyakhin nionggol᷊annu manarane apan mattanggaṛṛane wuassu manga ratu waine apan niramme lai watukku Babel.

DARALO 47:2

Pattal᷊o'ape ringannu lulluassa, ei anambon walahanna! Paddalote Ruata ringannu huggio!

DARALO 7:17

Nariaddi i tou niṛṛuumannu inolaane sassane, wuṛṛu nisansarannu aatikku naungnge sassane.

DARALO 9:2

Ringannu ahewallu naunga i ya'u maadiangkamanna Si'o, Mawu, wuṛṛu mamasingkattu manara-Nu apan maatiangnga.

DARALO 92:8

Wotongnge mariaddi taumata maṛṛagissa tuttuwo ere nannal᷊o, wuṛṛu taumata lal᷊eo aatambanna paa'ala wuṛṛu mabbiakka su al᷊al᷊uassa; arawe i mangitou sarun pateanna tawe lambene,

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YEREMIA 27:5

“Ringannu taṛṛino-U apan bahewalla wuṛṛu ringannu atatoha-U i Ya'u wotongnge mangonggolla sisai-sai apan ipaapulu-U.

YEREMIA 27:7

Al᷊awo'u walahanna sarun mattaṛṛamawu si tou, su parinsine, wuṛṛu su pulunne maddatingngu tempone araratuanne sassane manawo. Sutempo udde walahannu Babel sarun mattaṛṛamawu su manga walahanna apan matohassa wuṛṛu manga ratu apan bahewalla.

LAL᷊ALLU 3:35

amungkangngu i ite niawul᷊iannu hakka apan nionggollu Mawu,

LAL᷊ALLU 3:38

Apapia wuṛṛu al᷊al᷊eo niapaamatta tumba'u su parentan Mawu.

YEHEZKIEL 31:11

Ne i Ya'u manol᷊a'i tou wuṛṛu sarun manantilla su tembonannu araratuanna waine, apan sarun ma'ola'a si tou uasul᷊ungngu al᷊al᷊eone.

DANIEL 4:17

Eteudde inaappuanni yami manga mala'ekatta apan uasaddia wuṛṛu uatehamma. Pandumannu Ruata Apan Atanggaṛṛanne uataṛṛino araratuannu taumata wuṛṛu i Tou apan nangonggollu araratuanna udde su anambon taumata apan nipile-Ne, ewe'e lai su taumata apan tawe gunane saran addio'a.’

DANIEL 4:19

Naaringikka udde, Daniel apan isassaggo lai Beltsazar, niṛṛumindu'a wuṛṛu tinumiangnga manga piran katempo. Ne i ya'u Ratu Nebukadnezar nabbisara si tou, “Beltsazar, ariete i'o suminggawangnga ana waugu wal᷊iawa wuṛṛu atappasanne udde.” Beltsazar sinumimbikka, “ Tuangku, apiawe eteapa unnuwisara manga arariadiana apan iraṛṛangngon wal᷊iwa udde naṛṛi'a su manga seetti Tuangku wuṛṛu wal᷊ine Tuangku.

DANIEL 4:2

I ya'u mappulu mabbatti'u ola'u al᷊aṛṛindu'a wuṛṛu tiala maatiangnga apan buatte niola'u Ruata Apan atanggaṛṛanne si ya'u.

DANIEL 4:32

I'o sarun limbuaṛṛanna wuassu ammul᷊annu tumana'u soa, wuṛṛu mabbiakka manga winatangnga su wadda'a. Al᷊annune pitu tona i'o sarun umanna nannal᷊o ere sapi. Wua'udde i'o sarun manga'u manungku Ruata Apan Atanggaṛṛanne uataṛṛino su araratuannu taumata wuṛṛu araratuanna udde nionggollu Ruata su anambon taumata apan nipile-Ne.”

DANIEL 4:34

Napawe pitu tonna udde nal᷊iudde, i ya'u tinumingngara langitta, wua'udde nawelengke apia ringirangku. Ne i ya'u naddalote Ruata Apan Atanggaṛṛanne. Ta'u niraloanna wuṛṛu ta'u niwantuhanna i Tou apan mabbiakka saran mal᷊annu-l᷊annu udde. “Ruata sarun maola'a ratu saran mal᷊annu-l᷊annu. I Tou ataṛṛino su al᷊o'engngu tempo.

DANIEL 5:21

I tou nilimbuaṛṛanna wuassu ammul᷊annu tumana'u soa wuṛṛu ṛingiranne naola'a ere ṛingirannu winatangnga. I tou mabbiakka ringannu keledain ahuranganna, u'anna nannal᷊o ere sapi wuṛṛu mattiilla su wadda'a na'oman sara maṛṛolo angngukka. Panginsueanne i tou nanga'u manungku Ruata Apan Atanggaṛṛanne uataṛṛino araratuannu taumata wuṛṛu araratuanna udde nionggollu Mawu sisai-sai apan nipile-Ne.

DANIEL 6:22

Ana see niaringiṛṛante tingikki Daniel apan sinumimbakka, “Wiakke Tuangku saran mal᷊annu-l᷊annu!

WATTI'U MANGA RASUL 26:13

Wuṛṛu su tempo i ya'u su tangngan dal᷊anna, su tempo allattune, Tuangnga apan mawantuga, i ya'u naasilo sambau semakka wuassu langitta, apan semakke massemaṛṛanna wuassu matannallo. Semakka udde natuakka namal᷊iwutta si ya'u wuṛṛu manga taumata apan u'amatta suadio'a ringangku.

WATTI'U MANGA RASUL 26:19

“Ana waugu udde, Tuangnga Agripa, i ya'u sidutu mattinsahadda tuttuṛṛutta sondappa apan suete ta'u nisengkamma wuassu Ruata udde.

WATTI'U MANGA RASUL 7:48

Ewe'e Ruata lembon ahewal᷊anne tawe matana'a su wal᷊e apan niola'u taumata; ana waugu su Wuke Nabi uawoṛṛetta arendi,

TAHIUL᷊E 32:8

Su tempo Apan Atanggaṛṛanne nattahia leta'a, suapan balahanna nitantunna wageangngu letangnge ringannu sambau Mawu maola'a matataṛṛinone.